Elimizde tamyz aıynda ótetin UBT bastaldy

ASTANA. KAZINFORM — Búgin tamyz UBT-sy bastaldy, ol 14 tamyzǵa deıin jalǵasady, dep habarlaıdy Ǵylym jáne joǵary bilim mınıstrligi.

Mınıstrlik málimetinshe, testileýge qatysý úshin 28 myńǵa jýyq ótinish qabyldandy.

— UBT-ǵa qatysýshylardyń 65%-ǵa jýyǵy qazaq tilinde, 35%-y orys tilinde, 89 adam aǵylshyn tilinde test tapsyrýǵa nıet bildirdi. Ótkizýdiń birinshi kúni 2,2 myń adam UBT tapsyrady, — delingen habarlamada.

Tamyz aıyndaǵy UBT-ǵa aǵymdaǵy jáne ótken jylǵy mektep jáne kolledj túlekteri, qandastar (QR azamaty bolyp tabylmaıtyn ulty qazaq azamattar), shetelde bilim alǵan orta bilim berý uıymdarynyń bitirýshileri, shyǵarmashylyq mamandyqtardan basqa mamandyqtarǵa, basqa mamandyqtardan pedagogıkalyq baǵyttarǵa aýysqysy keletin stýdentter jáne joǵary oqý oryndaryna shartty túrde qabyldanǵan stýdentter qatysady.

JOO-da aqyly negizde óz mamandyǵy boıynsha oqýdy jalǵastyrýdy josparlap otyrǵan kolledj túlekteri oqýǵa áńgimelesý qorytyndysy boıynsha qabyldanady. Bul rette oqýǵa qabyldaýdy joo-lardyń qabyldaý komıssııalary júzege asyrady.

Esterińizge sala ketsek, tamyz aıynda ótetin UBT-ǵa tirkelý Ulttyq testileý ortalyǵynyń saıtynda app.testcenter.kz 25 shilde men 5 tamyz aralyǵynda júrgizildi.