Elimizde elektromobılder sany 1,8 ese ósti

ASTANA. KAZINFORM - 2024 jylǵy qyrkúıekte esepke 163,9 myń birlik avtokólik quraly qoıyldy. Bul kórsetkish ótken jyldyń sáıkes kezeńimen salystyrǵanda 3,2% kem, dep habarlaıdy Ulttyq statıstıka bıýrosy.

2024 jylǵy 1 qazandaǵy jaǵdaı boıynsha Qazaqstanda tirkelgen avtokólik quraldarynyń sany 5 614,7 myń birlikti qurady. Onyń ishinde 88% – jeńil avtomobılder, 9,9% – júk avtomobılderi jáne 2,1% – avtobýstar.

Paıdalanatyn otyn túri boıynsha kóliktiń 81,9% benzınmen júredi, aralas otyn esebinen qozǵalatyn avtomobılderdiń úlesi – 7,4%, dızel otynymen – 7,1%. Gazben júretin avtomobılderdiń sany ótken jyldyń sáıkes kezeńimen salystyrǵanda 3 213 birlikke artty, kóliktiń jalpy sanynda gaz ballony bar avtomobıldiń úlesi 0,3% qurady. Taǵy 11 706 birlik avtomobıl elektr energııasy esebinen qozǵalady jáne olardyń jalpy kólik sanyndaǵy úlesi 0,2% qurady, byltyrǵy sáıkes kezeńmen salystyrǵanda elektromobılder sany 1,8 ese ósti.

Eske salsaq, Qazaqstan aýmaǵynda 10 970 elektromobıl tirkelgeni týraly habarladyq.

Sonymen qatar Elektromobılder adam densaýlyǵyna qaýipti me degen suraqqa Kazinform tilshisi saraptama jasady.