Elimizde apta ishinde bolǵan kadrlyq taǵaıyndaýlar
ASTANA. KAZINFORM – Ótken aptada elimizde birqatar kadrlyq aýys-túıis boldy.
Memleket basshysynyń ókimimen Qaırat Jaqııanuly Bıjanov Qazaqstan Respýblıkasynyń Qarjylyq monıtorıng agenttigi tóraǵasynyń orynbasary laýazymyna taǵaıyndaldy.
Qaırat Jaqııanuly Qostanaı oblysynyń týmasy. Qostanaı memlekettik ýnıversıtetin quqyqtaný mamandyǵy boıynsha bitirgen. Quqyq qorǵaý organdaryndaǵy jalpy eńbek ótili 21 jyldan astam. Qarjy polıtsııasynda, prokýratýra organdarynda, onyń ishinde 16 jyl Qostanaı, Aqtóbe, Jambyl, Almaty oblystarynda basshylyq laýazymdarda qyzmet atqarǵan. Buǵan deıin Astana qalasy Ekonomıkalyq tergeý departamentiniń basshysy boldy.
Premer-Mınıstrdiń burynǵy keńesshisi Ǵabıdolla Ospanqulov QR Syrtqy ister mınıstrligi Investıtsııa komıtetiniń tóraǵasy bolyp taǵaıyndaldy.
Ol 1981 jyly 13 shildede Ońtústik Qazaqstan oblysynda dúnıege kelgen. 2002 jyly Qazaq memlekettik zań ýnıversıtetin, 2007 jyly Qazaqstan-Reseı ýnıversıtetin jáne Bırmıngem ýnıversıtetin bitirgen.
Eńbek jolyn 1999 jyly «Eýrazııa Konsaltıng» JShS-te zańgerdiń kómekshisi retinde bastaǵan. 2002 jyldan 2010 jylǵa deıin QR Parlamenti Senatynda jáne QR Prezıdentiniń Parlamenttegi Ókildiginde túrli laýazymdarda qyzmet atqardy. 2010-2019 jyldary Ekibastuz qalasy ákiminiń jáne Batys Qazaqstan oblysy ákiminiń orynbasary laýazymynda jumys istedi, QR Bilim jáne ǵylym mınıstrliginde basshylyq qyzmetter atqardy.
2019 jyly «NurOtan» partııasynyń hatshysy boldy. 2019 jyldan 2020 jylǵa deıin QR Aqparat jáne qoǵamdyq damý vıtse-mınıstri, 2021-2024 jyldar aralyǵynda – QR Prezıdenti Ákimshiliginiń memlekettik ınspektory, Memlekettik baqylaý jáne aýmaqtyq uıymdastyrý jumysy bólimi meńgerýshisiniń orynbasary, meńgerýshisi. 2023 jyldan 2024 jylǵa deıin Qazaqstan Respýblıkasy Úkimeti Apparaty basshysynyń birinshi orynbasary qyzmetin atqardy.
QR Syrtqy ister mınıstrligi Investıtsııalar komıtetiniń tóraǵasy bolyp taǵaıyndalǵanǵa deıin Qazaqstan Respýblıkasy Premer-Mınıstriniń keńesshisi bolǵan.
Úkimet qaýlysymen Oljas Saparbekuly Saparbekov Ónerkásip jáne qurylys vıtse-mınıstri bolyp taǵaıyndaldy.
Oljas Saparbekov 1979 jyly Aqtóbe qalasynda dúnıege kelgen. Qazaq kólik jáne kommýnıkatsııa akademııasyn, Akademık E.A. Bóketov atyndaǵy Qaraǵandy memlekettik ýnıversıtetin bitirgen.
2001-2006 jyldary «Qazaqstan temir joly» UK qurylymynda jumys istedi.
2006-2016 jyldary kommertsııalyq qurylymdarda basshylyq qyzmetterde boldy.
2016-2019 jyldary — «Atameken» UKP departamenti sarapshysy, dırektorynyń orynbasary.
2019-2021 jyldary — Qostanaı oblysy ákimdiginiń kásipkerlik jáne ındýstrııalyq-ınnovatsııalyq damý basqarmasy basshysynyń orynbasary, basshysy.
