Elimizde qańtardan beri 12 myń turǵyn úı paıdalanýǵa berildi

ASTANA. KAZINFORM – 2025 jyldyń qańtar-mamyr aralyǵynda 12 myń turǵyn úı paıdalanýǵa berildi, onyń ishinde 567 kóppáterli úı, 11 430 jeke úı jáne 16 jataqhana. Bul týraly Ulttyq statıstıka bıýrosy málim etti.

Stat bıýronyń dereginshe, paıdalanýǵa berilgen turǵyn úıdiń jalpy alańy 2024 jyldyń sáıkes kezeńimen salystyrǵanda 5,7% ósip, 6 021,3 myń sharshy metr bolǵan, onyń ishinde:

3 854,7 myń sh.m. – kóppáterli úıler

2 126,7 myń sh.m. – jeke úıler

Engizilgen turǵyn úı kólemi boıynsha kósh bastap tur:

Astana – 1 505,4 myń sh.m.

Almaty – 1 138,8 myń sh.m.

Almaty oblysy – 463 myń sh. m

Byltyrǵy sáıkes kezeńimen salystyrǵanda eń kóp ósim Túrkistan oblysynda (+25,5%), Shymkentte (+23,4%) jáne Almaty oblysynda (+20,4%) baıqaldy.

Turǵyn úıdiń basym bóligi – 5 663,3 myń sh.m. nemese 94,1% jeke qurylys mekemelerimen salynǵan, onyń ishinde 2 175,3 myń sh.m. halyqtyń óz kúshimen.

Jalpy qurylys jumystarynyń kólemi bes aıda 15,4% ósip, 2 001 mlrd teńgeni qurady. Ósim elimizdiń 18 óńirinde tirkeldi.

Eske sala keteıik, buǵan deıin úkimette aıtylǵandaı Qazaqstanda 19 mln sharshy metr turǵyn úı paıdalanýǵa beriletinin jazǵan edik.