Elimizde ótken aptada 3 myńnan astam qylmys jasaldy

Ótken apta ishinde elimizde 7 adam ólimi tirkeldi, dep habarlaıdy Kazinform.

«Bir apta ishinde 3003 qylmys jasaldy, onyń 1811-i táýlik ishinde ashyldy. Polıtsııa qyzmetkerleri izin sýytpaı 7 kisi óltirýdi, 4 ólimge ákep soqqan densaýlyqqa qasaqana aýyr zııan keltirýdi anyqtady. Odan bólek, 30 tonaý jáne 369 bóten múlikti urlaý qylmystaryn ashty», - dedi Іshki ister mınıstrliginiń ókili Shuǵyla Turlybek vedomstvoda ótken baspasóz máslıhatynda.

Buǵan deıin habarlaǵanymyzdaı Respýblıka kúni barlyq óńirde jedel shtab jumys isteıdi.

Іshki ister mınıstrligi ókiliniń málimetinshe, mereke kúni qoǵamdyq tártipti 20 myń polıtseı men Ulttyq ulan áskeri baqylaıdy.