Elimizde túrli dámdeýishtiń baǵasy qansha
Elimizdegi óńirlerde tuz ben túrli dámdeýish baǵasy ártúrli. Qaı qalada arzan ekenin Kazinform agenttiginiń sholý maqalasynan oqı alasyzdar.
Dámdáýishter baǵasy keı óńirde birneshe ese qymbat. Oǵan logıstıka, suranys pen taýardyń ótimi áser etedi. Negizinen bir keli tuz, keptirilgen lavr japyraǵy, paprıka jáne darshyn, raıhan, qyzyl jáne qara burysh baǵasyn salystyrdyq.
Ońtústik óńirler
Qazaqstannyń ońtústik óńirlerinde dámdeýishtiń baǵasy qoljetimdi. Munda baǵa ózgelerge qaraǵanda 2-3 ese arzan. Máselen tuzdyń kelisi Shymkentte 67 teńge turady. Ortasha baǵa — 90-100 teńge.
Salmaǵy 100 gr qara burysh baǵasy 260-565 teńge aralyǵynda bolsa, qyzyl burysh 360-1800 teńge (baǵa óndirýshige jáne qandaı qyzyl burysh ekenine baılanysty ózgerip turady) bolyp tur. Al salmaǵy 30 gr bolatyn lavr japyraǵy 350 teńge, 10-50 gramdyǵy 105-540 teńge bolyp tur.
10 gramdyq paprıka baǵasy — 65-72 teńge (Almatyda baǵa 295 teńge), 7 gramdyq raıhannyń baǵasy — 42-80 teńge. 10-20 gramm bolatyn darshyn baǵasy — 85-160 teńge.
Elimizdiń ońtústik óńiri kóterme saýda jasaýǵa yńǵaıly bolyp tur.
Ortalyq óńirler
Elimizdiń ortalyǵynda da baǵa qoljetimdi. Mundaǵy dúken sórelerinde dámdeýish túri óte kóp. Orta eseppen tuzdyń kelisin 65-110 teńgege satyp alýǵa bolady. Sonymen birge 340-420 teńgeden (túrli dámdáýish qosylǵany bar) de satylady.
Qara buryshtyń 100 gramy keı jerde 1665 teńge (Astanadaǵy dúkennen 365-570 teńgege satyp alýǵa bolady) bolyp tur. Qyzyl buryshtyń 100 gramy shamamen 385-760 teńge turady. Salmaǵy 30 gr bolatyn keptirilgen lavr japyraǵy 870-1005 teńge.
10 gramdyq paprıkanyń baǵasy — 85-130 teńge. Al 7 gramdyq raıhannyń baǵasy 200-360 teńge (Qaraǵandyda keı jerde 150 teńge), al 10 gramdyq untaqtalǵan darshyn 175 teńge turady.
Soltústik óńirler
Elimizdiń soltústiginde baǵa árqıly. Pavlodar men Qostanaıda baǵa joǵary bolsa, Petropavl men Kókshetaýda baǵa tómen.
Bir keli tuz baǵasy orta eseppen 82-125 teńge (Pavlodarda tuzdyń kelisin keı dúken 237 teńgege satady) turady. 100 gramm qara burysh baǵasy 520 teńgeden bastalyp, 2180 teńgege deıin (buryshtyń bul túri Kókshetaýda satylady) jetedi. Al qyzyl buryshtyń 30 gramy 676 teńgege satylyp jatyr.
10 gramdyq paprıkany 109-118 teńgege (Pavlodarda dámdáýishtiń bul túri 154-300 teńge turady) 7 gramdyq raıhandy 70-106 teńgege satyp alýǵa bolady. Al 10 gramdyq darshyn 75-200 teńge (Kókshetaýda 15 gr bolatyn darshyn baǵasy 448 teńge) turady.
Batys óńirler
Elimizdiń batysyndaǵy óńirlerde dámdáýishtiń baǵasy birkeldi. Baǵa elimizdiń ońtústigine shamalas.
Tuzdyń kelisi munda 80-100 teńge turady. Qara burysh 250-2100, qyzyl burysh 165-1890 teńgeden satylady. Al lavr japyraǵynyń 30 gramy — 525 teńge.
Salmaǵy 10 gramm bolatyn paprıka 136-150, 7 gramdyq raıhan 50-70, 10 gramdyq darshyn 80-190 teńgege satylyp jatyr.
Shyǵys óńirler
Elimizdiń shyǵysynda da baǵa ózgelerge uqsas. Keıbir dámdeýish baǵasy tómen. Qazirgi kezde 1 keli tuz 60-115 teńgege satylyp jatyr. Al 100 gramdyq qara burysh 690-1985, qyzyl burysh 465 teńge turady.
Lavr japyraǵynyń 30 gramy 740-790 teńge aralyǵynda satylyp jatyr. Óskemen men Semeıde 10 gramdyq paprıka baǵasy 226-270 teńge, 7 gramdyq raıhan 85 teńge, al kofe men kondıterlik ónimderdiń dámin keltiretin darshyn baǵasy 83-125 teńge turady.
Kazinform buǵan deıin shaı men kofe, buqtyrylǵan et jáne balyq, qurma, qymyz ben shubat baǵasyn salystyrdy.