Elimizde sý tasqyny bastalǵaly 460-qa jýyq áıel bosandy

ASTANA. KAZINFORM – Sý tasqynymen kúreste aq halattylardyń jumysy týraly Densaýlyq saqtaý mınıstri Aqmaral Álnazarova «Biz birgemiz» telemarafony efırinde aıtyp berdi.

«Medıtsına qyzmetkerleri sý tasqyny bastalǵaly aldyńǵy qatar eńbek etip júr. Tótenshe jaǵdaı jarııalanǵannan beri 460-qa jýyq áıel bosandy, ómir jalǵasyp jatyr. Sonymen qatar sozylmaly aýrýy bar naýqastardy dári-dármekpen qamtý bizdiń baqylaýymyzda. Dárigerler 100-den astam evakýatsııalaý pýnktinde halyqqa táýlik boıy kómek kórsetip jatyr, keıbir pýnktter jabyldy», - dedi Aqmaral Álnazarova teleefırde. 

Mınıstrdiń aıtýynsha, ásirese juqpaly aýrýlardyń aldyn alý erekshe baqylaýda. 

Buǵan deıin sý basqan óńirlerde úı salý jumystarynyń qalaı júrip jatqany týraly habarlaǵan edik.