2021-2023 jyldary — QR Indýstrııa jáne ınfraqurylymdyq damý mınıstrligi ındýstrııalyq damý, kólik komıtetteri tóraǵasynyń orynbasary.
2023-2024 jyldary — QR Kólik mınıstrligi Temirjol jáne sý kóligi komıtetiniń tóraǵasy.
2024 jylǵy aqpannan bastap Ónerkásip jáne qurylys vıtse-mınıstri.
Buryn osy qyzmette bolǵan Іlııas Esetuly Ospanov bergen ótinishine sáıkes qyzmetinen bosatyldy.
Arǵynǵazınov Aıbol Arǵynǵazyuly «Memlekettik áleýmettik saqtandyrý qory» AQ bas dırektory bolyp taǵaıyndaldy.
Arǵynǵazınov Aıbol Arǵynǵazyuly Jetisý oblysynda dúnıege kelgen. Prezıdenttik jastar kadrlyq rezerviniń múshesi.
L.N. Gýmılev atyndaǵy Eýrazııa ulttyq ýnıversıtetiniń ekonomıka fakýltetin, «Joǵarǵy ekonomıka mektebi» Ulttyq zertteý ýnıversıtetiniń (Máskeý qalasy) ekonomıka ǵylymdary fakýltetin támamdaǵan.
Eńbek jolyn QR Ulttyq ekonomıka mınıstrliginde sarapshy bolyp bastaǵan, ár jyldary «Qazkontent» AQ bólim basshysy, «Ekonomıkalyq zertteýler ınstıtýty» AQ Taldaý jáne álemdik ekonomıka ortalyǵynyń dırektory, QR Ulttyq ekonomıka mınıstriniń keńesshisi, QR
Prezıdenti Ákimshiligi Basshysy Hatshylyǵynyń sektor meńgerýshisi bolǵan.
2022 jyldan QR Qarjy mınıstrligi Bıýdjettik kredıtteý, Qazaqstan Respýblıkasynyń Ulttyq qory jáne qarjy sektory máseleleri boıynsha ózara is-qımyl departamentiniń dırektory bolyp eńbek etti.
Erjan Jákenov «Qazavıaqutqarý» AQ avıakompanııasynyń bas dırektory laýazymyna taǵaıyndaldy.
Erjan Jákenov 1978 jylǵy 17 qańtarda Qaraǵandy oblysynda dúnıege kelgen. Bilimi joǵary, QarMTÝ ınjener-mehanık mamandyǵy boıynsha, Qaztutynýodaǵy Qaraǵandy ekonomıkalyq ýnıversıtetin - zańger, «Tasymaldaýdy, qozǵalysty uıymdastyrý jáne kólikti paıdalaný» azamattyq avıatsııa akademııasyn bitirdi.
Eńbek jolyn ushý qaýipsizdigi basqarmasynyń, ushý jaramdylyǵyn qoldaý basqarmasynyń sarapshysynan, bas sarapshydan – Azamattyq avıatsııa komıteti avıatsııalyq qaýipsizdik basqarmasynyń aǵa memlekettik avıatsııa ınspektorynan bastady.
11 jyldan astam Astana jáne Almaty qalalarynyń áýejaılarynda avıatsııalyq qaýipsizdik qyzmetinde, onyń ishinde 5 jyldan astam basqarýshy laýazymdarda jumys istedi.
2019 jyldyń qyrkúıeginen 2023 jyldyń shildesine deıin Qazaqstan Respýblıkasy Kólik mınıstrliginiń Azamattyq avıatsııa komıteti avıatsııalyq qaýipsizdik basqarmasynyń basshysy boldy.
2023 jyldyń shildesinen 2024 jyldyń aqpanyna deıin «Qazaqstannyń avıatsııalyq ákimshiligi» AQ avıatsııalyq qaýipsizdik departamentiniń avıatsııalyq ınspektory bolyp jumys istedi.
Mádenıet jáne aqparat mınıstriniń buıryǵymen Gúlbara Beketqyzy Sultanova Azamattyq qoǵam isteri komıtetiniń tóraǵasy bolyp taǵaıyndaldy.
Gúlbara Sultanova 1967 jyly Qostanaı oblysynda dúnıege kelgen. KSRO-nyń 50 jyldyǵy atyndaǵy Qostanaı pedagogıkalyq ınstıtýtyn, Qostanaı áleýmettik-tehnıkalyq ýnıversıtetin bitirgen.
