Elimizde úı janýarlarynyń tsıfrlyq pasporty ázirlendi
ASTANA. KAZINFORM — Endi úı janýarlarynyń tsıfrlyq pasporttary eGov Mobile qosymshasynda qoljetimdi. Jańa qyzmet týraly tolyǵyraq «Ulttyq aqparattyq tehnologııalar» AQ habarlamasynda aıtylǵan.
— It, mysyq jáne basqa da úı janýarlarynyń ıeleri olardyń málimetterin eGov Mobile mobıldi qosymshasynyń «Tsıfrlyq qujattar» bóliminen qaraı alady. Barlyq málimet TABAN — úı janýarlaryn esepke alý biryńǵaı derekter bazasynan júkteledi. Bul júıede tirkelgen barlyq úı janýary jáne olarǵa qatysty mańyzdy oqıǵalar jazylyp otyrady. Tsıfrlyq pasportta kelesi málimetter qamtylady, janýardyń jeke nómiri, qujat nómiri, aty, túsi, tuqymy, týǵan kúni, erekshe belgileri, janýardyń túri men jynysy, tirkelgen mekenjaıy, naqty turatyn mekenjaıy, ıesiniń tolyq aty-jóni men JSN, sondaı-aq chıpteý, sterıldeý jáne vaktsınatsııa týraly aqparat merzimi men mártebesi kórsetilgen, — delingen habarlamada.
Qyzmetti paıdalaný úshin:
eGov Mobile qosymshasyna avtorızatsııadan ótip;
«Tsıfrlyq qujattar» servısine kirý qajet;
«Basqa qujattar» bóliminde janýar pasportymen tanysý kerek;
eger qujat kórinbese, «Qujattardy jańartý» batyrmasyn basý qajet.
— Tsıfrlyq tólqujat veterınarlyq klınıkaǵa barǵanda, saıahatqa shyǵarda, kórmelerge qatysqanda nemese janýar joǵalǵan jaǵdaıda onyń derekterin jedel usynýǵa múmkindik beredi. Sonymen qatar bul qyzmet úı janýarlaryn júıeli túrde esepke alýǵa, qańǵybas janýarlar sanyn azaıtýǵa jáne ıeleriniń jaýapkershiligin arttyrýǵa septigin tıgizedi, — deıdi ulttyq aqparattyq ortalyǵynan.
Bıyl naýryzdaǵy jaǵdaı boıynsha júıede 224 myńnan astam úı janýary tirkelgen, onyń ishinde 20 myńnan astamy ıesiz janýarlar.
Aıta keteıik, búginde áskerı oqý oryndary eGov.kz portaly arqyly ótinim qabyldaıdy.
Sondaı-aq eGov Mobile arqyly qazaqstandyqtar jeke derekteriniń taralý jaǵdaıyn teksere alady.
Odan bólek eGov portalynyń kómegimen zańsyz tirkelgen SIM-kartany anyqtaý múmkindigi bar.