Elimizde apta ishinde qandaı aýys-túıis boldy
ASTANA. KAZINFORM – Ótken aptada elimizde birqatar kadrlyq aýys-túıis boldy.
Apta basynda kásipker Qaırat Boranbaev Ulttyq paralımpıada komıtetiniń prezıdenti bolyp qaıta saılandy.
«Men Paralımpıada federatsııalary ókilderiniń biraýyzdan sheshimimen ulttyq paralımpıada komıtetiniń prezıdenti bolyp saılandym. Meni qoldaǵandardyń bárine alǵys aıtqym keledi. Men úshin bul óte mańyzdy qyzmet. Biz Qazaqstanda paralımpıadalyq qozǵalysty damytý jónindegi aýqymdy strategııamyzdy iske asyrý jolyndamyz. Sońǵy jyldary qol jetkizgen jetistiktermen toqtap qalmaımyz. Josparymyz kóp», - dedi Qaırat Boranbaev óziniń áleýmettik paraqshasynda.
Onyń aıtýynsha, búginde Frantsııa astanasy Parıjde jalaýyn jelbiretetin Paralımpıada oıyndaryna qyzý daıyndyq júrip jatyr. Jyl sońyna deıin Astanada jańa jattyǵý ortalyǵynyń qurylysy bastalmaq. Sondaı-aq «Tarlan» ınklıýzıvti muz aıdynyn qaıta jańartý josparlanyp otyr. Budan bólek paralımpıadashylarǵa arnalǵan zamanaýı trenajerler satyp alynbaq.
Saýda jáne ıntegratsııa mınıstri Arman Shaqqalıevtiń buıryǵymen Janna Rashıdqyzy Esenbekova QR Saýda jáne ıntegratsııa mınıstrliginiń Tehnıkalyq retteý jáne metrologııa komıtetiniń tóraǵasy bolyp taǵaıyndaldy.
Janna Esenbekova 1982 jyly 25aqpanda týǵan. E.A. Bóketov atyndaǵy Qaraǵandy memlekettik ýnıversıtetiniń «Quqyqtaný» mamandyǵyn meńgergen.
2002-2004 jyldary eńbek jolyn Qaraǵandy oblysynyń Ádilet departamentinde jetekshi maman retinde bastady.
2004-2005 jj - Qazaqstan Respýblıkasy Kólik jáne kommýnıkatsııalar mınıstrliginiń Zań departamentinde bas maman bolyp jumys istedi. Sol jyly Qazaqstan Respýblıkasy Qarjy mınıstrliginiń Qarjy basqarmasyna bas maman bolyp aýysty.
2005-2008 jj- QR Indýstrııa jáne saýda mınıstrliginiń Tehnıkalyq retteý jáne metrologııa basqarmasynyń halyqaralyq yntymaqtastyq jáne quqyqtyq jumys bóliminiń bas mamany boldy.
2008-2012 jj- QR Indýstrııa jáne saýda mınıstrliginiń Tehnıkalyq retteý jáne metrologııa komıtetiniń memlekettik qadaǵalaý, is júrgizý jáne memlekettik til monıtorıngi basqarmasynyń bastyǵy.
2012-2013 jj- QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetiniń memlekettik baqylaýdy monıtorıngteý jáne taldaý basqarmasynyń basshysy.
2013-2015 jj- QR IJTM Tehnıkalyq retteý jáne metrologııa komıtetiniń memlekettik baqylaýdy monıtorıngteý jáne taldaý basqarmasynyń jáne QR Investıtsııalar jáne damý mınıstrliginiń Tehnıkalyq retteý jáne metrologııa komıtetiniń memlekettik baqylaýdy monıtorıngteý jáne taldaý basqarmasynyń basshysy.
2015-2017 jj - QR Investıtsııalar jáne damý mınıstrliginiń Tehnıkalyq retteý jáne metrologııa komıtetiniń ishki ákimshilik basqarmasynyń basshysy.
