Elimizde apta ishinde bolǵan kadrlyq taǵaıyndaýlar
ASTANA. KAZINFORM – Osy aptada mınıstrlikterde birneshe taǵaıyndaý boldy. Sonymen qatar Qazaqstan Ulttyq ulany «Batys» óńirlik qolbasshysynyń orynbasary qyzmetine kiristi.
Qazaqstan Úkimetiniń qaýlysymen Araı Asylbekqyzy Orazova Oqý-aǵartý vıtse-mınıstri bolyp taǵaıyndaldy.
Araı Orazova 1988 jyly Shyǵys Qazaqstan oblysynda dúnıege kelgen. D.Serikbaev atyndaǵy Shyǵys Qazaqstan memlekettik tehnıkalyq ýnıversıtetin, A.Qusaıynov atyndaǵy Eýrazııa gýmanıtarlyq ınstıtýtyn bitirgen. Prezıdenttik jastar kadr rezerviniń múshesi.
Eńbek jolyn 2009 jyly kommertsııalyq qurylymda IT menedjer bolyp bastady. 2011 jyldan 2018 jylǵa deıin «Ulttyq aqparattyq tehnologııalar» AQ jobalyq keńsesiniń jetekshi mamany, birqatar qurylymdyq bólimshelerdiń bas mamany, synaýshysy, taldaýshysy, bıznes-taldaýshysy boldy.
2018-2020 jyldary — «Zerde» ulttyq ınfokommýnıkatsııalyq holdıngi» AQ derekterdi basqarý keńsesiniń bas taldaýshysy, jobalardyń bas menedjeri.
2020-2021 jyldary — QR tsıfrlyq damý, ınnovatsııalar jáne aeroǵarysh ónerkásibi mınıstrliginiń Tsıfrlandyrý departamenti dırektorynyń orynbasary.
2021 jyldan bastap qazirgi ýaqytqa deıin «Ulttyq aqparattyq tehnologııalar» AQ basqarma tóraǵasynyń orynbasary qyzmetin atqardy.
*
Aptanyń basynda QR Úkimetiniń qaýlysymen Serik Tóleýǵalıuly Tólenbergenov Tótenshe jaǵdaılar vıtse-mınıstri bolyp taǵaıyndaldy.
Serik Tólenbergenov 1974 jyly Semeı oblysynda dúnıege kelgen. Kásiptik-tehnıkalyq ýchılışesin, R. Baıseıitov atyndaǵy Semeı qarjy-ekonomıkalyq tehnıkýmyn, Qazaqstan-Amerıkalyq ýnıversıtetin, S.Amanjolov atyndaǵy Shyǵys Qazaqstan memlekettik ýnıversıtetin bitirgen.
Eńbek jolyn 1995 jyly jeke uıymda býhgalter bolyp bastaǵan.
1997-1998 jyldary QR Qarjy mınıstrligi Semeı oblysy jáne Óskemen qalasy boıynsha basqarmasynyń baqylaýshy-revızory bolyp jumys istedi. 2000 jyldan 2009 jylǵa deıin — jeke qurylymdarda. 2009-2010 jyldary — Shyǵys Qazaqstan oblysy ákimdiginiń bas mamany, bólim basshysy. 2010-2011 jyldary — Rıdder qalasy ákiminiń orynbasary. 2011-2012 jyldary — Shyǵys Qazaqstan oblysy ákimdigi Jolaýshylar kóligi jáne avtomobıl joldary basqarmasynyń basshysy.
2012-2013 jyldary Shyǵys Qazaqstan oblysy Ulan aýdanynyń ákimi bolyp qyzmet atqardy. 2013-2014 jyldary — Shyǵys Qazaqstan oblysy ákimdiginiń Qurylys, sáýlet jáne qala qurylysy basqarmasynyń basshysy. 2016-2019 jyldary — basqarma basshysy, Aqtóbe oblysy ákiminiń orynbasary. 2019-2020 jyldary — «Báıterek» UBH basqarma tóraǵasynyń keńesshisi. 2021-2022 jyldary jeke qurylymda jumys istedi. 2022-2023 jyldary — kommýnaldyq kásiporyn dırektory, Semeı qalasy máslıhatynyń depýtaty.
