Elimizde kolledjge túsý qaǵıdalary jańartyldy
ASTANA. KAZINFORM – Oqý-aǵartý mınıstrligi tehnıkalyq jáne kásiptik, orta bilimnen keıingi bilimniń bilim berý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalaryna ózgeris engizdi.

Atap aıtqanda, arnaýly memlekettik organdar jáne quqyq qorǵaý organdary, azamattyq qorǵaý organdary, memlekettik feldegerlik qyzmet qyzmetkerleriniń, qyzmettik mindetterin atqarý kezinde qaza tapqan nemese múgedek bolǵan áskerı qyzmetshilerdiń, sondaı-aq medıtsına qyzmetkerleriniń balalarynyń ótinishi negizinde memlekettik grant konkýrstan tys taǵaıyndalady.
Sondaı-aq eger otyrysqa komıssııa músheleriniń keminde úshten ekisi qatyssa, qujat qabyldaý jáne emtıhan komıssııasynyń sheshimi zańdy bolyp esepteledi jáne qatysýshylar sanynyń kópshilik daýsymen qabyldanady. Eger daýys berý teń bolǵan jaǵdaıda komıssııa tóraǵasynyń daýsy sheshedi. Sol sııaqty komıssııa hatshysy emtıhan komıssııasynyń múshesi bolmaıdy.
Emtıhan komıssııasynyń qorytyndy otyrysynda aýdıo nemese beınejazba júrgiziledi jáne ol kolledj muraǵatynda keminde bir jyl saqtalady.
- Memlekettik bilim berý tapsyrysy boıynsha kolledjde bilikti jumysshy kadrlardy daıarlaýdy kózdeıtin bilim berý baǵdarlamalary boıynsha, arnaıy oqý baǵdarlamalary boıynsha, rýhanı bilim berý uıymdaryna, sondaı-aq tehnıkalyq jáne kásiptik, orta bilimnen keıingi, joǵary bilimi bar orta býyn mamandyqtaryna túsýshilerdi mamandyqtyń beıinine sáıkes oqýǵa qabyldaý kolledjdiń jobalyq múmkindigin eskere otyryp, tulǵalardyń ótinishteri boıynsha júzege asyrylady, - delingen mınıstrdiń buıryǵynda.
Taǵy bir jańashyldyq talapker bir ǵana ótinishpen oqýǵa qujattardy qabyldaý, jataqhana berý jáne jekelegen sanattaǵy azamattarǵa, sondaı-aq, qorǵanshylyq pen patronattaǵy azamattardy tegin tamaqpen qamtý týraly memlekettik qyzmet ala alady.
Oqý-aǵartý mınıstrliginiń tehnıkalyq, kásiptik jáne orta bilimnen keıingi bilim berý uıymdaryna qujat, ótinish qabyldaý qaǵıdalarymen tolyǵyraq silteme arqyly ótip tanysýǵa bolady.
Jyl basynda Oqý-aǵartý mınıstri Ǵanı Beısembaev kolledjderdegi bilim sapasy nege tómen ekenin aıtqan edi.
Aıta keteıik, elimizde kolledjderde 1 stýdentke bólinetin qarjy eki ese artady.