2017 jyly QR Investıtsııalar jáne damý mınıstrliginiń Tehnıkalyq retteý jáne metrologııa komıteti tóraǵasynyń orynbasary bolyp taǵaıyndaldy, 2018 jyly QR Investıtsııalar jáne damý mınıstrliginiń TRMK tóraǵasynyń orynbasary bolyp qaıta taǵaıyndaldy, al 2019 jyly QR Indýstrııa jáne ınfraqurylymdyq damý mınıstrliginiń TRMK tóraǵasynyń orynbasary qyzmetin atqardy.
2019 jyldyń sáýir aıynan bastap QR Saýda jáne ıntegratsııa mınıstrliginiń Tehnıkalyq retteý jáne metrologııa komıteti tóraǵasynyń orynbasary.
QR Prezıdenti Ákimshiliginiń kelisimi boıynsha, oblys ákiminiń ókimimen Tilegen Ábishev Mańǵystaý oblysy ákiminiń orynbasary qyzmetine taǵaıyndaldy.
Tilegen Aqanuly Ábishev 1977 jyly týǵan, bilimi joǵary, 1994 jyly Ál-Farabı atyndaǵy Qazaq memlekettik ulttyq ýnıversıtetine túsip, «Telejýrnalıstıka» mamandyǵyn, 2012 jyly Qazaq gýmanıtarlyq-zań ýnıversıtetinde «zańger» mamandyǵyn ıelengen. «Іskerlik basqarý» magıstri.
Ár jyldary «Astana», «Habar 24», «Atameken Business Channel» telearnalarynda eńbek etken. «Agrarlyq nesıe korporatsııasy» AQ men «N. Nazarbaev áýejaıy» AQ baspasóz qyzmetterin basqarǵan. 2020 jyldan beri Qazaqstan Respýblıkasy Prezıdentiniń Teleradıokesheni qurylymdarynda eńbek etip keldi. 2023 jyldyń qyrkúıek aıynan bastap osy kúnge deıin «QR Prezıdenti teleradıokesheni» ShJQ RMK dırektorynyń orynbasary qyzmetin atqardy. «Eren eńbegi úshin» medali men «Aqparat salasynyń úzdigi» tósbelgisiniń ıegeri.
Mańǵystaý oblysy ákiminiń birinshi orynbasary qyzmetine Erbol Іzbergenov taǵaıyndaldy.
Erbol Kúrentaıuly Іzbergenov 1973 jyly týǵan, bilimi joǵary, mamandyǵy ınjener-qurylysshy. «Іskerlik basqarý» magıstri.
Eńbek jolyn 1991 jyly «Mańǵystaýmunaıgazbarlaý» keshendi ekspedıtsııasy qurylys-jınaqtaý ýchaskesiniń tas qalaýshysy qyzmetinen bastaǵan. Ár jyldary óńirlik deńgeıdegi qurylys mekemelerinde, Aqtaý qalasy ákimdiginde eńbek etip, Munaıly aýdany ákiminiń orynbasary, oblystyq qurylys basqarmasynyń basshysy qyzmetterin atqardy. Sondaı-aq, QR Indýstrııa jáne jańa tehnologııalar mınıstrliginde jáne QR Densaýlyq saqtaý mınıstrliginde basqarma basshysy bolyp eńbek etken.
2019-2020 jyldary «Aqtaý teńiz porty» Arnaıy ekonomıkalyq aımaq» AQ basqarma tóraǵasynyń orynbasary, keıin «Atameken» respýblıkalyq kásipkerlik palatasynyń dırektory boldy. 2020-2023 jyldary aralyǵynda Aqtaý qalasy ákiminiń orynbasary jáne Aqtaý qalasy ákiminiń laýazymdaryn atqardy.
Atyraý qalalyq máslıhatyna jańa tóraǵa saılandy. Endi bul laýazymdy Beıbit Myrzaǵalıev atqaratyn boldy.
