Elimizdiń 10 oblysynda aýa raıyna baılanysty eskertý jarııalandy

ASTANA. KAZINFORM – Sınoptıkter respýblıkanyń 10 oblysynda aýa raıyna baılanysty eskertý jarııalady, dep habarlaıdy Kazinform.

«Qazgıdromet» RMK habarlaýynsha, 27 qańtarda Shymkentte tuman túsedi.

Aqmola oblysynda qarly boran soǵady. Ońtústik-batystan soltústik-batysqa aýysatyn jel, oblystyń shyǵysynda ekpini 15-20 m/s jetedi.

Qaraǵandy oblysynyń soltústiginde qarly boran soǵady. Oblystyń ońtústiginde tuman túsedi. Oblystyń soltústiginde ońtústik-batystan soqqan jel ekpini 15-20 m/s jetedi.

Qostanaı oblysynyń soltústik-shyǵysynda jáne shyǵysynda qar jaýyp, burqasyn bolady. Oblystyń batysynda tuman túsedi. Batystan, ońtústik-batystan jel soǵady, oblystyń shyǵysynda ekpini 15 m/s jetedi.

Qyzylorda oblysynda shyǵystan jel soǵady, kúndiz oblys ortalyǵynda 15-20 m/s kúsheıedi.

Kúndiz Mańǵystaý oblysynyń batysy men ońtústiginde kóktaıǵaq bolady. Ońtústik-shyǵystan soǵatyn jel soltústik-shyǵysqa aýysady, oblystyń batysy men ońtústiginde ekpini 15-20 m/s.

Pavlodar oblysynyń batysy men ońtústiginde burqasyn bolady dep kútilýde. Ońtústik-batystan jel soǵady, oblystyń batysy men ońtústiginde jel ekpini 15-20 m/s jetedi.

Soltústik Qazaqstan oblysynda qar jaýyp, boran soǵady. Soltústik-batystan jel soǵyp, túnde oblystyń shyǵysynda ekpini 15-20m/s jetedi.

Túrkistan oblysynyń batysynda, ortalyǵynda, taýly jáne taý bókterindegi aýdandarda tuman túsedi. Oblystyń taý asýlarynda qar jaýady. Shyǵystan, ońtústik-shyǵystan soǵatyn jel, tańerteń jáne kúndiz soltústikte, batysta, oblystyń taýly aımaqtarynda 15-20 m/s.

Ulytaý oblysynyń shyǵysynda túnde burqasyn bolyp, ońtústiginde tuman túsedi.