1992-2000 jyldary — Qostanaı oblysyndaǵy orta mektepterde bastaýysh synyp muǵalimi.
2000-2001 jyldary — Qostanaı q. №3 orta mektebiniń muǵalimi.
2002-2006 jyldary — Qostanaı oblysy ishki saıasat departamentiniń bóliminde bas maman.
2006-2014 jyldary — Qostanaı oblysy ákimdigi ishki saıasat departamentiniń bólim bastyǵy, basshysy.
2014 jyly QR Mádenıet jáne sport mınıstrligi uıymdastyrý jumysy basqarmasynyń sarapshysy bolyp qyzmet etti.
2014-2016 jyldary — QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetinde basqarma basshysy.
2016-2018 jyldary — QR Din isteri mınıstrligi Azamattyq qoǵam isteri komıtetiniń azamattyq qoǵam ınstıtýttarymen ózara is-qımyl basqarmasynyń basshysy.
2018-2023 jyldary — QR Aqparat jáne qoǵamdyq damý mınıstrligi Azamattyq qoǵam isteri komıteti tóraǵasynyń orynbasary.
2023 jyldan bastap qazirgi ýaqytqa deıin QR Mádenıet jáne aqparat mınıstrligi Azamattyq qoǵam isteri komıteti tóraǵasynyń orynbasary qyzmetin atqardy.
Astana qalasy Esil aýdanynyń ákimi qyzmetin atqarǵan Asylbek Esenbaev búgin Aqtóbe oblysy ákiminiń orynbasary bolyp taǵaıyndaldy.
Ol 1977 jyly Aqtóbe oblysynda dúnıege kelgen. 1998 jyly – Qazaq memlekettik basqarý akademııasyn bitirgen. Saıası ǵylymdar kandıdaty.
Eńbek jolyn 2001 jyly «Qazaqstannyń damý ınstıtýty» jaýapkershiligi shekteýli seriktestiginiń ǵylymı qyzmetkeri bolyp bastap, «Strategııa» taldaý ortalyǵynyń sarapshysy, dırektorynyń orynbasary, «KEGOC» AAQ «Sarbaı júıearalyq elektr jelileri» fılıalynyń ekinshi sanattaǵy esepshisi, «Transstroı» korporatsııasy» AAQ Qazaqstandyq fılıalynyń ekonomısti, bas ekonomısti bolyp jumys istedi.
2005-2008 jyldary QR Prezıdenti Ákimshiliginiń áleýmettik-saıası bóliminiń bas mamany, QR Memlekettik hatshysy hatshylyǵynyń bas sarapshysy, QR Qaýipsizdik Keńesiniń Ahýaldyq ortalyǵynyń bas sarapshysy boldy.
2008-2009 jyldary QR Tuńǵysh Prezıdentiniń Qory janyndaǵy Álemdik ekonomıka jáne saıasat ınstıtýty men Qazaqstan-Reseı ýnıversıteti dırektorynyń orynbasary qyzmetin atqardy.
2009-2021 jyldary Astana qalasy ákimi apparatynyń bólim meńgerýshisi, Astana qalasy ákiminiń keńesshisi, kómekshisi, QR Qorǵanys mınıstriniń keńesshisi, QR Premer-
Mınıstri orynbasarynyń kómekshisi, QR Reseı Federatsııasyndaǵy Elshiliginiń keńesshisi, Nur-Sultan qalasynyń qurylys jáne turǵyn úı saıasaty, Nur-Sultan qalasynyń turǵyn úı jáne turǵyn úı ınspektsııasy basqarmalarynyń basshysy boldy.
2021-2022 jyldary «Rýhanı jańǵyrý» qazaqstandyq qoǵamdyq damý ınstıtýty» KEAQ basqarma tóraǵasy qyzmetterin atqarǵan.
2022 jyldyń aqpan aıynan bastap Astana qalasynyń «Esil» aýdanynyń ákimi qyzmetin atqaryp keldi.
Al Ardaq Temirhanuly Zebeshev Qyzylorda oblysy ákiminiń orynbasary laýazymyna taǵaıyndaldy.