Beıbit Temirbekuly 1984 jyly 9 qarasha Isataı aýdanynda dúnıege kelgen. 2006 jyly H.Dosmuhamedov atyndaǵy Atyraý memlekettik ýnıversıtetin bitirip, tarıh jáne geografııa pániniń muǵalimi mamandyǵyn alǵan.
Eńbek jolyn Kaspıı óńiriniń qazirgi zamandaǵy kolledjinde tarıh jáne geografııa pániniń oqytýshysy bolyp bastaǵan. 2008-2018 jyldary «Nur Otan» partııasy Isataı aýdandyq fılıaly tóraǵasynyń birinshi orynbasary, Aqqystaý orta mektebiniń dırektory, Isataı aýdandyq bilim bóliminiń basshysy, Isataı aýdany ákiminiń orynbasary laýazymyn atqarǵan.
2020 jyldan beri «AMANAT» partııasy Atyraý qalalyq fılıalynyń tóraǵasy, «AMANAT» partııasy Atyraý oblystyq fılıalynla uıymdastyrý jáne baqylaý jumysy bóliminiń meńgerýshisi bolǵan. Atyraý qalalyq máslıhatynyń VII, VIII shaqyrylymdarynyń depýtaty bolyp saılanyp, fraktsııaǵa jetekshilik etken.
Abbat Órisbaev Mańǵystaý oblysy ákiminiń qarjy-ekonomıkalyq máseleleri boıynsha orynbasary taǵaıyndaldy
Abbat Jáńgirhanuly Órisbaev 1981 jyly týǵan, bilimi joǵary, 2002 jyly Halyqaralyq eńbek akademııasyn «qarjy jáne nesıe» mamandyǵy boıynsha bitirgen. Ol ár jyldary «Turan Álem Banki» AQ, «Temirbank» AQ, «Alıans Bank» AQ túrli laýazymdarda eńbek etti. 2015 jyldyń shilde aıynan bastap osy kúnge deıin «ForteBank» AQ Aqtaý qalasy fılıalynyń dırektory qyzmetin atqaryp keldi.
VI, VII saılanǵan Mańǵystaý oblystyq máslıhatynyn depýtaty, ekonomıka jáne bıýdjet máseleleri jónindegi turaqty komıssııasynyń tóraǵasy boldy.
Fýtboldan Qazaqstan ulttyq quramasynyń bas bapkeri qyzmetine reseılik maman Stanıslav Cherchesov taǵaıyndaldy.
Bul jóninde Qazaqstan fýtbol federatsııasy resmı túrde habarlady.
Stanıslav Cherchesov fýtbolshy mansabynda Reseıdiń «Spartak» (Ordjonıkıdze), «Spartak» (Máskeý), «Lokomotıv» (Máskeý) jáne Germanııanyń «Dınamo» (Drezden) klýbtarynda oınaǵan.
Bapkerlik qyzmetinde Reseıdiń «Spartak» (Máskeý), «Jemchýjına», «Terek», «Amkar», «Dınamo» (Máskeý) syndy komandalarda eńbek etti. Sondaı-aq ol Reseı quramasy, Polshanyń «Legııa», Vengrııanyń «Ferentsvarosh» komandalarynda bas bapker boldy.
Bapkerlik mansabynda Reseı chempıonatynyń kúmis júldegeri atansa, Polsha chempıony, Polsha kýbogynyń jeńimpazy atandy. Oǵan Vengrııanyń eki márte chempıony jáne kýbogynyń ıegeri boldy. Reseı quramasymen 2018 jylǵy álem chempıonatynyń 1/4 fınalyna deıin jetti.
Memleket basshysynyń Jarlyǵymen Tımýr Mekeshuly Jaqsylyqov Qazaqstan Respýblıkasynyń Belarýs Respýblıkasyndaǵy Tótenshe jáne ókiletti elshisi, TMD Jarǵylyq organdarynyń janyndaǵy Turaqty ókil qyzmetin qosa atqarýshy bolyp taǵaıyndaldy.
