Elimizde apta ishinde bolǵan kadrlyq taǵaıyndaýlar
ASTANA. KAZINFORM — Ótip bara jatqan aptada jergilikti ákimdikter, mınıstrlikter deńgeıinde jáne sport salsynda birqatar kadrlyq aýys-túıis boldy.
Aıtqazy Dáýletqululy Qarabalaev Jambyl oblysy memlekettik sáýlet-qurylys baqylaý basqarmasynyń basshysy — bas memlekettik qurylys ınspektory bolyp taǵaıyndaldy.
Aıtqazy Dáýletqululy 1966 jyly týǵan, bilimi joǵary.
1999 Taldyqorǵan syrtqy zań ınstıtýtyn «Quqyqtaný», 1998 jyly Qazaq memlekettik basqarý akademııasyn «Qarjy jáne nesıe», 2008 jyly M. H. Dýlatı atyndaǵy Taraz memlekettik ýnıversıtetin «Qurylys», 2014 jyly M. H. Dýlatı atyndaǵy Taraz memlekettik ýnıversıtetin «Quqyqtaný» (magıstr) mamandyqtary boıynsha bitirgen.
Eńbek jolyn 1989 jyly Almaty qalasyndaǵy № 54 Turǵyn úı paıdalaný basqarmasynyń ınjener-tehnıgi bolyp bastaǵan. Ár jyldary «Haır Ihsan» qaıyrymdylyq qoǵamynyń meńgerýshisi, dırektor orynbasary, «Tıgro Haýd» saýda-óndiristik qaýymdastyǵy bóliminiń meńgerýshisi, dırektor orynbasary, Taraz qalalyq saýda, shaǵyn jáne orta bıznes basqarmasynyń bastyǵy, Taraz qalasy ákiminiń orynbasary, Jambyl oblystyq jergilikti bıýdjetterge alymdar jáne jekelegen salyq tólemderin jınaý agenttiginiń dırektory, Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar departamentiniń dırektory, Jambyl oblysy ákimi apparaty basshysynyń orynbasary, Jýaly aýdanynyń ákimi, «Ońtústik» ÁKK» AQ UK» ókildiginiń Jambyl oblysyndaǵy dırektory, Talas aýdanynyń ákimi, «QazTransGaz Aımaq» Jambyl oblystyq óndiristik fılıaly dırektorynyń keńesshisi, «QazTransGaz Aımaq» Túrkistan oblystyq óndiristik fılıalynyń dırektory qyzmetterin atqarǵan.
Sondaı-aq Taraz qalasynyń ákimi, Jambyl oblysy ákimdiginiń memlekettik sáýlet-qurylys baqylaý basqarmasynyń basshysy-bas memlekettik qurylys ınspektory laýazymynda eńbek etti.
2022 jylǵy qazan aıynan bastap Jambyl oblysy ákimdiginiń sáýlet jáne qala qurylysy basqarmasynyń basshysy laýazymynda qyzmet atqaryp keldi.
Pavlodar oblysynda úsh basqarmanyń basshysy taǵaıyndaldy. Atap aıtsaq, Pavlodar oblysy ákiminiń ókimimen Asyltas Tileýbaev - veterınarııa basqarmasynyń basshysy, Lıýdmıla Qurmanova - ındýstrııalyq-ınnovatsııalyq damý basqarmasynyń basshysy, Talǵat Duǵalov kásipkerlik jáne saýda basqarmasynyń basshysy bolyp taǵaıyndaldy.
Asyltas Abylaıuly 1988 jyly týǵan. «Veterınarııalyq sanıtarııa» jáne «Memlekettik jáne jergilikti basqarý» mamandyqtary boıynsha eki joǵary bilimi bar.
Eńbek jolyn 2008 jyly bastaǵan, 2011 jyly Baıanaýyl aýdany Qundykól aýyldyq okrýgi apparatynyń bas mamany retinde jumys jasady.
