Elimizde kolledjge qabyldaý erejeleri jańartyldy

ASTANA. KAZINFORM – Oqý-aǵartý mınıstrligi kolledjderge qabyldaýdyń úlgilik erejelerine ózgerister engizdi.

Tıisti buıryqqa mınıstr 2025 jylǵy 3 shildede qol qoıdy. Jańartýlar tehnıkalyq, kásiptik jáne orta bilimnen keıingi bilim berý baǵdarlamalaryna qabyldaýǵa qatysty.

Tehnıkalyq jáne kásiptik bilim berý uıymdaryna qabyldanady:

- Qazaqstan Respýblıkasynyń azamattary;

- shetel azamattary men azamattyǵy joq adamdar;

- bosqyndar;

- baspana izdeýshi tulǵalar;

- qandastar, eger olarda:

– bastaýysh bilimi (balet ártisi biliktiligin beretin «Horeografııalyq óner» mamandyǵy úshin);

– negizgi orta, jalpy orta, tehnıkalyq jáne kásiptik, orta bilimnen keıingi;

– joǵary (joǵary kásibı) bilimi bolsa;

- erekshe bilim berý qajettilikteri bar tulǵalar (bilimi týraly qujaty bar).

Orta bilimnen keıingi bilim berý uıymdaryna qabyldanady:

- Qazaqstan Respýblıkasynyń azamattary;

- shetel azamattary men azamattyǵy joq adamdar;

- bosqyndar;

- baspana izdeýshi tulǵalar;

- qandastar, eger olarda:

– bastaýysh bilimi (balet ártisi biliktiligin beretin «Horeografııalyq óner» mamandyǵy úshin) bolsa;

– negizgi orta, jalpy orta, tehnıkalyq jáne kásiptik, orta bilimnen keıingi bilimi bolsa;

– joǵary (joǵary kásibı) bilimi bolsa;

- erekshe bilim berý qajettiligi bar tulǵalar (bilimi týraly qujaty bar).

Memlekettik bilim berý tapsyrysy boıynsha bilim berý uıymdaryna (respýblıkalyq, oblystyq, respýblıkalyq mańyzy bar qalalar men astanaǵa qarasty olımpıadalyq rezervtegi mamandandyrylǵan mektep-ınternat-kolledjder men sportqa qabiletti balalarǵa arnalǵan ınternat-mektepterdi qospaǵanda) arnaıy memlekettik, quqyq qorǵaý organdarynyń, azamattyq qorǵaý organdarynyń, memlekettik feldegerlik qyzmet qyzmetkerleriniń, áskerı qyzmetshilerdiń, sondaı-aq qyzmettik mindetterin oryndaý kezinde jaraqat alyp qaıtys bolǵan (qaza tapqan), múgedektik alǵan medıtsına qyzmetkerleriniń asyrandy, ógeı nemese birge turatyn balalary konkýrssyz qabyldanady.

Memlekettik tapsyrys boıynsha qabyldaý kelesi jaǵdaılarda júrgiziledi:

- bilikti jumysshy kadrlardy daıarlaýǵa baǵyttalǵan baǵdarlamalar boıynsha;

- arnaıy oqý baǵdarlamalary boıynsha;

- dinı (rýhanı) bilim berý uıymdaryna;

- qylmystyq-atqarý júıesi mekemelerinde jazasyn óteýshilerge;

- tehnıkalyq jáne kásiptik, orta bilimnen keıingi, joǵary bilimi bar, mamandyq beıinine sáıkes keletin mamandyqtarǵa túsýshilerge.

Bul rette qabyldaý TjKPO uıymynyń jobalyq qýatyna qaraı júzege asyrylady.

Qabyldaý merzimderi:

jumysshy mamandardy daıarlaýǵa, arnaıy baǵdarlamalar, dinı uıymdar, qylmystyq-atqarý júıesi mekemelerindegi jazasyn óteýshilerge:

– 25 maýsym – 27 tamyz (kúndizgi);

– 25 maýsym – 20 qyrkúıek (keshki oqý).

orta býyn mamandaryn, qoldanbaly bakalavrlardy daıarlaýǵa:

– memlekettik tapsyrys boıynsha (kúndizgi): 25 maýsym – 22 tamyz;

– aqyly negizde: 25 maýsym – 27 tamyz;

– keshki/syrttaı oqý: 25 maýsym – 20 qyrkúıek;

– shyǵarmashylyq daıyndyq talap etiletin mamandyqtar boıynsha: 25 maýsym – 20 shilde;

– pedagogıkalyq, medıtsınalyq mamandyqtar boıynsha: 25 maýsym – 10 tamyz.

Emtıhandar:

- pedagogıkalyq jáne medıtsınalyq mamandyqtarǵa arnaıy nemese shyǵarmashylyq emtıhandar men psıhometrıkalyq testileý – 15 tamyzǵa deıin;

shyǵarmashylyq mamandyqtarǵa (negizgi jáne jalpy orta bilimi barlar) – 21–28 shilde aralyǵy.

Konkýrs:

- ótinishterdi qabyldaý (negizgi, jalpy orta, tehnıkalyq jáne kásiptik, orta bilimnen keıingi bazada): 22 tamyzǵa deıin.

Konkýrsty NOBD aqparattyq júıesi (bilim, mádenıet jáne sport salasyna qarasty TjKPO uıymdaryn jáne QAJ mekemelerindegi tulǵalardy qospaǵanda) avtomatty túrde júrgizedi.

Shyǵarmashylyq, pedagogıkalyq, medıtsınalyq mamandyqtarǵa qabyldaý kezinde arnaıy emtıhandar nátıjesi de eskeriledi.

Konkýrs merzimi:

- memlekettik tapsyrys boıynsha (negizgi jáne jalpy orta bilim bazasynda): 23–24 tamyz;

- aqyly negizde: 28–29 tamyz;

- shyǵarmashylyq mamandyqtar boıynsha: 29 shilde – 2 tamyz;

- pedagogıkalyq jáne medıtsınalyq mamandyqtar boıynsha: 16–17 tamyz.

Qaıta bólý:

- Eger mamandyqtar boıynsha toptar (keminde 15 adam) jınaqtalmasa jáne bos oryndar qalsa, 28 tamyzǵa deıin qaıta bólý júrgiziledi.

Nátıjeler:

NOBD arqyly bilim basqarmalaryna avtomatty túrde jiberiledi.

Nátıjeler jarııalaný merzimi:

– TjKPO bazasynda: 25 tamyz;

– óner men mádenıet mamandyqtary boıynsha: 3 tamyz;

– pedagogıkalyq jáne medıtsınalyq mamandyqtar boıynsha: 18 tamyz.

Aqparat ınternet-resýrstarda jáne 1414 biryńǵaı baılanys ortalyǵy arqyly SMS habarlama jiberiledi.

Buıryq 2025 jylǵy 21 shildede kúshine enedi.

Aıta keteıik, elimizde medıtsınalyq kolledjderge túsý erejesi de ózgerdi.

Eske salsaq, kolledj stýdentteri álemniń 152 memleketinde tanylǵan sertıfıkat ala alady.