Elimizde apta ishinde bolǵan kadrlyq taǵaıyndaýlar
ASTANA. KAZINFORM – Osy aptada elimizde negizinen jergilikti atqarýshy organdarda kadrlyq aýys-túıister boldy. Aýdan ákimderi, oblystyq ákimdikterdiń basqarma basshylary taǵaıyndaldy.
Mınıstrlik deńgeıdegi aýys-túıisten tek jańa Ulttyq ekonomıka mınıstriniń taǵaıyndalýy boldy.
Sport salasynda fýtbol, kórkem gımnastıka federatsııalarynyń jańa basshylary anyqtaldy.
Atap óterlik jaıt, Qazaqstannyń mıkroqarjy ombýdsmeni saılandy.
Osy qatarlas kadrlyq ózgeristerge jasalǵan Kazinform sholýyn oqyrman nazaryna usynamyz.
***
Aptanyń birinshi kúni 16 jeltoqsan – Táýelsizdik kúnine oraı demalys boldy. Deıturǵanmen bul kúni 15 jeltoqsanda ótken Talǵar ákimi saılaýynyń qorytyndysy shyǵarylyp, qalanyń jańa basshysy anyqtaldy.
Daýys berý nátıjesinde bul qyzmetti Arystanbek Ábilqaıyruly atqaratyn boldy.
Talǵar aýdandyq aýmaqtyq saılaý komıssııasynyń málimetinshe, Arystanbek Ábilqaıyrulyna 9071 saılaýshy daýys bergen.
Saılaýshylar tizimine barlyǵy 42 774 adam engizildi, onyń 12 875-i daýys berdi.
Qala ákimi laýazymyna úmitker Jánibek Kádenov 1 875, Álibek Ramazanov 1 140 daýys jınady. 182 saılaýshy barlyǵyna qarsy daýys berdi.
Aqtóbe oblysy Temir aýdanynyń ákimi qyzmetine Almas Jaqsylyqov taǵaıyndaldy.
Almas Jaqsylyqov 1999 jyly Qazaq memlekettik basqarý akademııasyn «Eńbek resýrstaryn basqarý», 2019 jyly Qaınar akademııasyn «Quqyqtaný» mamandyqtary boıynsha támamdaǵan.
Eńbek jolyn 2000 jyly «Kómirbank» AAQ Almaty qalasyndaǵy fılıalynyń qaýipsizdik qyzmetiniń qyzmetkeri bolyp bastaǵan. 2004 – 2009 jyldary aralyǵynda Aqtóbe oblystyq kóliktik ınfraqurlymdy damytý basqarmasynyń, Temir aýdandyq qurylys bóliminiń jetekshi mamany boldy.
Al 2009 – 2013 jyldary aralyǵynda «Tazalyq», «Shubar-qudyq», «Shubarqudyq-jylý» kommýnaldyq memlekettik mekemeleriniń jáne «Centrum Kazakhstan» JShS dırektory laýazymdarynda qyzmet etti.
2013 – 2018 jyldary Shubarqudyq aýyldyq okrýgi ákimi apparatynyń bas mamany, Temir aýdany «Jastarmen jumys boıynsha resýrstyq ortalyǵynyń basshysy, Temir aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy boldy.
2018 – 2023 jyldary Hromtaý qalasynyń ákimi, Aqtóbe qalasynyń «Astana» aýdany ákiminiń orynbasary bolyp jumys istedi.
2023 jyldyń qazan aıynan bastap Aqtóbe qalasynyń «Astana» aýdanynyń ákimi qyzmetin atqaryp keldi.
Qyzylorda oblystyq kásipkerlik jáne ónerkásip basqarmasynyń basshysy qyzmetine Ábilhaırov Dáýren Turǵanbaıuly taǵaıyndaldy.
Dáýren Ábilhaırov 1979 jyly Qyzylorda oblysy, Syrdarııa aýdanynda dúnıege kelgen. Reseı Federatsııasy Ýfa memlekettik munaı-tehnıkalyq ýnıversıtetin «ınjener», Qorqyt ata atyndaǵy Qyzylorda ýnıversıtetin «Ekonomıka» mamandyqtary boıynsha bitirgen.
