Elimizde Horvatııanyń úlesi bar 30-dan astam kompanııa tabysty qyzmet etedi
ASTANA. KAZINFORM — Memleket basshysy Horvatııanyń Syrtqy jáne eýropalyq ister mınıstri Gordan Grlıch-Radmandy qabyldady, dep habarlaıdy Aqordanyń baspasóz qyzmeti.
Prezıdenttiń aıtýynsha, Gordan Grlıch-Radmannyń bul sapary Horvatııanyń ekijaqty qarym-qatynasqa tyń serpin berýge nıetti ekenin kórsetedi.
— Memleket basshysy eki el arasyndaǵy yqpaldastyq ózara senim men syndarly dıalog rýhynda damı beretinine senim bildirdi. Qasym-Jomart Toqaev horvat kompanııalary Qazaqstan naryǵynda energetıka, ınfraqurylym, farmatsevtıka jáne tamaq ónerkásibi sııaqty salalarda jumys isteýge qyzyǵýshylyq tanytyp otyrǵanyn aıtty, — delingen habarlamada.
Qazir elimizde Horvatııanyń úlesi bar 30-dan astam kompanııa tabysty qyzmet etedi. Olardyń qatarynda Pliva jáne Podravka sekildi tanymal brendterdi aıtýǵa bolady.
Memleket basshysy búgingi Qazaq-horvat bıznes forýmyna Horvatııanyń kóptegen iri bıznes ókili qatysyp jatqanyn qoldady.
Jıyn aıasynda qol jetkizilgen kelisimder saýda-ınvestıtsııalyq yntymaqtastyqtyń órisin keńeıtýge yqpal etetinine toqtaldy.
Buǵan deıin Prezıdent Pákistan QK Qurlyq áskerleriniń bas qolbasshysy general Asım Mýnırdi qabyldaǵanyn jazǵanbyz.