Tımýr Jaqsylyqov 1968 jyly Shyǵys Qazaqstan oblysynda dúnıege kelgen.
M.V. Lomonosov atyndaǵy Máskeý memlekettik ýnıversıtetin tarıhshy mamandaǵy boıynsha, Saıası zertteýler ınstıtýtyn saıası ǵylymdar jáne memlekettik basqarý magıstry, Qazaq ekonomıka jáne qarjy ınstıtýtyn ekonomıst mamandyǵy boıynsha támamdaǵan.
Eńbek jolyn 1985 jyly Shyǵys Qazaqstan geologııalyq basqarmasynyń 2-razrıadty jumysshysy bolyp bastaǵan.
1993-1997 jyldary — Qazaqstan agrotehnologııalyq ýnıversıtetiniń atqarýshy rektory.
1997-1998 jyldary — QR Strategııalyq josparlaý jáne reformalar jónindegi agenttiginiń bas mamany, bólim basshysy.
1998-2003 jyldary QR Prezıdenti Ákimshiliginiń qurylymynda jumys istedi.
2003-2004 jyldary — QR Indýstrııa jáne saýda mınıstrliginiń DSU-ǵa kirý jónindegi departamentiniń dırektory.
2004-2005 jyldary — QR Indýstrııa jáne saýda mınıstrliginiń Jeneva qalasyndaǵy turaqty ókildiginde bólim basshysy – DSU máseleleri jónindegi mınıstrlik ókilderi tobynyń jetekshisi.
2005 jylǵy shilde-qarasha aralyǵynda — QR Syrtqy ister mınıstrliginiń Shveıtsarııa Konfederatsııasyndaǵy QR Turaqty ókildiginiń birinshi hatshysy.
2005 jylǵy qarasha – 2006 jylǵy aqpan aralyǵynda «Marketıngtik-taldamalyq zertteýler ortalyǵy» AQ basqarýshy dırektory qyzmetin atqardy.
2006 jylǵy aqpan-qazan — QR Ekonomıka jáne bıýdjettik josparlaý mınıstrliginiń «Ekonomıkalyq zertteýler ınstıtýty» RMK bas dırektorynyń m. a.
2006 jylǵy qazan – 2007 jylǵy qyrkúıek aralyǵynda «Astanany turaqty damytý ortalyǵy» JShS dırektory qyzmetin atqardy.
2007 jylǵy qyrkúıek – 2008 jylǵy sáýir aralyǵynda — Astana qalasynyń Ekonomıka jáne bıýdjettik josparlaý departamenti dırektorynyń mindetin atqarýshy, dırektory.
2008-2009 jyldary — Astana qalasy ákiminiń orynbasary.
2009-2010 jyldary — QR ındýstrııa jáne saýda vıtse-mınıstri.
2010 jylǵy sáýir-tamyz aralyǵynda — QR Indýstrııa jáne jańa tehnologııalar mınıstrliginiń komıtet tóraǵasy.
2010-2012 jyldary — «Qazaqstannyń ınvestıtsııalyq qory» AQ basqarma tóraǵasy.
2012-2013 jyldary — QR ekonomıkalyq damý jáne saýda vıtse-mınıstri.
2013-2014 jyldary — QR ekonomıka jáne bıýdjettik josparlaý vıtse-mınıstri.
2014-2017 jyldary — QR ulttyq ekonomıka vıtse-mınıstri.
2017-2018 jyldary — ekonomıka jáne qarjy saıasaty mınıstri, Eýrazııalyq ekonomıkalyq komıssııa, Máskeý qalasy.
2018 jylǵy qyrkúıekten qarashaǵa deıin — QR Prezıdentiniń kómekshisi.
2019 jylǵy jeltoqsannan bastap qazirge deıin Máskeýde Eýrazııalyq ekonomıkalyq komıssııanyń ekonomıka jáne qarjy saıasaty jónindegi mınıstri laýazymyn atqardy.
