Elimizde tumaýǵa qarsy qansha vaktsına bar
ASTANA. KAZINFORM – Qazaqstanda tumaýǵa qarsy «GRIPPOL+» ekpesi satyp alyndy. Bul týraly QR Densaýlyq saqtaý mınıstrliginiń Sanıtarııalyq-epıdemıologııalyq baqylaý komıteti málim etti.
«2024 jylǵy 16 tamyzdaǵy №7 qaýlyǵa sáıkes, elimizde tumaýǵa qarsy vaktsına egý bıylǵy 15 qyrkúıekten bastalady. Vaktsınatsııalaý úshin «GRIPPOL+» ekpesi qoldanylady, óndirýshi - Reseı Federatsııasy», - delingen mınıstrliktiń Kazinform agenttigine bergen jaýabynda.
«SQ-Farmatsııa» JShS málimetine qaraǵanda, 2024 jylǵa 2 025 752 tumaýǵa qarsy vaktsınanyń kólemi satyp alyndy, sondaı-aq 182 000 doza kóleminde qosymsha tapsyrys berildi.
Aıta keteıik, kúz – ımmýnıtettiń álsirep, juqpaly ınfektsııalardyń órshıtin mezgili. Sondyqtan, dárigerler bul maýsymda aǵzaǵa erekshe kútim qajet ekenin únemi aıtyp júredi.
