Elimizde taǵy bir aýyl alkogolden bas tartpaq
AQTAÝ. KAZINFORM – Mańǵystaý oblysy Túpqaraǵan aýdanynyń ákimi Taýshyq aýylyn «alkogolsiz aýylǵa» aınaldyrýdy usyndy, dep habarlaıdy Mańǵystaý oblysynyń qoǵamdyq kommýnıkatsııa ortalyǵynyń baspasóz qyzmeti.
Baspasóz qyzmetiniń málimetterine qaraǵanda, búginde Taýshyq aýylynda 3 363 turǵyn tirkelgen. Aýyl turǵyndaryna 1 ambýlatorııa, 2 jeke medıtsına ortalyǵy qyzmet kórsetedi. 3 balabaqsha 1-6 jas aralyǵyndaǵy búldirshinderge mektepke deıingi tárbıe berýde. Búginde balalardy balabaqshamen qamtý 100%-dy quraıdy. Jalpy bilim beretin Shahta mektebinde 2024-2025 oqý jylyn 722 oqýshy bastady.
Túpqaraǵan aýdanynyń ákimi Rahat Eltızarov jergilikti turǵyndarmen kezdesýleriniń biriniń barysynda aqsaqaldarǵa Taýshyq aýylyn «alkogolsiz aýylǵa» aınaldyrýdy usyndy.
- Ardaqty ardagerler! Sizderge ishki mádenıetti damytyp, kórshi aýdandarda júrgizilip jatqan jaqsy úrdis boıynsha Taýshyq aýylyn «alkogolsiz aýyl» retinde kópke úlgi etip, alkogoldi ishimdikterden bas tartýǵa arnalǵan jumystardy júrgizýge usynys bildiremin, - dep atap ótti Rahat Eltızarov.
Osyǵan deıin Іshki ister mınıstriniń orynbasary Igor Lepeha alkogoldik ishimdikten tolyqtaı bas tartqan aýyldardyń sanyn jarııalaǵan bolatyn.
Onyń málimetterine súıensek, bul Mańǵystaý oblysynda ishimdikten bas tartqan birinshi aýyl emes.