2012-2015 jyldary Pavlodar qalasynyń aýyl sharýashylyǵy jáne veterınarııa bóliminde bas maman bolyp, sodan keıin qalalyq veterınarııa bólimi basshynyń orynbasary qyzmetin atqardy.
2020-2022 jyldary Pavlodar oblysy aýyl sharýashylyǵy basqarmasynyń veterınarııalyq-sanıtarııalyq is-sharalar jáne lıtsenzııalaý bólimin, veterınarııa jáne lıtsenzııalaý bólimin basqardy.
2022 jyldan bastap osy taǵaıyndaýǵa deıin Pavlodar oblysy veterınarııa basqarmasy basshysynyń orynbasary qyzmetin atqardy.
Lıýdmıla Rashıdovna 1981 jyly týǵan, eki joǵary bilimi bar. 2002 jyly Almaty Ekonomıka jáne statıstıka ınstıtýtyn «Býhgalterlik esep jáne aýdıt» mamandyǵy boıynsha, al 2006 jyly Innovatsııalyq Eýrazııa ýnıversıtetiniń magıstratýrasyn bitirgen.
Óziniń kásibı qyzmetin 2002 jyly Pavlodar oblysynyń ekonomıka jáne bıýdjettik josparlaý basqarmasynda bastady, onda 2021 jylǵa deıin bas maman, bólim basshysy jáne basqarma basshysynyń orynbasary laýazymdaryn atqardy.
2021 jyly kásipkerlik jáne ındýstrııalyq-ınnovatsııalyq damý basqarmasy basshysynyń orynbasary bolyp jumys istedi, sondaı-aq «Nur Otan» partııasy oblystyq fılıalynyń uıymdastyrý-baqylaý jumysy bóliminiń meńgerýshisi boldy. 2021 jyldyń tamyzynan 2024 jylǵa deıin oblys ákiminiń keńesshisi qyzmetin atqardy.
2024 jyldyń qyrkúıeginen bastap osy ýaqytqa deıin óńirdiń kásipkerlik jáne ındýstrııalyq-ınnovatsııalyq damý basqarmasyn basqardy.
Talǵat Ánýarbekuly - óńirlik kadr rezerviniń múshesi. Ol 1989 jyly dúnıege kelgen, «Memlekettik jáne jergilikti basqarý», «Quqyqtaný» jáne «Menedjment» mamandyqtary boıynsha úsh joǵary bilimi bar.
Eńbek jolyn 2011 jyly Aqsý qalasy ákimi apparatynyń ınspektory bolyp bastaǵan.
2014-2019 jyldary Pavlodar oblysynyń qurylys, jolaýshylar kóligi jáne avtomobıl joldary basqarmasynda jumys istedi, Aqsý qalasy ákimi apparatynyń uıymdastyrý-baqylaý bólimin, Jelezın aýdanynyń kásipkerlik jáne ónerkásip bólimin basqardy, Pavlodar qalasynyń ishki saıasat bólimi basshysynyń orynbasary boldy.
2019 jyldan 2023 jylǵa deıin Pavlodar oblysynyń kásipkerlik jáne ındýstrııalyq-ınnovatsııalyq damý basqarmasy bóliminiń basshysy jáne basshysynyń orynbasary qyzmetin atqardy.
2023 jyldan bastap osy taǵaıyndaýǵa deıin Ertis aýdany ákiminiń orynbasary bolyp jumys istedi.
Sybaılas jemqorlyqqa qarsy is-qımyl agenttiginiń Soltústik Qazaqstan oblysy boıynsha departamentin endi Baqdáýlet Mahmýd basqarady.
Baqdáýlet Mahmýd 1980 jyly Qyzylorda oblysynda týǵan, eki joǵary bilimi bar, 2001 jyly M.Dýlatı atyndaǵy Taraz memlekettik ýnıversıtetin, 2004 jyly Ortalyq Azııa ýnıversıtetin bitirgen.
Eńbek jolyn 2002 jyly qarjy polıtsııasy organdarynda bastady. Ár túrli laýazymdarda, sonyń ishinde basshylyq qyzmetterde boldy.