Sondaı-aq Memleket basshysynyń Jarlyǵymen Erlan Saparuly Baıjanov Qazaqstan Respýblıkasynyń Belarýs Respýblıkasyndaǵy Tótenshe jáne ókiletti elshisi, TMD Jarǵylyq organdarynyń janyndaǵy Turaqty ókil qyzmetin qosa atqarýshy laýazymdarynan bosatyldy.
Talǵat Rahymqululy Shaldanbaı Qazaqstan Respýblıkasynyń Iordan Hashımıt Koroldigindegi Tótenshe jáne Ókiletti Elshisi laýazymyna taǵaıyndaldy.
«Memleket basshysynyń Jarlyǵymen Talǵat Rahymqululy Shaldanbaı Qazaqstan Respýblıkasynyń Iordan Hashımıt Koroldigindegi Tótenshe jáne ókiletti elshisi laýazymyna taǵaıyndaldy», - delingen habarlamada.
ShQO Kásipkerlik jáne ındýstrııalyq-ınnovatsııalyq damý basqarmasynyń jańa basshysy bolyp Ardaq Mádıev taǵaıyndaldy.
ShQO ákimi baspasóz qyzmetiniń málimetine súıensek, Ardaq Ediluy 1969 jyly 28 qyrkúıekte Qaraǵandy oblysy Qarqaraly qalasynda dúnıege kelgen. Qazaq memlekettik ulttyq ýnıversıteti jáne Qazaqstan Respýblıkasy SІM Dıplomatııalyq akademııasyn támamdaǵan. Eńbek jolyn QR Syrtqy ister mınıstrliginde bastaǵan.
1994-2000 jyldary osy mınıstrlikte túrli laýazymdarda, 2000-2004 jyldary QR Premer-Mınıstr Keńsesinde sektor meńgerýshisi laýazymynda jumys istegen.
2004 jyly QR Eńbek jáne halyqty áleýmettik qorǵaý mınıstrligi apparatynyń basshysy laýazymyna taǵaıyndalǵan. Al 2018 jyldan QR Syrtqy ister mınıstrligi Konsýldyq qyzmet departamentiniń dırektory bolyp eńbek etti.
Qaıyrjan Qojaev «Qazaqstan Ǵarysh Sapary» UK» AQ dırektorlar keńesiniń basqarma tóraǵasy laýazymyna taǵaıyndady, dep habarlaıdy aktsıonerlik qoǵamnyń baspasóz qyzmeti.
Qaıyrjan Ersaıynuly Qojaev 1981 jyly 22 maýsymda Qaraǵandy oblysynda dúnıege kelgen. O.A. Baıqońyrov atyndaǵy Jezqazǵan ýnıversıtetiniń «Avtomobılder jáne avtomobıl sharýashylyǵy» mamandyǵy boıynsha túlegi (1997-2002).
Sondaı-aq, Máskeý avıatsııa ınstıtýtyn «Ushý apparattaryn synaý» mamandyǵy boıynsha bitirgen (2002-2008). «Ǵaryshtyq ınjenerııa» mamandyǵy boıynsha Mıchıgan ýnıversıtetiniń magıstri, Enn Arbor qalasy (2021-2022).
Qazaqstannyń ǵarysh salasynda úlken eńbek ótili bar. Sońǵy 5 jyl boıy «Ghalam» JShS Bas dırektory – Basqarma tóraǵasy qyzmetin atqardy. Jobalardy basqarýda, ushý apparattarynyń synaq jáne óndiristik ýchaskelerin qurýda tájirıbesi bar. Sondaı-aq, shetel ýnıversıtetterinde ushyrý keshenderi salasynda biliktilikti arttyrý týraly dıplomy bar.
Soltústik Qazaqstan oblysy ákimdiginiń energetıka jáne turǵyn úı-kommýnaldyq sharýashylyq basqarmasynyń basshysy bolyp Danııar Qýanyshbaev taǵaıyndaldy. Bul qyzmetke deıin ol Aqmola oblysynyń energetıka jáne turǵyn úı-kommýnaldyq sharýashylyq basqarmasynyń basshysy boldy.
