Elimizde apta ishinde bolǵan kadrlyq taǵaıyndaýlar

ASTANA. KAZINFORM — Osy aptada elimizde birqatar kadrlyq aýys-túıis boldy.

Apta basynda Nurbol Botabekov Jetisý oblysynyń Memlekettik sáýlet-qurylys baqylaý basqarmasynyń basshysy bolyp taǵaıyndaldy.

Nurbol Tólendiuly 1989 jyly týǵan. Joǵary bilimdi. Q.Sátpaev atyndaǵy Qazaq ulttyq tehnıkalyq ýnıversıtetin kólik, kólik tehnıkasy jáne tehnologııasy, D.Qonaev atyndaǵy kólik quqyq gýmanıtarlyq ýnıversıtetin quqyqtaný, L. B. Goncharov atyndaǵy Qazaq avtomobıl-jol ınstıtýtyn qurylys mamandyqtary boıynsha bitirgen.

Eńbek jolyn Qazaqstan Qurylys jáne turǵyn úı-kommýnaldyq sharýashylyq isteri agenttiginiń Almaty oblysy boıynsha memlekettik sáýlet-qurylys baqylaý jáne lıtsenzııalaý departamentiniń jetekshi mamany bolyp bastap, keıin bas mamany boldy.

Ár jyldary Almaty oblysynyń memlekettik sáýlet-qurylys baqylaý basqarmasynyń bas mamany, bólim basshysy, basqarma basshysynyń orynbasary laýazymdaryn atqardy.

2022 jyldyń qańtarynan Almaty oblysynyń memlekettik sáýlet-qurylys baqylaý basqarmasy ákimshilik-quqyqtyq jumystar bóliminiń basshysy boldy.
*
Túrkistan oblysy Tólebı aýdanynyń ákimi bolyp Erkeǵalı Amantaıuly Álimqulov taǵaıyndaldy.

Erkeǵalı Álimqulov 1981 jyly, 6 maýsymda Tólebı aýdanynda dúnıege kelgen. Bilimi joǵary, mamandyqtary: keden isi, quqyqtaný, ekonomıka.

Eńbek jolyn 2003 jyly jyly QR Tabıǵı monopolııalardy retteý agenttigi aımaqtyq bólimshelerdiń jumysyn úılestirý basqarmasynda jetekshi maman retinde bastaǵan. 

QR Indýstrııa jáne saýda mınıstrligi Básekelestikti qorǵaý komıtetinde, Básekelestikti qorǵaý agenttiginde jumys istegen. 

Qazaqstan Respýblıkasy Prezıdenti Ákimshiligi Memlekettik baqylaý jáne aýmaqtyq-uıymdastyrý bóliminiń memlekettik ınspektory, Ońtústik Qazaqstan oblysy ákimi apparatynyń basshysy, QR Parlamenti Májilisiniń uıymdastyrý-baqylaý jáne kadr jumysy bóliminiń meńgerýshisi, Shymkent qalasy ákimi apparatynyń basshysy, QR Ulttyq ekonomıka mınıstrligi kásipkerlikti damytý departamentiniń dırektory, «AMANAT» partııasynyń Nur-Sultan qalalyq fılıaly atqarýshy hatshysynyń orynbasary bolǵan.

2022 jyly Astana qalasy ákimdiginiń «Astana» Áleýmettik-kásipkerlik korporatsııasy» aktsıonerlik qoǵamynyń Basqarma tóraǵasy boldy.

2023 jyldyń qańtar aıynan beri Túrkistan oblysy ákimi apparatynyń basshysy qyzmetin atqaryp keldi.
*
Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń tóraǵasy bolyp Qazbek Táshimov taǵaıyndaldy.

Osy laýazymǵa taǵaıyndalǵanǵa deıin Qazbek Qazıhanuly QR AShM Veterınarııalyq baqylaý jáne qadaǵalaý komıteti tóraǵasynyń orynbasary qyzmetin atqardy.

Ol 1980 jyly Batys Qazaqstan oblysy Tasqala aýdany Kamenka aýylynda dúnıege kelgen.

2001 jyly Batys Qazaqstan memlekettik ýnıversıtetin «veterınarııalyq sanıtarııa» mamandyǵy boıynsha bitirgen. 2005 jyly sol ýnıversıtette «Quqyqtaný» mamandyǵy boıynsha ekinshi joǵary bilim aldy.

Kásibı qyzmetin 2002 jyly Qazaqstan Respýblıkasy Aýyl sharýashylyǵy mınıstrligi Tasqala aýdandyq aýmaqtyq basqarmasynyń jetekshi mamany qyzmetinen bastady. 2005-2011 jyldar aralyǵynda Batys Qazaqstan oblysy Tasqala aýdany ákiminiń apparatynda ártúrli laýazymdarda qyzmet atqardy.

2011 jyldan bastap Batys Qazaqstan oblysy Aýyl sharýashylyǵy basqarmasynyń veterınarııa bólimin basqardy, al 2015 jyly Batys Qazaqstan oblysy veterınarııa basqarmasynyń basshysy bolyp taǵaıyndaldy.

2017 jyldan 2021 jylǵa deıin Batys Qazaqstan oblysynyń veterınarııa basqarmasy basshysynyń orynbasary qyzmetin atqardy.

2021-2024 jyldar aralyǵynda Mańǵystaý oblysynyń Aýyl sharýashylyǵy basqarmasyn basqardy.
*
BQO polıtsııa departamentiniń kadrlyq quramynda ózgerister boldy.

