Elimizde bir aptada 2600-den astam qylmys jasaldy

Ótken apta ishinde elimizde 2613 qylmystyń jartysynan astamy izin sýytpaı ashyldy, dep habarlaıdy Kazinform.

«Bir apta ishinde 2613 qylmys jasaldy, onyń 1602-si táýlik ishinde ashyldy. Polıtsııa qyzmetkerleri 10 kisi óltirýdi, 11 ólimge ákep soqqan densaýlyqqa qasaqana aýyr zııan keltirýdi izin sýytpaı anyqtady. Odan bólek, bir qaraqshylyq, 27 tonaý jáne 314 bóten múlikti urlaý qylmystaryn ashty», — dedi Іshki ister mınıstrliginiń ókili Shuǵyla Turlybek vedomstvoda ótken baspasóz máslıhatynda.

Sondaı-aq, Іshki ister mınıstrligi vedomstvoaralyq shtab otyrysynda nashaqorlyqqa jáne esirtki bıznesine qarsy kúres jónindegi Keshendi jospardyń oryndalýyn talqylady.

Іshki ister mınıstriniń orynbasary Qaırat Súntaev qylmystyq qýdalaý organdaryna esirtkini saraptaý máselesin kóterdi.

Ol «dástúrli» esirtkini zertteý 10 kúnge deıin, al sıntetıkalyq preparattardy zertteý bir aıdan asatynyn atap ótti.

Al sarapshylardyń pikirinsiz kúdiktilerdiń jolyn kesý sharasyn tańdaý múmkin emes, bul jaýapkershilikten jaltarý qaýpin arttyrady.