Elimizde meıirgerlerdiń eńbek jaǵdaılary jaqsarady
ASTANA. KAZINFORM — Medıtsınalyq kolledjder kútim jasaý boıynsha kishi meıirgerlerdi, kútýshilerdi jáne basqa da patsıentterge kútim jasaý mamandyqtaryn daıarlaýdy qamtamasyz etedi
QR Densaýlyq saqtaý mınıstrligi jumysshy mamandyqtar jyly Halyqaralyq eńbek uıymynyń (HEU) halyqaralyq talaptaryna sáıkes meıirgerlerdiń eńbek jaǵdaılaryn jaqsartý boıynsha qosymsha sharalarǵa bastamashylyq jasaıdy.
Bul bastamalar «Meıirgerlik personaldyń jumyspen qamtylýy jáne eńbek jaǵdaılary men ómiri týraly» HEU № 149 Konventsııasyn ratıfıkatsııalaýdy ilgeriletý sheńberinde qaralady.
QR Densaýlyq saqtaý mınıstri Aqmaral Álnazarova QR Eńbek jáne halyqty áleýmettik qorǵaý mınıstriniń keńesshisi Lázzat Aqtaevamen jáne densaýlyq saqtaý jáne qoǵamdyq qyzmet kórsetý qyzmetkerleriniń Qazaqstandyq salalyq kásipodaǵynyń tóraǵasy Baqytjan Tájibaımen kezdesý barysynda qujatty ratıfıkatsııalaýǵa qatysty birqatar máselelerdi jáne orta medıtsınalyq personaldyń eńbek jaǵdaılaryn jaqsartý túrinde kútiletin nátıjelerdi talqylady. Kezdesýge qatysýshylar Densaýlyq saqtaý mınıstrliginiń basshysyn HEU-nyń Qazaqstan tarapyna QR-daǵy stratıfıkattaýdan keıingi is-qımyldarǵa saraptamalyq qoldaý kórsetýge, ártúrli sektorlarda meıirgerlik kútimdi jáne meıirgerlik qyzmet kórsetýdi júzege asyratyn adamdardyń barlyq sanattary úshin «Meıirgerlik personal» uǵymyn birizdendirýge daıyn ekendigi týraly habardar etti.
— HEU N149 konventsııasy ratıfıkatsııalanǵannan keıin bilim berý, áleýmettik qorǵaý uıymdarynyń jáne basqa da sektorlardyń meıirgerlik personalyna densaýlyq saqtaý sektoryndaǵydaı quqyqtar men mindettemeler beriletin bolady. Medıtsınalyq kolledjder kútim jasaý boıynsha kishi meıirgerlerdi, kútýshilerdi jáne basqa da patsıentterge kútim jasaý mamandyqtaryn daıarlaýdy qamtamasyz etedi. Medıtsınalyq uıymdarda kishi meıirgerler úshin jumys oryndary qurylady, olarǵa meıirgerlerdiń kúndelikti fýnktsııalaryn júktemeni azaıtý úshin tapsyrýǵa bolady. Úıde emdelýshilerge kútim jasaý boıynsha medıtsınalyq qyzmetterdiń qoljetimdiligi jaqsarady, — delingen habarlamada.
HEU N149 Konventsııasy ratıfıkatsııalanǵannan keıin halyqaralyq normalardy odan ári ımplementatsııalaý boıynsha qosymsha serpin beriletin bolady.
Buǵan deıin DSM metapnevmovırýstyń taralýyna baılanysty úndeý joldaǵanyn jazǵan edik.