2023 jyldyń qazan aıynan bastap qazirgi ýaqytqa deıin — Abaı oblysy ákimdigi Energetıka jáne turǵyn úı-kommýnaldyq sharýashylyq basqarmasy basshysy.
*
QR Úkimetiniń qaýlysymen Laýra Mersalımova ýaqytsha Ádilet vıtse-mınıstri bolyp taǵaıyndaldy.
Ol 1981 jyly Qaraǵandy qalasynda dúnıege kelgen. Qazaq gýmanıtarlyq-zań ýnıversıtetin, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasy Korporatıvtik basqarýdyń joǵary mektebin bitirgen.
Eńbek jolyn 2002 jyly QR Ádilet mınıstrligi Azamattyq hal aktileriniń jazbasy isteri bóliminiń jetekshi mamany bolyp bastady.
2003-2010 jyldary — QR ÁM jetekshi maman, bas maman, bólim bastyǵy, basqarma bastyǵy. 2010-2014 jyldary — QR ÁM departamenti dırektorynyń orynbasary. 2014 jyly QR tutynýshylardyń quqyqtaryn qorǵaý agenttiginiń Zań qyzmeti departamentiniń dırektory boldy. 2014-2023 jyldary — «Atameken» ulttyq kásipkerler palatasynda departament dırektorynyń orynbasary, basqarýshy dırektor – departament dırektory.
2023 jylǵy naýryzdan bastap qazirgi ýaqytqa deıin — «Atameken» UKP basqarýshy dırektory – Zańnama departamentiniń dırektory.
*
QR Іshki ister mınıstriniń buıryǵymen polkovnık Mıras Qudaıbergenuly Turdalın Qazaqstan Respýblıkasy Ulttyq ulany «Batys» óńirlik qolbasshysynyń orynbasary bolyp taǵaıyndaldy.
Mıras Turdalın atalmysh laýazymǵa taǵaıyndalǵanǵa deıin Ulttyq ulannyń Aqtóbe qalasyndaǵy 6655 áskerı bóliminiń komandıri qyzmetin atqardy.
Aıta keteıik, buǵan deıin «Batys» óńirlik qolbasshysynyń orynbasary bolǵan polkovnık Pavel Aleksandrovıch Sıtnıkov «Ońtústik» óńirlik qolbasshylyǵyna dál osyndaı qyzmetke aýysty.
*
«Ulttyq balalardy ońaltý ortalyǵy» KEAQ basshy laýazymyna Ajar Ǵınııat keldi.
Ajar Ǵınııat Aqtóbe memlekettik medıtsına ınstıtýtyn «Pedıatrııa» mamandyǵy boıynsha, Sh.Esenov atyndaǵy Aqtaý memlekettik ýnıversıtetin «Memlekettik jáne jergilikti basqarý menedjeri» mamandyǵy boıynsha jáne Almaty Menedjment ýnıversıteti «MVA iskerlik ákimshilendirý magıstri» mamandyǵy boıynsha támamdaǵan.
Eńbek jolyn 1993 jyly Atyraý qalasynyń №2 qalalyq emhanasynda ýchaskelik pedıatr bolyp bastaǵan.
1994 - 1999 jyldary - Aqtaý qalasynyń №1 Medıtsınalyq sanıtarlyq bóliminiń meńgerýshisi.
1999-2001 jyldary - Mańǵystaý juqpaly aýrýlar aýrýhanasynyń bas dárigeriniń emdeý isi jónindegi orynbasary.
2001-2005 jyldary - Mańǵystaý oblysynyń Densaýlyq saqtaý basqarmasy basshysynyń orynbasary.
2005-2006 jyldary - Mańǵystaý oblysy densaýlyq saqtaý departamentiniń dırektory.
2008-2017 jyldary - QR Densaýlyq saqtaý mınıstrliginiń basqarma basshysy, departament dırektory.
2017-2020 jyldary - QR Prezıdenti Іs Basqarmasynyń Medıtsınalyq ortalyǵy basshysynyń orynbasary.
2020-2022 jyldary - QR Densaýlyq saqtaý vıtse-mınıstri.
2022-2024 jyldary - QR Densaýlyq saqtaý mınıstri qyzmetin atqardy.
