Elimizde «Otaý» jańa turǵyn úı baǵdarlamasy iske qosylady
ASTANA. KAZINFORM - Otbasy bank «Otaý» jańa turǵyn úı baǵdarlamasy bastalatynyn habarlady.
«Otaý» baǵdarlamasy 2024 jyldyń 1 naýryzynda iske qosylady. Sol kúnnen bastap 30 sáýirge deıin (qosa alǵanda) qazaqstandyqtar Baspana market (otbasybank.kz) portalynda baǵdarlamaǵa qatysý týraly ótinish joldaı alady. Ótinish berý ýaqyty mańyzdy emes.
Baǵdarlama boıynsha bastapqy jarna 20% - dan bastalady. Nesıe boıynsha mólsherleme-jyldyq 9% (JES 9,2% bastap). Nesıe merzimi - 19 jylǵa deıin.
Kimder qatysa alady?
«Otaý» baǵdarlamasyna 18-den 63 jasqa deıingi (qosa alǵanda) qazaqstandyqtar, onyń ishinde turǵyn úı kezeginde turǵan azamattar qatysa alady. Alaıda jasy 35-ten aspaıtyn elimizdiń jastaryna basymdyq beriletin bolady.
Baǵdarlamaǵa tek Otbasy bank salymshylary ǵana qatysa alady. Úmitkerdiń jınaq shoty eń kemi 18 aılyq bolýy kerek. Ótinim berý sátinde depozıttegi jınaq somasy 1 mln teńgeden kem bolmaýy tıis.