Ardaq Zebeshev 1981 jyly Shymkent qalasynda dúnıege kelgen. M.Áýezov atyndaǵy Ońtústik Qazaqstan ýnıversıtetin «Halyqaralyq qatynastar», Qaztutynýodaǵy Qaraǵandy ýnıversıtetin «Ekonomıka» mamandyǵy boıynsha bitirgen.
«Bolashaq» baǵdarlamasynyń túlegi. London Koroldik kolledji men Anglııa Bıznes mektebin aıaqtap, memlekettik saıasat jáne qyzmetterdi basqarý, iskerlik ákimshilendirý salasynyń magıstri atanǵan.
Eńbek jolyn 2003 jyly Shymkent qalasynyń eńbek jáne áleýmettik qorǵaý basqarmasynyń bas mamany bolyp bastap, ár jyldary QR Aýyl sharýashylyǵy mınıstrligi Syrtqy baılanystar jáne ınvestıtsııalar basqarmasynyń jaýapty laýazymdarynda jumys istegen.
2006-2010 jyldary Qazaqstannyń Ózbekstan Respýblıkasyndaǵy Elshiliginiń úshinshi hatshysy, Syrtqy ister mınıstrliginiń Memlekettik protokol qyzmetiniń úshinshi jáne ekinshi hatshysy bolǵan.
2010-2019 jyldary QR Premer-mınıstri Keńsesiniń syrtqy baılanystar jáne protokol bóliminiń bas sarapshysy, sektor meńgerýshisi, «Samuryq-Qazyna Invest» JShS Halyqaralyq qatynastar departamentiniń dırektory, «Samuryq-Qazyna» Ulttyq ál-aýqat qory» basqarma tóraǵasy hatshylyǵynyń basshysy, QR Premer-mınıstri orynbasarynyń keńesshisi qyzmetterin abyroımen atqarǵan.
2019-2021 jyldary Syrtqy ister mınıstrligi Investıtsııa komıtetiniń Investıtsııalyq jobalardy súıemeldeý jáne iske asyrý basqarmasynyń basshysy, Komıtet tóraǵasynyń orynbasary laýazymdarynda nátıjeli qyzmet kórsetti. 2021 jyldyń qyrkúıek aıynan osy kezge deıin Syrtqy ister mınıstrligi Investıtsııa komıtetiniń tóraǵasy qyzmetin atqaryp keldi.
Ulttyq statıstıka bıýrosynyń Mańǵystaý oblysy boıynsha departamentine Altynshash Islamova basshy bolyp taǵaıyndaldy.
Alǵashqy eńbek jolyn 1994 jyly Mańǵystaý oblysy Statıstıka basqarmasynda halyqtyń ómir súrý deńgeıin zertteý tobynyń ekonomısi bolyp bastady. Keıin áleýmettik-demografııalyq, eńbek jáne jumyspen qamtý statıstıkasy bóliminiń bas mamany bolyp qyzmet etti.
Ol 2003-2004 jyldary Mańǵystaý oblysy Aqparattyq statıstıka ortalyǵynda, 2005-2011 jyldary ónerkásip statıstıkasy bóliminde ár túrli qyzmet atqarǵan. Al 2011-2018 jyldary
Mańǵystaý oblysy Statıstıka departamentiniń Investıtsııalar jáne qurylys statıstıkasy basqarmasynyń basshysy bolsa, 2018 jyldan bastap búginge deıin strategııalyq josparlaý jáne reformalar agenttigi Ulttyq statıstıka bıýrosynyń Mańǵystaý oblysy boıynsha departamenti basshysynyń orynbasary laýazymynda qyzmet etti.
Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıtetiniń Qyzylorda oblystyq aýmaqtyq ınspektsııa basshysy qyzmetine Muhtar Orazbaev taǵaıyndaldy.
Muhtar Áýesuly Orazbaev 1971 jyly Aral aýdanynda dúnıege kelgen. Batys Qazaqstan aýyl sharýashylyǵy ınstıtýtyn «Aýyl sharýashylyǵyn mehanızatsııalaý» mamandyǵy boıynsha bitirgen.
