Elimizde qaı salanyń mamandaryna suranys kóp

ASTANA. KAZINFORM – Jumyskerlerge suranystyń eń kóp ósýi Shymkent qalasynda (2,6 myń bos orynǵa nemese +86%), Aqmola (1,5 myńǵa nemese +50%) jáne Batys Qazaqstan (1,5 myńǵa nemese +46%) oblystarynda tirkeldi. 

Елімізде қай саланың мамандарына сұраныс көп
Фото: Астана әкімдігі

Qańtar aıynda Elektrondyq eńbek bırjasynda jumys berýshiler men izdenýshilerdiń belsendiligi ártúrli boldy. Bos oryndar sany ótken jyldyń jeltoqsan aıymen salystyrǵanda 5,2%-ǵa qysqaryp, 98,9 myń bolsa, al túıindemeler sany 2,5 ese, ıaǵnı 191,9 myńǵa deıin ulǵaıdy.

Eń kóp bos jumys oryndardy bilim berý (36,8 myń), basqa da qyzmet túrleri (11,5 myń) jáne densaýlyq saqtaý (11,1 myń) kásiporyndary ornalastyrdy.

- Bul rette qańtar aıynda joǵary bilikti kadrlarǵa suranys kúrt ósti – jumys berýshiler jeltoqsanǵa qaraǵanda 16 myń bos orynǵa (+70%) kóbirek ornalastyrdy. Biliktiligi joq jumysshylardyń eńbegine suranys 45,7 myńnan 18,8 myń bos orynǵa deıinqysqaryp, eki eseden astam tómendedi, - delingen Eńbek mınıstrligi taratqan habarlamada.

Sonymen qatar usynys tarapynan túıindeme sanynyń ósýin barlyq biliktilik toptary kórsetedi, al biliktiligi joq jumysshylar jeltoqsanǵa qaraǵanda 60,4 myń túıindemeni (+338%) kóbirek ornalastyrdy.

Jeltoqsan aıymen salystyrǵanda bos jumys oryndarynyń oń saldosy 11 óńirde baıqalady. Jumyskerlerge suranystyń eń kóp ósýi Shymkent qalasynda (2,6 myń bos orynǵa nemese +86%), Aqmola (1,5 myńǵa nemese +50%) jáne Batys Qazaqstan (1,5 myńǵa nemese +46%) oblystarynda tirkeldi. Suranystyń eń kóp tómendeýi Túrkistan (11,2 myń bos orynǵa nemese -63%), Aqtóbe (-2,3 myń, nemese -36%) jáne Jambyl (-1,7 myń, nemese -30%) oblystarynda boldy.

Qańtar aıyndaǵy eńbek naryǵyndaǵy usynystardyń ósýi nátıjesinde eldiń barlyq derlik aımaǵynda túıindeme profıtsıti qalyptasty. Ol Túrkistan (6,5 myń bos jumys orny jáne 25 myń túıindeme), Qyzylorda (2,3 myń bos jumys orny jáne 14,3 myń túıindeme), Jambyl (4 myń bos jumys orny jáne 10,3 myń túıindeme) jáne Mańǵystaý (3,4 myń bos jumys orny jáne 12,7 myń túıindeme) oblystarynda erekshe baıqaldy.

- Bilikti qyzmetkerler arasynda tárbıeshiler (2,1 myń bos jumys orny), avtomobıl júrgizýshileri jáne matematıka muǵalimderi (1,9 myń bos jumys orny) suranysqa ıe boldy. Áleýmettik qyzmetker (+1,1 myń bos jumys orny) jáne bilim berýdegi áleýmettik pedagog (+625 bos jumys orny) sııaqty mamandyqtarǵa suranys artty, - delingen habarlamada.

Tapshy mamandar qataryn matematıka pániniń muǵalimderi tolyqtyrdy, olar jalpy 529 túıindeme ornalastyrdy, sondaı-aq áleýmettik pedagogtar (173 túıindeme) men mektep psıhologtary da (262 túıindememen 1 myń bos jumys orny) tapshy mamandar qatarynan kórindi.

- Jumys berýshiler ortasha jalaqynyń eń joǵary mólsherin izdenýshiler arasynan óndirýshi ónerkásiptegi ýchaske bastyǵy (741 myń teńgeden bastap), avıatsııadaǵy ınjener (~693 myń teńge) jáne bas qurylysshy (~605 myń teńge) laýazymdaryna usyndy, al júmys izdeýshiler arasynan eń joǵary jalaqyny óndirýshi ónerkásipte bólim bastyǵynyń orynbasary (orta eseppen 1,1 mln teńge), ushqysh (~1,1 mln teńge), sondaı-aq materıaldyq-óndiristik qundylyqtardy esepke alý bóliminiń basshysy (~1 mln teńge) laýazymyna úmitkerler surady, - delingen mınıstrlik habarlamasynda.

Osylaısha, qańtar aıynda EEB-da bos oryndardyń azaıýy kezinde túıindemeler sanynyń aıtarlyqtaı ósýi baıqaldy. Bul jyl basynda jumys berýshiler jaldaý protsesin áli kúsheıtpegendikten bolýy múmkin, al kóptegen jumys izdeýshiler, kerisinshe, qańtardan bastap jańa jumys izdeı bastaıdy. Kóptegen mamandyqtar boıynsha túıindemeniń profıtsıtine qaramastan, keıbir laýazymdarda kadrlar tapshylyǵy boldy.

Eske salsaq Astanada jastardyń jumysqa ornalasýyna qandaı kómek kórsetiletini týraly jazǵan edik

Сейчас читают