2014-2015 jyldar aralyǵynda Qazaqstan Qarjy mınıstrliginiń Memlekettik kirister organdarynda jumys istedi.
2016 jyldan bastap Qazaqstan Sybaılas jemqorlyqqa qarsy qyzmetinde jumys isteıdi.
Osy qyzmetke taǵaıyndalǵanǵa deıin Sybaılas jemqorlyqqa qarsy is-qımyl agenttiginiń Astana qalasy boıynsha departamenti basshysynyń orynbasary laýazymyn atqardy.
Baýyrjan Momyshuly atyndaǵy ІІ dárejeli «Aıbyn» ordenimen, quqyq qorǵaý organdarynyń vedomstvolyq nagradalarymen marapattalǵan.
Jandos Shaımardanov Ulttyq ekonomıka vıtse-mınıstri bolyp taǵaıyndaldy.
Ol 1987 jyly Shyǵys Qazaqstan oblysynda dúnıege kelgen. Iork ýnıversıtetin (Ulybrıtanııa), IE ýnıversıtetin (Ispanııa) bitirgen.
Eńbek jolyn 2009 jyly QR Ekonomıka jáne josparlaý mınıstrliginde bas sarapshy qyzmetinen bastaǵan.
2010–2013 jyldary — «Samuryq-Qazyna» UÁQ AQ menedjeri.
2013–2014 jyldary — QR Ekonomıka jáne bıýdjettik josparlaý mınıstrligi Memlekettiń mindettemelerin basqarý jáne qarjy sektoryn damytý saıasaty basqarmasynyń bas sarapshysy.
2014–2016 jyldary — QR Ulttyq ekonomıka mınıstrligi Strategııalyq josparlaý jáne taldaý departamentiniń dırektory.
2016–2019 jyldary — Departament dırektory, «Báıterek» UBH AQ basqarýshy dırektory.
2019–2020 jyldary — «QazTech Ventures» AQ basqarma tóraǵasy.
2020–2022 jyldary — QR Ulttyq banki Aqsha-nesıe saıasaty departamentiniń dırektory.
2022–2023 jyldary — QR Strategııalyq josparlaý jáne reformalar agenttigi Ulttyq statıstıka bıýrosynyń basshysy.
2023–2025 jyldary — QR Strategııalyq josparlaý jáne reformalar agenttiginiń tóraǵasy.
Mádenıet jáne aqparat mınıstriniń buıryǵymen Ánýar Hatıev vedomstvonyń Din isteri komıtetiniń tóraǵasy qyzmetine taǵaıyndaldy.
Ánýar Nurmanuly 1982 jyly Almatyda dúnıege kelgen. L. Gýmılev atyndaǵy Eýrazııa Ulttyq ýnıversıtetin, D.Qonaev atyndaǵy ýnıversıtetti, QR Prezıdenti janyndaǵy Memlekettik basqarý akademııasyn bitirgen.
Eńbek jolyn 2002 jyly Astana qalasy boıynsha Jer resýrstary jáne jerge ornalastyrý jónindegi enshiles memlekettik kásiporyny Zań bóliminiń mamany bolyp bastaǵan.
2005–2007 jyldary – Túzetý mekemelerinde zańdylyqty qadaǵalaý boıynsha Kókshetaý qalasy prokýrorynyń kómekshisi.
2007–2008 jyldar aralyǵynda QR Indýstrııa jáne saýda mınıstrligi Baqylaý jáne retteý komıtetiniń Talap qoıý bóliminiń qurylymynda túrli qyzmet atqarǵan.
2007–2014 jyldar aralyǵynda QR Básekelestikti qorǵaý agenttiginiń qurylymynda túrli qyzmetterde jumys istegen.
2015–2016 jyldary – QR Ulttyq ekonomıka mınıstrligi Tutynýshylardyń quqyqtaryn qorǵaý komıteti Kóliktegi tutynýshylardyń quqyqtaryn qorǵaý departamenti basshysynyń orynbasary.
