Elimizde aýa sapasy tómen qalalar sany eki ese ósti

ASTANA. KAZINFORM — Búgin Qazaqstannyń 9 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy «Qazgıdromet».  

— 2025 jyldyń 7 aqpanda Pavlodar, Qaraǵandy, Jezqazǵan, Balqash, Temirtaý, Óskemen, Semeı, Rıdder, Almaty qalalarynda aýanyń lastanýynyń qolaısyz meteorologııalyq jaǵdaıy kútilýde, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske salsaq, keshe aýasy lastanǵan qalalar sany eki ese tómen bolatyn. Búgin olardyń qataryna Qaraǵandy, Jezqazǵan, Balqash, Temirtaý qosyldy.