Elimizde apta ishinde bolǵan kadrlyq taǵaıyndaýlar
ASTANA. KAZINFORM — Ótip bara jatqan apta ishinde elimizde birqatar kadrlyq aýys-túıis boldy.
Memleket basshysynyń ókimimen Álibek Qýantyrov Qazaqstan Respýblıkasy Syrtqy ister mınıstriniń orynbasary laýazymyna taǵaıyndaldy.
Álibek Qýantyrov 1983 jyly Atyraý qalasynda týǵan. Tomsk memlekettik ýnıversıtetin, Mıchıgan ýnıversıtetin bitirgen, qoldanbaly ekonomıka magıstri.
Prezıdenttik jastar kadr rezerviniń múshesi.
Eńbek jolyn 2005 jyly QR Ekonomıka jáne bıýdjettik josparlaý mınıstrliginde jetekshi mamannyń mindetin atqarýshy bolyp bastady.
2005-2010 jyldary QR Ekonomıka jáne bıýdjettik josparlaý mınıstrliginde túrli laýazymdarda jumys istedi.
2010-2013 jyldary QR Qarjy mınıstrliginiń bıýdjettik josparlaý jáne boljamdaý departamenti dırektorynyń orynbasary boldy.
2013 jyly QR Indýstrııa jáne jańa tehnologııalar mınıstrliginiń geologııa jáne jer qoınaýyn paıdalaný komıteti tóraǵasynyń orynbasary qyzmetin atqarǵan.
2013-2019 jyldary QR Prezıdent Ákimshiliginde túrli qyzmetter atqardy.
2019-2021 jyldary QR Tuńǵysh Prezıdenti — Elbasy Keńsesiniń Aqparattyq-saraptamalyq qamtamasyz etý bóliminiń meńgerýshisiniń orynbasary, 2021-2022 jyldary QR Ulttyq ekonomıka vıtse-mınıstri, 2022-2024 jyldary — QR Ulttyq ekonomıka mınıstri qyzmetin atqarǵan.
Bıylǵy 1 sáýirde KazEnergy bas dırektory bolyp taǵaıyndalǵan edi.
Memleket basshysynyń ókimimen Erjan Seıitqulov Qazaqstan Respýblıkasy Prezıdentiniń Ákimshiligi Aqparattyq resýrstardy qorǵaý bóliminiń meńgerýshisi laýazymyna taǵaıyndaldy.
Erjan Nurahanuly 1979 jylǵy 4 sáýirde dúnıege kelgen.
2001 jyly M. V. Lomonosov atyndaǵy Máskeý memlekettik ýnıversıtetiniń mehanıka-matematıka fakýltetin bitirgen.
Fızıka-matematıka ǵylymdarynyń kandıdaty, ınformatıka, esepteýish tehnıka jáne basqarý salasynyń qaýymdastyrylǵan professory.
«Bolashaq» baǵdarlamasy boıynsha Nıý-Iork shtatynyń ýnıversıtetinde «Aqparatty qorǵaý ádisteri men júıeleri, aqparattyq qaýipsizdik» mamandyǵy boıynsha ǵylymı taǵylymdamadan ótken.
Eńbek jolyn 2002 jyly M. V. Lomonosov atyndaǵy Máskeý memlekettik ýnıversıtetiniń Astana qalasyndaǵy qazaqstandyq fılıalynda matematıka pániniń oqytýshysy bolyp bastaǵan.
2007-2011 jyldary — aǵa oqytýshy, dotsent, L. N. Gýmılev atyndaǵy EUÝ aqparattyq tehnologııalar fakýlteti dekanynyń ǵylym jónindegi orynbasary;
2012-2022 jyldary — L. N. Gýmılev atyndaǵy EUÝ Aqparattyq qaýipsizdik jáne krıptologııa ǵylymı-zertteý ınstıtýtynyń dırektory;
2022 jylǵy tamyzdan Qazaqstan Respýblıkasy Іs Basqarmasy «Injenerlik-tehnıkalyq ortalyǵy» ShJQ RMK dırektory bolyp qyzmet atqardy.
2023 jyly qarasha aıynda Qazaqstan Respýblıkasy Prezıdenti Ákimshiliginiń Aqparattandyrý jáne aqparattyq resýrstardy qorǵaý bólimi meńgerýshisiniń orynbasary laýazymyna taǵaıyndaldy.
2023 jylǵy 4 jeltoqsanda Memleket basshysynyń Ókimimen Qazaqstan Respýblıkasy Prezıdenti Ákimshiliginiń Aqparattandyrý jáne aqparattyq resýrstardy qorǵaý bóliminiń meńgerýshisi bolyp taǵaıyndaldy.