Danııar Qýanyshbaev 1985 jyly burynǵy Kókshetaý oblysy Rýzaev aýdany Gavrılovka aýylynda dúnıege kelgen. Joǵary ekonomıkalyq bilimi bar. 2006 jyly Abaı Myrzahmetov atyndaǵy ýnıversıtetti, keıin Sh.Ýálıhanov atyndaǵy Kókshetaý memlekettik ýnıversıtetin «Qurylys» mamandyǵy boıynsha támamdady.
2007 jyly eńbek jolyn Aqmola oblysynyń ekonomıka jáne bıýdjettik josparlaý departamentiniń jetekshi mamany bolyp bastady.
2008 jyly bas maman bolyp aýystyryldy, al 2011 jyly naqty sektordy damytý bóliminiń basshysy bolyp taǵaıyndaldy.
2013 jyldyń jeltoqsan aıynan bastap Aqmola oblysynyń energetıka jáne turǵyn úı-kommýnaldyq sharýashylyq basqarmasynyń ekonomıka jáne býhgalterlik esep bóliminiń basshysy boldy.
2015 jyldyń sáýir aıynan bastap 2018 jylǵa deıin osy basqarma basshysynyń orynbasary qyzmetin atqardy.
2018 jyldan bastap 2021 jylǵa deıin Aqmola oblysynyń ekonomıka jáne bıýdjettik josparlaý basqarmasy basshysynyń orynbasary boldy.
Almaty halyqaralyq áýejaıynyń jańa prezıdenti bolyp Goker Kose taǵaıyndaldy.
Áýejaıdyń baspasóz qyzmeti málim etkendeı, Goker Koseniń áýejaı salasyndaǵy operatsııalyq basqarý, josparlaý, ınvestıtsııalaý, qarjylyq menedjment boıynsha 20 jylǵa jýyq tájirıbesi bar.
Goker Kose TAV Airports holdıngine 2005 jyly qosyldy. Azamattyq avıatsııa men áýejaılardy basqarý jáne menedjment salasynda taǵylymdamadan ótti. Ankaradaǵy jańa Esenboga áýejaıyna qatysty (Operational Readiness and Airport Transfer ORAT) baǵdarlamasyn júzege asyrýǵa úles qosty.
2006 jyly ol TAV Airports holdınginiń qarjy jáne strategııa bólimine shaqyryldy, osy bólimde 10 jyldan astam ýaqyt kóptegen jobany júzege asyrdy. Áýejaı jobalarynyń tehnıkalyq jáne ekologııalyq saraptamasyna, sondaı-aq olardyń qarjylyq jáne kommertsııalyq josparlaýyna belsene qatysty.
G. Kose sondaı-aq áýejaıdyń ınvestıtsııalyq jobalaryn, onyń ishinde qysqa jáne uzaq merzimdi bıýdjettik josparlaý men qarajat tartý isin basqardy.
2017 jyly G.Kose Groupe ADP-de ınvestıtsııalar jáne qarjylyq josparlaý jónindegi dırektor laýazymyn atqardy. Parıjdegi Sharl de Gol jáne Orlı áýejaılaryndaǵy ınvestıtsııalyq jobalardy basqardy. Sondaı-aq Groupe ADP-tiń úndi bólimshesi GMR Airports úshin bıznesti damytý máselesi boıynsha jumys istedi.
Góker Taıaý Shyǵys tehnıkalyq ýnıversıtetin bitirgen. Sonymen qatar Ystanbuldaǵy Bosfor ýnıversıtetinde MVA dárejesine ıe.
Qazaqstan Úkimetiniń qaýlysymen Oljas Seıtbattaluly Anafın Eńbek jáne halyqty áleýmettik qorǵaý vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlady.