Eńbek jolyn 1997 jyly «Aralbalyq óndirisi» aktsıonerlik qoǵamy avtoparkiniń mehanıgi bolyp bastaǵan. 2000-2012 jyldary Aral aýdany ákimi apparatynyń jetekshi mamany, bas mamany, bólim basshysy, apparat basshysy laýazymdarynda abyroıly qyzmet atqarǵan. 2012-2021 jyldary Aral aýdany ákiminiń orynbasary, aýdan ákimi boldy.
2021 jyldyń mamyr aıynan osy kezge deıin Qazaly aýdanynyń ákimi qyzmetin atqaryp keldi.
Aqtóbe oblystyq Jastar saıasaty máseleleri basqarmasyna Mırhan Ermaǵanbetov taǵaıyndaldy.
Ol 1991 jyly Hromtaý aýdanynda dúnıege kelgen. 2012 jyly Qudaıbergen Jubanov atyndaǵy Aqtóbe memlekettik ýnıversıtetin, 2023 jyly Qazaqstan Respýblıkasy Prezıdentiniń janyndaǵy memlekettik basqarý akademııasyn támamdaǵan.
Eńbek jolyn 2012 jyly Aqtóbe oblystyq tarıhı ólketaný mýzeıiniń ǵylymı qyzmetkeri bolyp bastap, «Nur Otan» partııasynyń «Jas Otan» jastar qanaty Aqtóbe oblystyq fılıalynyń atqarýshy hatshysy, Qazaq ınjenerlik-tehnıkalyq akademııasynyń Tilderdi damytý ortalyǵynyń dırektory bolyp jasaǵan.
2015-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń sarapshysy, Din isteri jáne azamattyq qoǵam mınıstrliginiń jastar saıasaty departamentiniń bas sarapshysy, Qoǵamdyq damý mınıstrligi Jastar jáne otbasy isteri komıtetiniń bas sarapshysy, Aqparat jáne qoǵamdyq damý mınıstrligi Jastar jáne otbasy isteri komıtetiniń bas sarapshysy qyzmetterin atqarǵan.
2019-2020 jyldary Aqtóbe oblysy ákimi apparatynyń personaldy basqarýdyń biryńǵaı qyzmetiniń basshysy bolyp jasaǵan.
2020 jyldyń qyrkúıek aıynan bastap Alǵa aýdany ákiminiń orynbasary qyzmetin atqaryp keldi.
Soltústik Qazaqstan oblysy ákiminiń ókimimen Murat Abdýlov Ýálıhanov aýdanynyń ákimi bolyp taǵaıyndaldy.
Murat Abdýlov 1976 jyly Kókshetaý oblysy Qyzyltý aýdany Qyzyltý kentinde dúnıege kelgen.
Kókshetaý ýnıversıtetin 2006 jyly «Qarjy jáne nesıe» mamandyǵy boıynsha aıaqtaǵan.
Eńbek jolyn 1994 jyly Ýálıhanov aýdanynyń eńbek jáne turǵyndardy áleýmettik jumyspen qamtý bóliminiń zeınetaqy qorynyń ınspektory bolyp bastady.
1996-1997 jyldar aralyǵynda Qyzyltý aýdany Qyzyltý kentindegi «Kazselhoztehnıka» AQ programmıst, bas esepshisi, saýda bóliminiń basshysy bolyp eńbek etti.
1997-1999 jyldary «Bıznes tsentr-Kokshe» JShS dırektory;
1999-2003 jyldary «Jan-97» JShS qarjy dırektory laýazymynda boldy.
2003-2004 jyldary SQO Ýálıhanov aýdany Zeınetaqy tóleý jónindegi memlekettik ortalyq aýdandyq fılıalynyń basshysy.
2004-2006 jyldary Ýálıhanov aýdany Kishkenekól aýylyndaǵy «Sarbasov» JK ekonomısi.
2006-2008 jyldary Aqjar aýdandyq poshta baılanysy torabynyń basshysy boldy.
2008-2009 jyldary «Nur Otan» HDP Aqjar aýdandyq fılıaly tóraǵasynyń birinshi orynbasary qyzmetinde eńbek etti.
2009-2016 jyldary Ýálıhanov aýdany Kishkenekól aýylynda «Abdýlov» JK basshysy boldy.
2016-2021 jyldar aralyǵynda Ýálıhanov aýdandyq poshta baılanysy torabynyń basshysy.