Qazaqstan Respýblıkasy Úkimetiniń «Daryn» memlekettik jastar syılyǵynyń laýreaty (2006). Qazaqstan Respýblıkasy Prezıdentiniń Alǵys hatymen marapattalǵan (2022).
Memleket basshysynyń ókimimen Qýat Sandalov Qazaqstan Respýblıkasy Prezıdentiniń Ákimshiligi tsıfrlandyrýdy damytý bóliminiń meńgerýshisi laýazymyna taǵaıyndaldy.
Ol buǵan deıin «Qazaqtelekom» aktsıonerlik qoǵamynda túrli qyzmetter atqaryp kelgen bolatyn.
Sondaı-aq osy aptada Memleket basshysy Qasym-Jomart Toqaev 2024 jylǵy 29 shildedegi «Qazaqstan Respýblıkasy sottarynyń tóraǵalaryn, sot alqalarynyń tóraǵalaryn jáne sýdıalaryn qyzmetke taǵaıyndaý jáne qyzmetten bosatý týraly» Jarlyqqa qol qoıdy.
Qyzmetke taǵaıyndalǵan ne qyzmetten bosatylǵan laýazym ıelerimen myna silteme arqyly tanys bola alasyzdar.
Úkimet qaýlysymen Qudaıbergen Arymbek Energetıka vıtse-mınıstri qyzmetine taǵaıyndaldy.
Ol 1987 jyly Mańǵystaý oblysynda dúnıege kelgen. Ýfa memlekettik munaı tehnıkalyq ýnıversıtetin bitirgen.
Eńbek jolyn 2011 jyly Mańǵystaý oblysynyń Kásipkerlik jáne ónerkásip basqarmasynyń bas mamany bolyp bastady.
2012-2014 jyldary QR Munaı jáne gaz mınıstrliginiń munaı-gaz kesheni memlekettik ınspektsııalaý komıtetindegi basqarmada sarapshy, bas sarapshy qyzmetterin atqardy.
2014-2021 jyldary QR Energetıka mınıstrliginde bas sarapshy, basqarma basshysy, departament dırektorynyń orynbasary boldy.
2021 jyldan bastap osy ýaqytqa deıin QR Energetıka mınıstrliginde departament dırektory qyzmetin atqardy.
Energetıka mınıstriniń buıryǵymen Erjan Ertaev vedomstvonyń Atom jáne energetıkalyq qadaǵalaý jáne baqylaý komıtetiniń tóraǵasy qyzmetine taǵaıyndaldy.
1985 jyly Pavlodar oblysynda dúnıege kelgen. Innovatsııalyq Eýrazııa ýnıversıtetin bitirgen.
Eńbek jolyn 2006 jyly Pavlodar aýdandyq Qazynashylyq bóliminde bastady, jeke qurylymdarda jumys istedi.
2009-2013 jyldary — Pavlodar oblysy energetıka jáne turǵyn úı-kommýnaldyq sharýashylyq basqarmasy energetıka bóliminiń jetekshi mamany, bas mamany.
2013-2014 jyldary — Indýstrııa jáne jańa tehnologııalar mınıstrligi basqarmasynyń bas sarapshysy.
2014-2015 jyldary — Energetıka mınıstrliginiń basqarma basshysy.
2015-2018 jyldary — Energetıka mınıstrliginiń Aqmola, Qaraǵandy oblystary boıynsha aýmaqtyq departamentteriniń basshysy.
2018 jyldan 2020 jylǵa deıin Energetıka mınıstrligi komıteti tóraǵasynyń orynbasary bolyp qyzmet atqardy.
2020-2021 jyldary — Pavlodar oblysy energetıka jáne TKSh basqarmasynyń basshysy.
2021-2022 jyldary — «Samuryq — Energo» basqarma tóraǵasy apparatynyń basshysy.
2022-2023 jyldary — Bolat Nurjanov atyndaǵy «Ekibastuz GRES-1» JShS bas dırektory.
2023 jyldan qazirgi ýaqytqa deıin qalalyq ákimdiktiń atomdyq jáne energetıkalyq qadaǵalaý jáne baqylaý komıteti tóraǵasynyń orynbasary boldy.
Tótenshe jaǵdaılar mınıstriniń buıryǵymen Ermek Beıseýov Qazaqstan Respýblıkasy Tótenshe jaǵdaılar mınıstrliginiń memlekettik materıaldyq rezervter komıtetiniń tóraǵasy bolyp taǵaıyndaldy.
QR Prezıdenti Ákimshiliginiń kelisimi boıynsha Astana qalasy ákiminiń orynbasary bolyp Erik Meırhanov taǵaıyndaldy.
Eńbek jolyn halyqaralyq munaı-gaz kompanııasynda bastaǵan.
2011 jyldyń naýryzynan 2012 jyldyń mamyryna deıin QR Syrtqy ister mınıstrliginde qyzmet etti.