Ol 1986 jyly dúnıege kelgen. Soltústik Qazaqstan memlekettik ýnıversıtetin, Qazaq ınjenerlik-tehnıkalyq akademııasyn bitirgen.
Eńbek jolyn 2007 jyly Zeınetaqy tóleý jónindegi memlekettik ortalyq mamany bolyp bastaǵan.
2015-2016 jyldary — Zeınetaqy tóleý jónindegi memlekettik ortalyqtyń bólim basshysy.
2016-2020 jyldary — QR Eńbek jáne halyqty áleýmettik qorǵaý mınıstrligi Eńbek resýrstaryn damytý ortalyǵynyń basqarma basshysy, basqarýshy dırektory.
2020 jyldan bastap qazirgi ýaqytqa deıin — QR Eńbek jáne halyqty áleýmettik qorǵaý mınıstrliginiń Eńbek resýrstaryn damytý ortalyǵynyń vıtse-prezıdenti.
BQO ákiminiń ókimimen Madııar Amangeldiuly Óteshev Batys Qazaqstan oblysy densaýlyq saqtaý basqarmasynyń basshysy bolyp taǵaıyndaldy.
BQO ákimdiginiń baspasóz qyzmetinen málim etkenindeı, Madııar Amangeldiuly 1977 jyly Batys Qazaqstan oblysynda dúnıege kelgen.
Bilimi joǵary, mamandyǵy - emdeý isi. M.Ospanov atyndaǵy Batys Qazaqstan memlekettik ýnıversıtetinde dáriger-hırýrg mamandyǵy boıynsha ınternatýradan ótken, isker ákimshilik basqarýdyń magıstri dárejesi bar.
Eńbek jolyn 2004 jyly Jalpaqtal aýrýhanasynyń dáriger-hırýrgi bolyp bastady. 2005-2011 jyldary Terekti aýdandyq ortalyqtandyrylǵan aýrýhanasynyń hırýrgi boldy.
2011-2017 jyldary Terekti aýdandyq ortalyqtandyrylǵan aýrýhanasynyń dırektory, 2017-2019 jyldary Atyraý oblysy densaýlyq saqtaý basqarmasy basshysynyń orynbasary laýazymyn atqardy.
2019 jyldan búginge deıin oblystyq jedel medıtsınalyq járdem stantsııasy dırektory boldy.
Shyǵys Qazaqstan oblysy Tótenshe jaǵdaılar departamentiniń bastyǵy bolyp Rashıd Blıalov taǵaıyndaldy. Ol buǵan deıin Batys Qazaqstan oblysy TJD bastyǵynyń orynbasary qyzmetin atqarǵan.
Rashıd Beketuly 1973 jyly Batys Qazaqstan oblysy Aqjaıyq aýdany Eńbek aýylynda dúnıege kelgen.
2001 jyly Kókshetaý tehnıkalyq ınstıtýtyn «Órt qaýipsizdigi, órt qaýipsizdigi ınjeneri» mamandyǵy boıynsha bitirgen. Azamattyq qorǵaý organdarynda 1993 jyldan bastap qyzmet istep keledi.
2012 jyly Qazaqstan Respýblıkasy Tótenshe jaǵdaılar mınıstrligi Batys Qazaqstan oblysy Tótenshe jaǵdaılar departamentiniń «Órt sóndirý jáne avarııalyq - qutqarý jumystary qyzmeti» MM bastyǵy.
2017-2021 jyldary Atyraý oblysynyń Tótenshe jaǵdaılar departamenti bastyǵynyń orynbasary. 2021 jyldan osy ýaqytqa deıin Batys Qazaqstan oblysynyń Tótenshe jaǵdaılar departamenti bastyǵynyń orynbasary qyzmetin atqarǵan.
ІІІ, ІІ, I dárejeli «TJ aldyn alýda jáne joıýda úzdik shyqqany úshin», «Іshki ister organdarynyń ardageri» medaldarymen marapattalǵan.