Bashqurtstan Respýblıkasy Ǵylym Akademııasy energoresýrstardy tasymaldaý problemalary ınstıtýtynyń aspıranty. Tehnıka ǵylymdarynyń kandıdaty.
Eńbek jolyn 2002 jyly «Torǵaı-Petroleým» AQ munaı-gaz óndirý tsehynyń operatory retinde bastap, ár jyldary kásiporynda túrli jaýapty qyzmetter atqarǵan.
2014-2016 jyldary «Saýts-Oıl» JShS-de, Investıtsııalar jáne damý mınıstrligi Geologııa jáne jer qoınaýyn paıdalaný komıtetiniń óńirlik departamentinde bólim basshysy bolyp eńbek etken.
2019-2023 jyldary Energetıka mınıstrliginde, «Torǵaı-Petroleým» AQ-da basshylyq laýazymdarda bolǵan.
2023 jyldan 2024 jyldyń qazanyna deıin «Torǵaı-Petroleým» AQ bas dırektory qyzmetin atqaryp keldi.
Jambyl oblystyq jer resýrstaryn basqarý departamentiniń basshysy laýazymyna Serikbaev Qanatbek Qýanyshuly taǵaıyndaldy.
Qanatbek Qýanyshuly 1978 jyly 20 qazanda Qyzylorda qalasynda dúnıege kelgen. 2 joǵary bilimi bar: 2000 jyly Qorqyt ata atyndaǵy Qyzylorda memlekettik ýnıversıtetin Munaı jáne gaz kásipshiliginiń mashınalary men jabdyqtary mamandyǵy boıynsha; 2012 jyly jerge ornalastyrý mamandyǵy boıynsha bitirgen.
Eńbek jolyn 2000 jyly Qyzylorda qalasy, «Ońtústikmunaıgaz» AAQ motorıst shákirti, 3-razrıadty motorıst retinde bastaǵan.
2001-2002 jyldary Qyzylorda qalasy «Nur-Serik» JShS menedjeri.
2002-2003 jyldary Qyzylorda qalasynyń «Kazkommertsbank» AAQ mehanıgi.
2004-2006 jyldary QR Jer resýrstaryn basqarý agenttiginiń Qyzylorda oblystyq jer resýrstaryn basqarý komıtetiniń jetekshi mamany.
2006-2008 jyldary QR Jer resýrstaryn basqarý agenttiginiń Qyzylorda oblystyq aýmaqtyq jer resýrstaryn basqarý komıtetiniń bas mamany.
2008-2012 jyldary QR Jer resýrstaryn basqarý Agenttiginiń Jambyl, Qyzylorda jáne Ońtústik Qazaqstan oblystary boıynsha Óńiraralyq jer ınspektsııasynyń bas mamany.
2012-2013 jj. QR Jer resýrstaryn basqarý agenttiginiń Qyzylorda oblysy boıynsha aýmaqtyq jer bóliminiń bólim basshysy.
2013-2015 jyldary QR Óńirlik damý mınıstrligi Jer resýrstaryn basqarý komıtetiniń Qyzylorda oblysy boıynsha aýmaqtyq jer ınspektsııasy bóliminiń bólim basshysy.
2015-2016 jyldary Qyzylorda oblysynyń jerdi paıdalaný men qorǵaýdy baqylaý basqarmasy bóliminiń basshysy.
2016-2022 jyldary Qyzylorda oblysynyń jerdi paıdalaný men qorǵaýdy baqylaý basqarmasy basshysynyń orynbasary memlekettik ınspektory.
2022 jyldyń 11 sáýirinen bastap Qyzylorda oblysynyń Jer resýrstaryn basqarý departamenti basshysynyń orynbasary qyzmetine taǵaıyndaldy.
Atyraý oblysynyń ákimi Serik Shápkenovtiń ókimimen QR Prezıdenti Ákimshiligi jáne aýdandyq máslıhattyń kelisimimen Inder aýdanynyń ákimi laýazymyna Serik Nysanbaev taǵaıyndaldy.