2016–2019 jyldary – QR Aqparat jáne kommýnıkatsııalar mınıstrliginde Memlekettik kórsetiletin qyzmetterdi damytý departamentiniń dırektory, «Elektrondyq úkimetti» jáne memlekettik kórsetiletin qyzmetterdi damytý departamentiniń dırektory.
2019–2023 jyldary – QR Aqparat jáne qoǵamdyq damý mınıstrligi Din isteri komıteti tóraǵasynyń orynbasary.
2023 jyldan bastap osy ýaqytqa deıin QR Mádenıet jáne aqparat mınıstrligi Din isteri komıteti tóraǵasynyń orynbasary qyzmetin atqarǵan.
Abaı oblysynyń Kásipkerlik jáne ındýstrııalyq-ınnovatsııalyq damý basqarmasynyń basshysy bolyp Aıbek Rahymbekov taǵaıyndaldy.
Aıbek Smaǵululy 1990 jyly 23 jeltoqsanda Astana qalasynda dúnıege kelgen.
2012 jyly L.N.Gýmılev atyndaǵy Eýrazııa ulttyq ýnıversıtetin «Aımaqtaný» mamandyǵy, 2015 jyly Qazaq ınjenerlik-tehnıkalyq akademııasyn «Ekonomıka» mamandyǵy, 2020 jyly Ońtústik Kalıfornııa ýnıversıtetin «Halyqaralyq memlekettik saıasat jáne basqarý» mamandyǵy boıynsha bitirgen.
«Bolashaq» baǵdarlamasynyń túlegi.
Eńbek jolyn 2014 jyly Qazaqstan Respýblıkasy Kólik jáne kommýnıkatsııa mınıstrligi Halyqaralyq yntymaqtastyq departamenti halyqaralyq uıymdar basqarmasynyń sarapshysy laýazymynan bastaǵan.
Ár jyldary Investıtsııalar jáne damý mınıstrliginiń Kólik oqıǵalary men oqys oqıǵalardy tekserý departamenti temir jol jáne sý kólikterindegi oqıǵalardy tekserý basqarmasynyń bas sarapshysy, Indýstrııa jáne ınfraqurylymdyq damý mınıstrligi Ónerkásiptik saıasat departamenti óńdeýshi ónerkásipti damytý basqarmasynyń basshysy bolyp eńbek etti.
Taǵaıyndalǵanǵa deıin Abaı oblysynyń kásipkerlik jáne ındýstrııalyq-ınnovatsııalyq damý basqarmasy basshysynyń orynbasary bolǵan.
«Aqtóbe» fýtbol klýbyna bas bapker taǵaıyndaldy. Atalǵan qyzmetke belarýstik Vıacheslav Levchýk keldi. Bul jóninde komandanyń baspasóz qyzmeti málim etti.
Ol osy ýaqytqa deıin bas bapkerdiń mindetin atqaryp kelgen edi. Belarýs mamany endi tolyqqandy bapkerlik mindetke taǵaıyndaldy.
Aıta ketsek, atalǵan mamannyń jetekshiligimen komanda sońǵy úsh kezdesýdiń úsheýin de jeńispen aıaqtaǵan edi.
Vıacheslav Levchýk 1971 jyly dúnıege kelgen. 1987-2000 jyldar aralyǵynda belarýstik komandalar sapynda qorǵaýshy shebinde dop tepti.
2001 jyldan beri bapkerlik qyzmetpen aınalysyp keledi. Qazirge deıin Belarýs, Moldova, Ýkraına, Reseı, Qyrǵyzstan klýbtarynda qyzmet atqardy.
Eske salsaq, sáýir aıynda bıylǵy maýsymdaǵy sátsiz oıyndary úshin «Aqtóbe» komandasynyń bas bapkeri Igor Leonov qyzmetinen ketti.
Osyǵan deıin Jandos Shaımardanovtyń Ulttyq ekonomıka vıtse-mınıstri bolyp taǵaıyndalǵany týraly jazdyq.