Elimizde «Gazballon» aktsııasy bastaldy
ASTANA. KAZINFORM — Búgin elimizde «Gazballon» respýblıkalyq aktsııasy bastalady. Bes kúnge jalǵasatyn profılaktıkalyq sharany Tótenshe jaǵdaılar jáne Іshki ister mınıstrligi birlesip ótkizedi. Bul týraly TJM baspasóz qyzmeti habarlady.
Aktsııanyń basty maqsaty — gaz ballondy paıdalaný kezindegi quqyq buzýshylyqtardyń jáne avarııalyq jaǵdaılardyń aldyn alý.
Shara barasynda órt qaýipsizdigi talaptarynyń saqtalýyna, onyń ishinde órt qaýipsizdigi qaǵıdalarynyń 1074-tarmaǵyna erekshe nazar aýdarylady. Atalǵan tarmaqqa sáıkes gaz ballon ornatylǵan avtokólikterdi:
- qosa salynǵan nemese japsarlas ózge maqsattaǵy úı-jaılarda;
- jabyq túrdegi parkıngter men avtoturaqtarda;
- jer deńgeıinen tómen ornalasqan úı-jaılarda jáne turaqtarda ornalastyrýǵa qatań tyıym salynady.
Osy talaptardyń buzylýy adamdardyń ómiri men densaýlyǵyna qaýip tóndiredi, sondyqtan shara barysynda normalardyń saqtalýyna baqylaý kúsheıtiledi.
«Gazballon» aktsııasy aıasynda mamandar parkıngter men joldarda reıdtik tekserister júrgizip, osymen jabdyqtalǵan kólikterde zańsyz ornalastyrý faktilerin anyqtaý jáne jolyn kesý sharalary josparlanǵan.
Sondaı-aq turǵyndarǵa parkıngterge mundaı avtokólikterdiń kirýine jol bermeý jóninde túsindirý jumystary júrgiziledi. Oǵan qosa, aktsııa kezinde gaz quıý stantsııalarynda profılaktıkalyq sharalar ótkiziledi.
Premer-mınıstr qazan aıynda úsh mınıstrlikke gaz ballondarynyń óndirisin uıymdastyrýdy tapsyrǵan bolatyn.