Serik Baǵytjanuly 1980 jyly Atyraý oblysynda dúnıege kelgen. H.Dosmuhamedov atyndaǵy Atyraý memlekettik ýnıversıtetin «quqyqtaný» mamandyǵymen bitirgen.
Eńbek jolyn 2003 jyly Atyraý qalasy ákiminiń apparaty memlekettik-quqyqtyq jáne áskerı jumyldyrý jumys bóliminiń bas mamany bolyp bastaǵan.
2008-2017 jyldary Atyraý qalalyq ákimi apparaty memlekettik-quqyqtyq jumys bóliminiń, 2017-2022 jyldary aralyǵynda Atyraý qalasy ákimi apparatynyń basshysy bolǵan.
Al 2022 jyldan osy taǵaıyndaýǵa deıin Atyraý qalasy ákiminiń orynbasary laýazymyn atqaryp keldi.
Erbol Júsipbekov Aqmola oblysy Jarqaıyń aýdanynyń ákimi bolyp taǵaıyndaldy.
Júsipbekov Erbol Kárimuly 1965 jyly Kókshetaý qalasynyń Krasnyı ıar aýylynda dúnıege kelgen.
Tselınograd aýylsharýashylyq ınstıtýtyn bitirgen.
Eńbek jolyn 1989 jyly Kókshetaý oblysy Chıstopol aýdany «Chıstopolskıı» sovhozynda zootehnık-selektsıoner bolyp bastaǵan. Ár jyldary Kókshetaý jylqy zaýyty dırektorynyń óndiris jónindegi orynbasary, «Shoqan» sharýa qojalyǵynyń basshysy bolyp jumys istedi.
2003-2009 jyldary Zerendi aýdanynyń Sadovoe aýyldyq okrýginiń ákimi, aýdandyq aýyl sharýashylyǵy jáne jer qatynastary bóliminiń bastyǵy boldy. 2009-2011 jyldary Zerendi aýdanynda «Qylshaqty» JShS dırektory bolyp jumys istedi.
2011-2020 jyldary Zerendi aýyldyq okrýginiń ákimi, aýdandyq aýyl sharýashylyǵy bóliminiń bastyǵy, Zerendi aýdany ákiminiń orynbasary qyzmetterin atqardy.
2020-2021 jyldary Aqmola oblysy Aýyl sharýashylyǵy basqarmasy basshysynyń orynbasary laýazymynda qyzmet etti.
2021 jyldyń aqpan aıynan bastap Sandyqtaý aýdanynyń ákimi boldy.
Danııar Quttybaıuly Ótepov Jambyl oblysy jer qatynastary basqarmasynyń basshysy bolyp taǵaıyndaldy.
Danııar Quttybaıuly 1978 jyly Shý aýdanynda dúnıege kelgen. Bilimi joǵary. 2000 jyly M. H. Dýlatı atyndaǵy Taraz ýnıversıtetin, 2002 jyly «Áýlıe-Ata» ýnıversıtetin «jer kadastry», «quqyqtaný» mamandyqtary boıynsha bitirgen.
Eńbek jolyn 2000 jyly Taraz qalasyndaǵy QR jer resýrstaryn basqarý agenttiginiń Jambyl enshiles memlekettik kásipornynyń ınjener jerge ornalastyrýshysy bolyp bastaǵan.
