Elimizdiń aımaqtarynda shujyq qanshadan satylyp jatyr
AQTÓBE. KAZINFORM - Qazaqstandyqtar jıi tutynatyn taǵamnyń biri - shujyq. Mereke men otbasylyq otyrysta kesip qoıylǵan shujyq dastarhannyń sánin keltirip turady. Keıbiri tańǵy asqa tiskebasar jasap, túske deıin toq júrýdiń qamyn oılaıdy. Pisken shujyq pa, joq keptirilgen shujyq pa ? Baǵasyn Kazinform agenttigi salystyryp kórdi.
Pisken shujyqtyń eń arzany Qostanaıda bolyp shyqty. Munda tartylǵan etten jasalǵan ónimniń kelisi 935-2900 teńge. Al jartylaı ystalǵan shujyq baǵasy 3350-5400 dep kórsetilgen.
Atyraý qalasynda pisken etten jasalǵan shujyqtyń kelisi 950 teńgeden bastalǵanymen, 5200 teńgege deıin jetedi. Jartylaı ystalǵan ónim bolsa 1800-2400 teńge.
Shujyq baǵasy shamalas qalalar da bar. Máselen pisken etten jasalǵan shujyq Astanada kelisine 1100-2400 teńge, Almatyda 1100-3500 teńge, al Petropavlda kelisine 1100 teńge. Jartylaı ystalǵan shujyqtyń kelisi ońtústik astanada 2300-den bastalyp, 8000 teńgege jetedi. Astanalyqtar bolsa kelisin 2700-5000 teńgege satyp alyp júr.
Elimizdegi Qyzylorda, Pavlodar, Jezqazǵan, Taraz, Semeı jáne Qonaev qalalarynda pisken etten jasalǵan shujyqtyń kelisi shamamen 1200-1500 teńge turady. Sál qymbattaýy 2300-4000 teńgeden satylady. Al jartylaı ystalǵan ónim baǵasy árkeldi. Pavlodarda — 1900-6400 teńge, Semeıde— 3000-5200 teńge, Qyzylordada — 2000-6500 teńge, Qonaevta — 2300-8000 teńge, Jezqazǵanda — 2700-5000 teńge, sonymen birge Tarazda — 2500-2700 teńge.
Taldyqorǵanda shujyqtyń arzany kelisine 1400 teńge bolsa, sapasyna qaraı 4000 teńgege satyp alýǵa bolady. Jartylaı ystalǵanynyń kelisi 2500-8000 myń teńge turady. Óskemende pisken etten jasalǵan shujyqtyń kelisi 1600-7900 teńge bolsa, jartylaı ystalǵany 3900-5400 teńge.
Elimizdiń batys óńirleri, atap aıtqanda Aqtaý, Aqtóbe jáne Oralda pisken etten jasalǵan shujyqtyń kelisi 1700-3400 teńge. Al jartylaı ystalǵan ónim baǵasy 1800 teńgeden bastalyp, 6500 teńgege deıin jetedi.
Kókshetaýda pisken etten jasalǵan shujyqtyń kelisi 2400-3400 teńgege satylyp jatyr. Al jartylaı ystalǵany 3400-5400 teńge turady. Túrkistandyqtar bolsa pisken etten jasalǵan shujyqty 2700, al jartylaı ystalǵanyn 2500 teńgege satyp ala alady.
Ózge óńirlerge qaraǵanda Shymkentte baǵa ózgeshe. Munda pisken etten jasalǵan shujyq kelisi 2900-3700 teńge, al jartylaı ystalǵan shujyq kelisi 2570 teńgeden bastalyp 4200 teńgege jetken.
Elimiz boıynsha eń qymbat shujyq Qaraǵandyda bolyp shyqty. Munda pisken etten jasalǵan shujyq 3000-4000 teńge, al jartylaı ystalǵany orta eseppen 4500-5000 teńge.
Aıta keteıik, Kazinform buǵan deıin elimizdegi irimshik baǵasyn salystyrdy.
