Elimizde esirtki qoldanatyn 18 myńnan astam adam baqylaýda tur

ASTANA. KAZINFORM – Májilis depýtaty Elnur Beısenbaev esirtkige masaısyp kólik rýline otyratyn júrgizýshilerge baqylaýdy kúsheıtip, tizim qurýdy usyndy.

«Bizde esirtki qoldanyp kólik júrgizgen jaǵdaıda, 15 kúnge qamaıdy jáne 7 jylǵa júrgizýshi kýáliginen aıyrady. Biraq, ol azamattarmen ári qaraı jumys istelmeıdi. Meniń bilýimshe, tirkeýge almaıdy, olar odan ári esirtki paıdalanyp jatyr. Biz olardy baqylaýǵa alyp, tizimin jasaýymyz kerek», - dedi Májilis depýtaty Elnur Beısenbaev.

Halyq qalaýlysy kótergen máselegen qatysty Densaýlyq saqtaý mınıstriniń birinshi orynbasary pikir bildirdi.

«Qazir elimizde esirtki qoldanatyn 18 296 adam dınamıkalyq baqylaýda tur. Sonyń ishinde siz aıtyp otyrǵan adamdar da bar. Qazir Іshki ister mınıstrligimen birlese jumys istep jatyrmyz. Ol jumys boıynsha qosymsha aqparat berýge daıynbyz», - dedi Tımýr Sultanǵazıev.

Іshki ister mınıstriniń orynbasary Aıdos Rysbaev esirtki qoldanyp kólik rýline otyratyndar júrgizýshi kýáliginen aırylýymen qatar esepke alynatynyn jáne olarmen tıisti jumys júrgiziletinin aıtty.

Buǵan deıin Іshki ister mınıstriniń orynbasary Tramadoldyń satylymy 90%-ǵa tómendegenin málim etken edi.