2002-2006 jyldary Shý aýdandyq jer resýrstaryn baqylaý komıtetiniń jetekshi mamany, bas mamany, 2006-2007 jyldary Shý aýdany ákimdiginiń jer qatynastary bóliminiń bas mamany, 2007 jyly Jambyl aýdany ákimdiginiń jer qatynastary bóliminiń bas mamany, 2007-2012 jyldary Jambyl oblysy ákimdiginiń jer qatynastary basqarmasynyń bas mamany, 2012 jyly jer resýrstaryn basqarý agenttiginiń bas sarapshysy, 2012-2013 jyldary Jambyl oblysy ákimdiginiń jer qatynastary basqarmasynyń bas mamany, 2013-2020 jyldary Shý aýdany ákimdiginiń jer qatynastary bóliminiń basshysy, 2020-2021 jyldary Jambyl oblysy ákimdiginiń jerlerdi paıdalaný jáne qorǵalýyn baqylaý basqarmasynyń bas mamany-memlekettik ınspektory, bólim basshysy, 2022-2024 jyldary QR AShM Jer resýrstaryn basqarý komıtetiniń Jambyl oblysy boıynsha jer resýrstaryn basqarý departamentiniń bas mamany-memlekettik ınspektory, bólim basshysy-memlekettik ınspektory qyzmetterin atqarǵan.
2024 jyldyń aqpan aıynan bastap búginge deıin QR AShM Jer resýrstaryn basqarý komıtetiniń Jambyl oblysy boıynsha jer resýrstaryn basqarý departamentiniń bas mamany laýazymynda qyzmet atqaryp keldi.
Shyǵys Qazaqstan oblysy saýda jáne tutynýshylar quqyqtaryn qorǵaý departamentiniń basshysy bolyp Ashat Saǵıdoldın taǵaıyndaldy.
Ashat Saǵıdoldın 1979 jyly dúnıege kelgen. S.Amanjolov atyndaǵy Shyǵys Qazaqstan ýnıversıtetiniń túlegi. 2000-2004 jyldar aralyǵynda bilim salasynda jumys istegen.
2004-2011 jyldary ishki ister organdarynda qyzmet etti.
2011-2014 jyldary - Shyǵys Qazaqstan oblysy ákimi apparatynyń quqyq qorǵaý organdarymen jumys bóliminiń bas mamany;
2014-2015 jyldary - Shyǵys Qazaqstan oblysy ákimi apparatynyń uıymdastyrý-ınspektorlyq bóliminiń bas mamany;
2015-2017 jyldary - Shyǵys Qazaqstan oblysy ákimi apparatynyń quqyq qorǵaý organdarymen jumys bóliminiń basshysy;
2017 jyly Shyǵys Qazaqstan oblysy ákimi apparatynyń terrorızmge qarsy kúres jónindegi komıssııasynyń qyzmetin qamtamasyz etý jáne quqyq qorǵaý organdarymen jumys isteý bóliminiń basshysy;
2017-2018 jyldary - Shyǵys Qazaqstan oblysy ákimi apparatynyń terrorızmge qarsy kúres jónindegi komıssııasynyń qyzmetin qamtamasyz etý jáne quqyq qorǵaý organdarymen jumys isteý bóliminiń bas ınspektory;
2018-2021 jyldary - Rıdder qalasy ákimi apparatynyń basshysy;
2021-2022 jyldary - Rıdder qalalyq ishki saıasat bóliminiń basshysy;
2023 jyldan osy ýaqytqa deıin Abaı oblysynyń saýda jáne tutynýshylardyń quqyqtaryn qorǵaý departamentiniń basshysy bolyp jumys istegen.
Nazgúl Qarasqyzy Esteýsizova mıkroqarjy ombýdsmeni bolyp saılandy.
Nazgúl Qarasqyzy Esteýsizova - joǵary ekonomıkalyq jáne zańgerlik bilimi bar, zań ǵylymdarynyń magıstri. Bank salasynda jumys tájirıbesi bar.
Mıkroqarjy ombýdsmeni bolyp saılanǵanǵa deıin ol Qazaqstannyń Ulttyq kollektorlar palatasynyń tóraǵasy qyzmetin atqarǵan.
Ombýdsmenge mıkroqarjy uıymdary klıentteriniń quqyqtaryn qorǵaýdy jáne qaryz alýshylar men mıkroqarjy uıymdary, kollektorlyq agenttikter arasyndaǵy daýlardy sheshýge kómektesý mindeti júktelgen.