Sońǵy jyldary QR Prezıdenti protokol qyzmetiniń ınspektory, qyzmet bastyǵynyń orynbasary bolyp jumys istedi.
Qyzylorda qalasynyń ákimi qyzmetine Nurjan Ahatov taǵaıyndaldy.
N.Ahatov 1978 jyly Shıeli aýdanynda dúnıege kelgen.
Qyzylorda agroónerkásip óndirisi ınjenerleri ınstıtýtyn «Býhgalterlik esep jáne aýdıt», Qazaq gýmanıtarlyq zań ýnıversıtetin «Quqyqtaný» mamandyqtary boıynsha bitirgen.
Eńbek jolyn 2000 jyly oblystyq statıstıka jónindegi esepteý ortalyǵynyń jabdyqtaýshy mamany bolyp bastaǵan.
2004-2008 jyldary Shıeli aýdandyq ekonomıka jáne bıýdjetti josparlaý bóliminiń basshysy, aýdan ákiminiń orynbasary qyzmetterin atqarǵan.
2008-2013 jyldary oblys ákimi apparaty uıymdastyrý-ınspektorlyq jumys bóliminiń bas ınspektory, oblystyq kásipkerlik basqarmasy bastyǵynyń orynbasary, Shıeli aýdany ákimi apparatynyń basshysy bolǵan.
2013-2015 jyldary Qyzylorda qalasy ákimi apparatynyń basshysy, qala ákiminiń orynbasary, 2015-2022 jyldary «Baıqońyr» áleýmettik-kásipkerlik korporatsııasy» aktsıonerlik qoǵamy basqarma tóraǵasynyń birinshi orynbasary, basqarma tóraǵasy, «Qyzylorda» avtobýs parki» jaýapkershiligi shekteýli seriktestiginiń dırektory qyzmetterin atqardy.
2016-2021 jyldary Qyzylorda qalalyq máslıhatynyń depýtaty retinde ózekti máselelerdiń oń sheshim tabýyna atsalysty.
2022 jyldyń shilde aıynan Shıeli aýdanynyń ákimi qyzmetin atqaryp keldi.
Erken Jaqataı «SQ-Farmatsııa» JShS Basqarma tóraǵasy qyzmetine taǵaıyndaldy.
«Avtomatıka jáne basqarý júıesi» mamandyǵy boıynsha Qazaq ulttyq tehnıkalyq ýnıversıtetin (1994 j.), «Qarjy jáne nesıe» mamandyǵy boıynsha T.Rysqulov atyndaǵy Qazaq ekonomıkalyq ýnıversıtetin (2001 j.) bitirgen.
Memlekettik (QR Memlekettik kirister mınıstrligi, QR Qarjy mınıstrligi, QR Indýstrııa jáne jańa tehnologııalar mınıstrligi), kvazımemlekettik («Qazyna» turaqty damý qorynyń «Damý qory» AQ, QR «Ulttyq medıtsına holdıngi» AQ, Reseı Federatsııasyndaǵy Qazaqstan Respýblıkasynyń saýda ókildiginde) jáne jeke sektorda 30 jyldan astam basshylyq jumys ótili bar.
2021 jyldan bastap taǵaıyndalǵanǵa deıin jeke sektorda jumys istedi.
Baýyrjan Halıolla «Atameken» óner ordasyna kóshken Ǵ.Qurmanǵalıev atyndaǵy oblystyq fılarmonııanyń dırektory bolyp taǵaıyndaldy.
Baýyrjan Ergenuly 1979 jyly 24 qarashada Batys Qazaqstan oblysy Syrym aýdany Qosoba aýylynda dúnıege kelgen.
2001 jyly Ál-Farabı atyndaǵy Qazaq memlekettik ulttyq ýnıversıtetin jýrnalıstıka mamandyǵy boıynsha bitirgen.
Eńbek jolyn 2001 jyly oblystyq «Oral óńiri» gazetiniń tilshisi qyzmetinen bastaǵan.
2003-2004 jyldary Syrym aýdandyq «Qaınar» gazetiniń bas redaktory, 2010-2012 jyldary respýblıkalyq táýelsiz «Aına» gazetiniń bas redaktory, 2012-2015 jyldary respýblıkalyq «Jaıyq juldyzy» jýrnalynyń bas redaktory boldy.
Mádenıet salasynda 2015-2016 jyldary Jastar shyǵarmashylyǵy ortalyǵy dırektorynyń jalpy máseleler boıynsha orynbasary, dırektory, 2016-2023 jyldary Qadyr Myrza Áli atyndaǵy oblystyq mádenıet jáne óner ortalyǵynyń dırektory, 2023-2024 jyldary «Atameken» óner ordasynyń dırektory laýazymyn atqaryp keldi.