QR Іshki ister mınıstriniń buıryǵymen BQO polıtsııa departamentiniń jańa orynbasarlary taǵaıyndaldy.

Polıtsııa polkovnıgi Abylaıhan Serikov BQO polıtsııa departamenti bastyǵynyń jedel jumystar jónindegi orynbasary boldy.

Abylaıhan Serikuly ishki ister organdarynda 1997 jyldan bastap qyzmet etedi.

Eńbek jolyn ýchaskelik polıtsııa ınspektory laýazymynan bastap, basshy laýazymdarǵa deıin kóterilip, Qaratóbe jáne Aqjaıyq polıtsııa bólimderin basqardy.

Buǵan deıin ol BQO PD bastyǵynyń jalpy máseleler boıynsha orynbasary qyzmetin atqarǵan.
Abylaıhan Serikov jedel qyzmetterdiń jumysyna, atap aıtqanda, krımınaldyq polıtsııa, uıymdasqan qylmysqa, esirtki qylmysyna, ekstremızmge qarsy is-qımyl basqarmalaryna jetekshilik etedi.

Sonymen qatar, polıtsııa polkovnıgi Qýat Qaraǵoıshıev BQO polıtsııa departamenti bastyǵynyń jalpy máseleler jónindegi orynbasary bolyp taǵaıyndaldy. 

Qýat Amangeldiuly ishki ister organdarynda 1996 jyldan bastap qyzmet etedi.

Polıtsııa qyzmetindegi eńbek jolynda qarapaıym býhgalterden BQO PD qarjymen qamtamasyz etý basqarmasynyń bastyǵy laýazymyna deıin kóterildi.

Qýat Qaraǵoıshıev tyldy basqarý jáne qarjymen qamtamasyz etý, aqparattandyrý jáne baılanys basqarmasynyń jumysyna jetekshilik etedi.
*
QR Ortalyq saılaý komıssııasynyń jańa eki múshesi taǵaıyndaldy.

Azamat Maqsotuly Aımanakýmov Qazaqstan Respýblıkasy Ortalyq saılaý komıssııasynyń múshesi laýazymyna taǵaıyndaldy;

Mıhaıl Mıhaılovıch Bortnık Qazaqstan Respýblıkasy Ortalyq saılaý komıssııasynyń múshesi laýazymyna taǵaıyndaldy.

Atalǵan eki azamat Memleket basshysynyń Jarlyqtarymen qyzmetinen bosatylǵan Sábıla Saparqyzy Mustafına men Konstantın Vıktorovıch Petrovtyń ornyna múshe boldy.
*
Daýlet Raıstanov Abaı oblysy Jarma aýdandyq polıtsııa bóliminiń bastyǵy bolyp taǵaıyndaldy.

Daýlet Raıstanov ishki ister organdarynda 2008 jyldan beri qyzmet etip kele jatyr, ártúrli, onyń ishinde basshylyq laýazymdardy atqaryp, mol tájirıbe jınaǵan maman.
*
Ánýar Qaıyrgeldiuly Kúmpekeev Kókshetaý qalasynyń ákimi bolyp taǵaıyndaldy. 

Ánýar Qaıyrgeldiuly Kúmpekeev M. V. Lomonosov atyndaǵy Máskeý memlekettik ýnıversıtetin ekonomıka bakalavry mamandyǵy boıynsha bitirdi. 2007 jyly Bredford ýnıversıtetinde, Ulybrıtanııa, ekonomıkalyq saıasat magıstri dárejesin aldy, Qazaqstan Respýblıkasy Prezıdentiniń «Bolashaq» stıpendııasynyń túlegi.

Eńbek jolyn 2005 jylǵy qyrkúıekte Qazaqstan Respýblıkasy Densaýlyq saqtaý mınıstrligi Ekonomıka jáne qarjy departamentiniń jetekshi mamany bolyp bastady. 2007 jylǵy qazannan bastap «Qazaqstan Respýblıkasy bıotehnologııa ulttyq ortalyǵy» RMK strategııalyq damý departamentiniń dırektory, Marketıng jáne kommertsıalızatsııalaý departamentiniń dırektory bolyp qyzmet atqardy. 2008 jylǵy qyrkúıekten bastap kommertsııalyq qurylymdarda ártúrli basshy laýazymdarda jumys jasady. 2009 jylǵy jeltoqsannan bastap «TÚKSh jańǵyrtý men damytýdyń qazaqstandyq ortalyǵy» AQ departament dırektory, 2011 jylǵy shildeden basqarma múshesi — basqarýshy dırektory.

2012 jylǵy shildeden Aqmola oblysy Stepnogorsk qalasy ákiminiń orynbasary, 2015 jylǵy mamyrdan Stepnogorsk qalasynyń ákimi, 2018 jylǵy tamyzdan Pavlodar qalasynyń ákimi laýazymdaryn atqardy.

2019 jylǵy qazannan bastap «Transtelekom» AQ Basqarma tóraǵasynyń keńesshisi. 2020 jylǵy qazannan bastap qazirgi ýaqytqa deıin «Transtelekom» AQ Basqarma tóraǵasynyń orynbasary bolyp qyzmet atqardy.

2024 jylǵy 29 tamyzdan beri Aqmola oblysy ákiminiń keńesshisi qyzmetin atqaryp keldi.