Mıkroqarjy ombýdsmeni ınstıtýty Memleket basshysy 2024 jyldyń 19 maýsymynda qol qoıǵan «Qazaqstan Respýblıkasynyń keıbir zańnamalyq aktilerine kredıt berý kezinde táýekelderdi barynsha azaıtý, qaryz alýshylardyń quqyqtaryn qorǵaý, qarjy naryǵyn retteýdi jáne atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» Zańdy iske asyrý maqsatynda qurylǵan.
Mıkroqarjy ombýdsmeni Ókilder keńesi usynǵan jáne agenttikpen kelisilgen kandıdattar arasynan úsh jyl merzimge saılanady.
Mıkroqarjy ombýdsmeniniń sheshimi mıkroqarjy uıymy men kollektorlyq agenttikterge mindetti bolyp tabylady. Mıkroqarjy ombýdsmeniniń qyzmetteri tegin.
Mıkroqarjy ombýdsmeni kómegine júginbes buryn qaryz alýshy óziniń nesıe berýshisine habarlasýy kerek. Ol sottyń qaraýyna qabyldanǵan jáne/nemese zańdy kúshine engen sot aktisin, sondaı-aq is boıynsha jańa mán-jaılar anyqtalmaǵan qaıtadan jiberilgen ótinishterdi qaramaıdy.
Mıkroqarjy ombýdsmeni jáne onymen qalaı baılanysýǵa bolatyny týraly tolyǵyraq aqparatty myna silteme arqyly alýǵa bolady.
2024 jyldyń 1 jeltoqsanyndaǵy jaǵdaı boıynsha Qazaqstanda 220 mıkroqarjy uıymy, 215 nesıe seriktestigi, 199 kollektorlyq agenttik jáne 497 lombard jumys isteıdi.
Serik Jumanǵarın Qazaqstan Respýblıkasy Premer-Mınıstriniń orynbasary — Ulttyq ekonomıka mınıstri bolyp taǵaıyndaldy. Ol burynǵy atqarǵan laýazymynan bosatyldy.
Serik Maqashuly Jumanǵarın 1969 jyly Aqtóbe qalasynda dúnıege kelgen.
Máskeý Lenın ordendi jáne Oktıabr Revolıýtsııasy ordendi energetıkalyq ıntıtýtyn, E.A. Bóketov atyndaǵy Qaraǵandy memlekettik ýnıversıtetin, Halyqaralyq bıznes akademııasyn támamdaǵan.
1993-2004 jyldary kásipkerlikpen aınalysqan.
2005-2006 jyldary — Aqtóbe qalasynyń Ekonomıka jáne bıýdjettik josparlaý bólimi bastyǵynyń orynbasary; Aqtóbe qalasy Kásipkerlik bóliminiń bastyǵy.
2006-2007 jyldary — QR Tabıǵı monopolııalardy retteý agenttiginiń Aqtóbe oblysy boıynsha basqarmasy bastyǵynyń orynbasary.
2007-2008 jyldary — QR Tabıǵı monopolııalardy retteý agenttiginiń Aqtóbe oblysy boıynsha basqarmasynyń bastyǵy; QR Tabıǵı monopolııalardy retteý agenttiginiń Aqtóbe oblysy boıynsha departamentiniń dırektory.
2008-2010 jyldary — QR Indýstrııa jáne saýda mınıstrligi Saýda komıteti tóraǵasynyń orynbasary, Saýdany damytý departamentiniń dırektory; «Qazaqstandyq kelisim-shart agenttigi» AQ basqarma tóraǵasynyń orynbasary.
2010-2011 jyldary — «NadLoc» jergilikti qamtýdy damytý ulttyq agenttigi» AQ basqarma tóraǵasynyń orynbasary, birinshi orynbasary.
2012-2013 jyldary — QR Ekonomıkalyq damý jáne saýda mınıstrligi Óńirlik saıasat jáne bıýdjetaralyq qatynastar departamentiniń dırektory; QR Ekonomıkalyq damý jáne saýda mınıstrligi Óńirlik damý komıtetiniń tóraǵasy.
2013-2014 jyldary — QR óńirlik damý vıtse-mınıstri.
