Elimizdegi medıtsınalyq avıatsııany damytýdyń bolashaq baǵyttary ataldy
ASTANA. KAZINFORM – Elordada ótip jatqan shuǵyl medıtsınany damytýǵa arnalǵan halyqaralyq konferentsııada Ulttyq shuǵyl medıtsına úılestirý ortalyǵynyń basqarma tóraǵasy Erjan Ádilbekov elimizde medıtsınalyq avıatsııany damytýdyń bolashaq baǵyttaryn atady.
- Elimizdiń aýmaǵy tolyqtaı medıtsınalyq áýe kemesimen qamtylǵan. Naqtyraq aıtar bolsaq. 15 PC-12 tikushaǵy, 15 Eurocopter tikushaǵy, 1 ıAK-40 ushaǵy, 11 AN-2 ushaǵy bar. Osy oraıda Qazaqstan azamattaryn sheteldik klınıkalardan tasymaldaý máselesine toqtalǵym keledi. Atap óterligi, elimiz áleýmettik memleket sanalady. Sondyqtan da 2011-2024 jyldary aralyǵynda biz ártúrli elderden 300-den astam patsıentimizdi evakýatsııaladyq,- dedi ol.
Osy oraıda ortalyq basshysy eskirgen áýe kemelerin jańartý jumystary qolǵa alynǵanyn atap ótti.
- Eskirgen áýe kemelerin aldaǵy 3 jyldyń ishinde tolyqtaı jańartamyz dep úmittenemiz. Máselen, bizde ıAK-40 ushaǵy transpotologııalyq qyzmetter úshin qoldanylady. Qazirgi ýaqytta ony jańa zamanaýı Bombardier CRJ 200 ushaqtaryna aýystyrý jumysy júrgizilip jatyr. Bul ushaqtyń parametri áldeqaıda joǵary, eki ese jyldam ushady ári jaıly,- dep atap ótti Erjan Ádilbekov.
Aıta keteıik, Densaýlyq saqtaý mınıstrliginiń Ulttyq shuǵyl medıtsına úılestirý ortalyǵy men Jedel medıtsınalyq járdem qaýymdastyǵy uıymdastyrǵan is-sharaǵa otandyq jáne Reseı, Ózbekstan, Qyrǵyzstan, Qytaı, Úndistan, Túrkııadan kelgen shuǵyl medıtsınalyq kómek salasyndaǵy halyqaralyq sarapshylar qatysyp otyr. Olardyń barlyǵy shuǵyl medıtsınalyq praktıkada zamanaýı sheshimderdi ázirleý men engizý tájirıbesine ıe.
Konferentsııa baǵdarlamasynda dıagnostıkalaý, emdeý, ınnovatsııalyq jáne tsıfrlyq sheshimderdi engizý, tótenshe jaǵdaılar kezindegi shuǵyl áreket etý júıeleriniń turaqtylyǵyna arnalǵan plenarlyq sessııalar men taqyryptyq sektsııalar qamtylǵan. Іs-shara sheńberinde shuǵyl medıtsınany damytýdyń: medıtsınalyq avıatsııa, mamandar daıarlaý, tsıfrlyq sheshimderdi engizý, kezek kúttirmeıtin kómektiń sapasy men qoljetimdiligin arttyrý sııaqty negizgi baǵyttary boıynsha pikir almasý josparlanǵan.
Aıta keteıik, elordada shuǵyl medıtsınalyq kómekke arnalǵan halyqaralyq konferentsııa ótip jatyr.