2021-2023 jyldary Ýálıhanov aýdandyq máslıhat hatshysy, al osy taǵaıyndaýǵa deıin Ýálıhanov aýdany máslıhatynyń tóraǵasy qyzmetin atqardy.
Sondaı-aq, osy oblystyń Qyzyljar aýdanyna Saqtaǵan Sádýaqasov ákim bolyp keldi.
Saqtaǵan Sádýaqasov 1981 jyly Aqmola oblysyndaǵy Tassýat aýylynda dúnıege kelgen.
Eńbek jolyn 2004 jyly Astana qalasy Іshki saıasat departamentiniń taldaý jáne monıtorıng bóliminiń mamany bolyp bastap, bul qyzmette 2009 jylǵa deıin jumys istedi.
2009 jyldan bastap QR Memlekettik qyzmet isteri agenttiginiń qurylymynda eńbek etti. Sondaı-aq ár jyldary Nur Otan partııasynyń ortalyq jáne qalalyq fılıalynda túrli laýazymdarda, onyń ishinde Nur Otan partııasy ortalyq apparatynyń qoǵamdyq qabyldaý bóliminiń meńgerýshisi bolyp eńbek etti.
2021 jyly Astanadaǵy Nur Otan partııasy fılıaly tóraǵasynyń birinshi orynbasary bolyp taǵaıyndaldy.
Keıin AMANAT partııasy Astana qalalyq fılıalynyń atqarýshy hatshysynyń orynbasary, al 2023 jyldyń maýsymynan osy taǵaıyndaýǵa deıin atqarýshy hatshysy bolyp eńbek etti.
Qyzylorda oblysy Qazaly aýdanynyń ákimi laýazymyna Shermaǵanbet Meırambek Zınabdınuly taǵaıyndaldy.
M. Shermaǵanbet 1972 jyly Jańaqorǵan aýdanynda dúnıege kelgen.
Eńbek jolyn 1994 jyly Jańaqorǵan aýdanyndaǵy №239 mekteptiń tarıh pániniń muǵalimi bolyp bastaǵan. 2001-2016 jyldary Jańaqorǵan aýdany ákimi apparatynyń basshysy, oblys ákimi apparaty basshysynyń orynbasary, oblystyq bilim berý, tilderdi damytý jónindegi basqarmalardyń basshysy, Qyzylorda oblysy boıynsha bilim salasyndaǵy baqylaý departamentiniń basshysy jaýapty qyzmetterin abyroımen atqarǵan.
2016-2021 jyldary Aqtóbe oblysy Qobda aýdanynyń ákimi, Aqtóbe oblysy ákiminiń orynbasary boldy.
2022-2023 jyldary Qyzylorda oblysynyń bilim basqarmasynyń basshysy, 2023 jyldyń shilde aıynan bastap Qyzylorda oblysy ákiminiń orynbasary qyzmetin atqardy.
Abaı oblysy Maqanshy aýdanyna Qoıgeldın Dáýren Baqytjanuly ákim bolyp taǵaıyndaldy.
Dáýren Baqytjanuly 1984 jylǵy 23 qyrkúıekte Almaty qalasynda dúnıege kelgen.
Ár jyldary Kókpekti aýdandyq máslıhatynyń apparatynda túrli laýazymdarda boldy. 2011 jyldan bastap 2018 jylǵa deıin Q.Aýhadıev atyndaǵy aýyldyq okrýginiń ákimi bolyp jumys istegen.
Qazirgi laýazymǵa deıin Kókpekti aýdany ákiminiń orynbasary boldy.
Qonaev qalasy Jer qatynastary bóliminiń basshysy laýazymyna Isahan Talǵat Erlanbekuly taǵaıyndaldy.
Talǵat Isahan 1994 jyly Almaty oblysy Balqash aýdanynda dúnıege kelgen.
Eńbek jolyn 2013 jyly Almaty oblystyq jer qatynastary basqarmasynyń ınspektory bolyp bastaǵan. Ár jyldary osy basqarmada bólimniń jetekshi maman, bas mamany, qazynashylyq departamentinde bas maman, Almaty oblystyq medıtsınalyq jáne farmatsevtıkalyq baqylaý departamentinde bólimniń bas mamany bolyp qyzmet atqarǵan. Buǵan deıin Almaty oblystyq jer qatynastary basqarmasynda bólim basshysy bolǵan.
