Elimizdiń biraz aýmaǵynda jańbyr jaýady — sınoptıkter
ASTANA.KAZINFORM — «Qazgıdromet» RMK 24 mamyr kúngi aýa raıy boljamyn jarııalady.
Qazaqstan aýmaǵynyń basym bóliginde turaqsyz aýa raıy kútiledi. Jańbyr jaýyp, naızaǵaı oınap, túnde elimizdiń shyǵysynda jaýyn-shashyn (jańbyr, qar), kúndiz qatty jańbyr jaýady. Qazaqstan boıynsha túngi jáne tańǵy saǵattarda tuman bolady.
Túnde Shyǵys Qazaqstan oblysynyń shyǵysynda, Jetisý oblysynyń taýly aýdandarynda 1 gradýs úsik boljanǵan.
Atyraý, Batys Qazaqstan, Aqtóbe, Ulytaý oblystarynda, Mańǵystaý oblysynyń soltústiginde, shyǵysynda, ortalyǵynda joǵary órt qaýpi bolýy yqtımal.
Sondaı-aq Qostanaı oblysynyń batysynda, soltústik-shyǵysynda, ońtústiginde, ortalyǵynda, Aqmola oblysynyń batysynda, ońtústiginde, Soltústik Qazaqstan oblysynyń batysynda, shyǵysynda, Pavlodar oblysynyń ońtústiginde, Qaraǵandy oblysynyń batysynda jáne shyǵysynda da joǵary órt qaýpi bar.
Mundaı boljam Túrkistan oblysynyń soltústiginde, Qyzylorda oblysynyń batysynda, ortalyǵynda, Jambyl, Almaty oblystarynyń soltústiginde, Shyǵys Qazaqstan oblysynyń ortalyǵynda, Abaı oblysynyń ońtústiginde, Jetisý oblysynyń batysynda, soltústiginde, ońtústiginde jáne ortalyǵynda boljanǵan.
Qyzylorda oblysynyń ońtústiginde, soltústiginde, Mańǵystaý oblysynyń soltústik-shyǵysynda, Aqtóbe oblysynyń ońtústiginde, Qaraǵandy oblysynyń soltústiginde, ońtústiginde tótenshe órt qaýpi kútiledi.
Pavlodar, Jetisý oblystarynyń shyǵysynda, Ulytaý oblysynyń shyǵysynda, ońtústiginde, ortalyǵynda, Abaı oblysynyń shyǵysynda da tótenshe órt qaýpi boljanǵan.
Aıta keteıik, búgin 7 qalada aýa sapasy nasharlaıdy.
