Elimizde tsıfrlyq shtabtyń jedel top quramy bekitildi

ASTANA. KAZINFORM — Premer-mınıstr tsıfrlyq transformatsııa (Tsıfrlyq shtab) boıynsha jedel top qurý týraly ókimge qol qoıdy. 

Jedel toptyń quramyna kirdi:

— Qazaqstan Respýblıkasynyń Premer-mınıstri — tóraǵa;
— Qazaqstan Respýblıkasy Úkimeti apparatynyń basshysy — Premer-mınıstrdiń orynbasary;
— Qazaqstan Respýblıkasynyń Strategııalyq josparlaý jáne reformalar agenttiginiń tóraǵasy (kelisim boıynsha);
— Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstri — tóraǵanyń orynbasary;
— Qazaqstan Respýblıkasy Prezıdentiniń tsıfrlandyrý máselelerin qadaǵalaıtyn keńesshisi (kelisim boıynsha);
— Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstriniń orynbasary — hatshy.
Toptyń jumys organy — Tsıfrlyq damý, ınnovatsııalar jáne aeroǵarysh ónerkásibi mınıstrligine qarasty sharýashylyq júrgizý quqyǵyndaǵy respýblıkalyq memlekettik kásiporyn — «Tsıfrlyq úkimetti qoldaý ortalyǵy». Ol top otyrystardyń kún tártibin ázirleıdi jáne qajetti materıaldardy daıyndaıdy.

Jedel toptyń otyrystary qajettilikke qaraı ótkiziledi.

Ortalyq jáne jergilikti memlekettik organdardyń, sondaı-aq kvazımemlekettik sektor sýbektileriniń basshylary top sheshimin oryndamaǵany nemese tıisti deńgeıde oryndamaǵan jaǵdaıda jeke jaýapkershilikke tartylady. 

Toptyń mindetteri: 

— ekonomıka salasyn tsıfrlyq transformatsııalaýdy qamtamasyz etý;
— tsıfrlandyrý salasyndaǵy jobalar boıynsha máselelerdi qarastyrý.

Toptyń ókilettikteri: 

— ortalyq jáne jergilikti memlekettik organdarǵa, sondaı-aq kvazımemlekettik sektor sýbektileri úshin mindetti sheshimder qabyldaý;
— toptyń otyrystaryna ortalyq jáne jergilikti memlekettik organdardyń, sondaı-aq kvazımemlekettik sektor sýbektileriniń ókilderin shaqyrý.

Eske sala ketsek, birneshe kún buryn Úkimet janynan tsıfrlyq transformatsııa boıynsha top quryldy.