Elimizde ár altynshy otbasy bedeýlik máselesine tap bolyp otyr

ASTANA. KAZINFORM — Elimizde ár altynshy otbasy bedeýlik máselesine tap bolyp otyr. Al jynystyq ınfektsııa juqtyrǵan jastardyń 60%-y medıtsınalyq kómekke júginbeıdi.

Bul týraly QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary Juldyzaı Ysqaqova aıtty.

— Densaýlyq saqtaý mınıstrliginiń zertteýi boıynsha jynystyq jolmen berilgen ınfektsııa belgileri bar jastardyń 60%-dan astamy medıtsınalyq kómekke júginbeıdi. Búginde Qazaqstandaǵy árbir altynshy otbasy bedeýlik máselesine tap bolyp otyr. Bul jaǵdaı erlerge de, áıelderge de birdeı qatysty. DDSU (Dúnıejúzilik densaýlyq saqtaý uıymy) mamandarynyń pikirinshe, mundaı kórsetkish ulttyq qaýipsizdikke tóngen qater bolyp sanalady, — dedi ol OKQ alańynda.

Sondaı-aq spıker bul máselemen kúres úshin memleket jyl saıyn myńdaǵan kvota bólip kele jatqanyn atap ótti. 

— 2021 jyldan bastap Prezıdenttiń tapsyrmasy boıynsha «Ańsaǵan sábı» arnaıy baǵdarlamasy júzege asyrylyp keledi, sonyń aıasynda EKO (ekstrakorporaldi uryqtandyrý) baǵdarlamalaryna jyl saıyn myńdaǵan kvota bólinedi. Bul reprodýktıvti densaýlyq salasynda ashyq ári ǵylymı negizdelgen dıalogty qajet etetin tereń problemalardyń bar ekenin kórsetedi, — dedi Juldyzaı Ysqaqova.

Buǵan deıin belgili qazaqstandyq reprodýktolog elimizde ne sebepti ortasha bedeýlik kórsetkishi 17 paıyzdan túspeı turǵanyn aıtqan edi.