2014-2017 jyldary — QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń tóraǵasy.
2017-2019 jyldary — QR ulttyq ekonomıka vıtse-mınıstri.
2019-2020 jyldary — Eýrazııalyq ekonomıkalyq komıssııanyń Básekelestik jáne monopolııaǵa qarsy retteý jónindegi alqa múshesi (mınıstr).
2020-2022 jyldary — Básekelestikti qorǵaý jáne damytý agenttiginiń tóraǵasy.
2022-2023 jyldary — QR Premer-Mınıstriniń orynbasary – saýda jáne ıntegratsııa mınıstri.
2023 jylǵy 2 qyrkúıekte Qazaqstan Respýblıkasy Prezıdentiniń Jarlyǵymen QR Premer-Mınıstriniń orynbasary bolyp taǵaıyndaldy.
2024 jylǵy 6 aqpanda Memleket basshysynyń Jarlyǵymen Qazaqstan Respýblıkasy Premer-Mınıstriniń orynbasary bolyp taǵaıyndaldy.
Sport salsynda da bir-eki taǵaıyndaý boldy.
Marat Omarov Qazaqstan fýtbol federatsııasynyń jańa prezıdenti atandy.
Marat Talǵatuly Omarov 1988 jyly týǵan.
2010 jyly «Bolashaq» baǵdarlamasy boıynsha brıtandyq Iork ýnıversıtetin «fılosofııa, saıasattaný, ekonomıka» mamandyǵy boıynsha, 2011 jyly áleýmettik ǵylymdar magıstri dárejesi berile otyryp, London ekonomıka jáne saıası ǵylymdar mektebin (LSE) bitirdi.
2012-2014 jyldary — Ekonomıkalyq damý jáne saýda, keıinnen Ekonomıka jáne bıýdjettik josparlaý, Ulttyq ekonomıka mınıstriniń keńesshisi.
2014-2016 jyldary — QR Ulttyq ekonomıka mınıstrliginiń tarıftik jáne ınstıtýtsıonaldyq saıasatty qalyptastyrý departamenti dırektorynyń orynbasary.
2016-2017 jyldary — «Qazaqtelekom» AQ-nyń basqarýshy dırektory.
2017-2019 jyldary — «Tehnologııalyq damý jónindegi ulttyq agenttik» AQ Basqarma tóraǵasy, transformatsııadan keıin — «QazTech Ventures» AQ Basqarma tóraǵasy («Báıterek «UBH» AQ qurylymyna kiredi).
2019 jyldan bastap 2020 jylǵy qazanǵa deıin — «Báıterek «UBH» AQ basqarýshy dırektory — Basqarma múshesi. «Qazaqstannyń turǵyn úı qurylys jınaq banki» AQ, «Qazyna Kapıtal Menedjment» AQ, «Qazaqstannyń Damý Banki» AQ Dırektorlar keńesiniń múshesi.
2020 jylǵy qazannan 2022 jylǵy tamyzǵa deıin — QR Básekelestikti qorǵaý jáne damytý agenttigi tóraǵasynyń orynbasary laýazymyna taǵaıyndaldy.
2022 jylǵy 16 tamyzda QR Básekelestikti qorǵaý jáne damytý agenttiginiń tóraǵasy laýazymyna taǵaıyndaldy.
Álııa ıÝsýpova Qazaqstan gımnastıka federatsııasynyń basshysy qyzmetine qaıta saılandy.
Qazaqstan gımnastıka federatsııasynyń eseptik-saılaý konferentsııasy ótti. Kún tártibindegi basty másele sport uıymynyń prezıdentin saılaý boldy.
Konferentsııa qatysýshylarynyń biraýyzdan qabyldaǵan sheshimimen Álııa ıÝsýpova federatsııa basshysy qyzmetine tórt jyldyq merzimge qaıta saılandy.
Eske sala keteıik, Álııa ıÝsýpova 2021 jyly Qazaqstan gımnastıka federatsııasynyń prezıdenti qyzmetine kelgen edi.