Elimizde et baǵasy túse me

Ulttyq ekonomıka mınıstri Álibek Qýantyrov Qazaqstandaǵy et baǵasyna qatysty pikir aıtty, dep habarlaıdy Kazinform. 

Aıta keteıik, jaqynda Aýyl sharýashylyǵy mınıstri Aıdarbek Saparov et baǵasy tómendep jatqanyn málim etken edi. 

«Aýyl sharýashylyǵy mınıstri aıtqan derekter durys, óıtkeni bizde jármeńkeden keletin ónimder bar, olardyń baǵasy tómen. ıAǵnı túrli aımaqtarda ótkiziletin jármeńkelerge tikeleı jetkizedi. Atap aıtqanda, sıyr etiniń baǵasy 2500, 3500 jáne 4500 teńgege deıin, jylqy etiniń baǵasy da osylaı ártúrli. Jalpy, baǵa negizinen ártúrli deńgeıde», - dedi Á.Qýantyrov Májiliste tilshiler suraǵyna jaýap bere otyryp.

Mınıstr sýpermarketter men bazarlardaǵy ónimderdiń baǵasy da ártúrli ekenin aıtty. Osy oraıda tilshiler mınıstrden «Et baǵasy tómendeı me?» dep surady.

«Jalpy, tómendeýi múmkin. Mal basy kóbeıse, usynys artyp, et arzandaıdy. Biraq ınflıatsııa men jem-shóp baǵasynyń kóterilýine baılanysty máseleler bar ekenin eskerý kerek», – dep túsindirdi Álibek Qýantyrov.