Elimizde «E-Joldar» tsıfrlyq platformasy ázirlenip jatyr

ASTANA. KAZINFORM – Elimizde respýblıkalyq jáne jergilikti joldardyń jaǵdaıyn monıtorıng etetin tsıfrlyq platforma paıda bolady. Bul týraly Úkimet basshysy Oljas Bektenov málim etti.

- Qazir «E-Joldar» tsıfrlyq platformasy ázirlenip jatyr. Ol tek respýblıkalyq emes, sondaı-aq jergilikti jáne qalalyq joldardyń jaǵdaıyna da monıtorıngti qamtamasyz etetin bolady. Kólik jáne Tsıfrlyq damý, ınnovatsııalar jáne aeroǵarysh ónerkásibi mınıstrligi jyl sońyna deıin atalǵan platformany pılottyq rejımde iske qosýdy tapsyramyn, - dedi Oljas Bektenov Úkimet otyrysynda.

Osy oraıda Premer-mınıstr kólik jáne tsıfrlandyrý mınıstrlikterine naryqtaǵy barlyq tsıfrlyq qyzmetterge eki aı merzimde tekserý júrgizýdi tapsyrdy.

- Otandyq IT-kompanııalardyń avtojol salasyn damytýǵa belsendi túrde járdemdesýge, kórsetiletin qyzmet sapasyn jaqsartýǵa, rásimderdi ońaılatýǵa jáne, eń bastysy logıstıkany tıimdi basqarýǵa qabileti jetkilikti, - dep tolyqtyrdy ol.

Aıta ketsek, byltyr elimizde joldyń sapasyna qatysty turǵyndardan 40 myńnan astam aryz-shaǵym túsken. 

Buǵan deıin Úkimet basshysy elimizde jappaı jol apaty jıilep ketkenin aıtty. 

Sonymen qatar Oljas Bektenov BQO ákimin jol sapasyna qatysty synady.