Elimizde apta ishinde bolǵan kadrlyq taǵaıyndaýlar
ASTANA. KAZINFORM – Ótken aptada elimizde birqatar kadrlyq aýys-túıis boldy.
Apta basynda Almaty ákimi Darhan Satybaldynyń ókimimen qala ákimi apparatynyń basshysy qyzmetine Erlan Isabekov taǵaıyndaldy.
Erlan Shoıuly Isabekov ál-Farabı atyndaǵy Qazaq ulttyq ýnıversıtetin, «Bolashaq» baǵdarlamasymen Djordjtaýn ýnıversıtetin (AQSh) bitirgen. Qoldanbaly matematıka jáne ekonomıka mamandyqtary boıynsha magıstr dárejesi bar.
Eńbek jolyn Almaty qalasyndaǵy № 131 mektep-lıtseıinde matematıka pániniń muǵalimi bolyp bastaǵan.
2000-2002 jyldary Memlekettik kirister mınıstrliginde qyzmet atqardy. 2002-2008 jyldary Qarjy mınıstrliginiń Kedendik baqylaý komıtetinde jumys istedi.
2008-2009 jyldary Premer-Mınıstrdiń kensesinde qyzmet atqardy.
2009-2015 jyldary Respýblıkalyq bıýdjettiń atqarylýyn baqylaý jónindegi Esep komıtetinde basshylyq laýazymdarda qyzmet etti.
2015-2018 jyldary Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń ınspektory qyzmetin atqardy.
2018-2023 jyldary Aqmola oblysy Egindikól aýdanynyń jáne Jetisý oblysy Qaratal aýdanynyń ákimi boldy.
Osy taǵaıyndaýǵa deıin Prezıdent Ákimshiligi Memlekettik baqylaý bóliminiń memlekettik ınspektory bolyp jumys istegen.
Qazaqstan Úkimetiniń qaýlysymen Vıktorııa Vılgelmovna Shegaı Eńbek jáne halyqty áleýmettik qorǵaý vıtse-mınıstri bolyp taǵaıyndaldy.
1981 jyly Shymkent qalasynda dúnıege kelgen. Qoja Ahmet ıAsaýı atyndaǵy Halyqaralyq qazaq-túrik ýnıversıtetin, Mıras ýnıversıtetin, Q.I.Sátpaev atyndaǵy Qazaq ulttyq tehnıkalyq zertteý ýnıversıtetin bitirgen.
Eńbek jolyn 2004 jyly Almaty qalasy «Memlekettik jınaqtaýshy zeınetaqy qory» JAQ esep aıyrysý operatsııalary bóliminiń jetekshi mamany bolyp bastady.
2004–2017 jyldary «Memlekettik jınaqtaýshy zeınetaqy qory» JAQ, «Memlekettik jınaqtaýshy zeınetaqy qory» AQ, «BJZQ» AQ-da jetekshi mamannan departament dırektoryna deıin túrli laýazymdy qyzmet atqardy.
2017–2018 jyldary — «Memlekettik áleýmettik saqtandyrý qory» AQ shtattan tys qyzmetkeri.
2018–2022 jyldary — QR Eńbek jáne halyqty áleýmettik qorǵaý mınıstrligi Áleýmettik saqtandyrý, bazalyq áleýmettik jáne zeınetaqymen qamsyzdandyrý saıasaty departamentiniń basqarma basshysy, dırektory.
2022–2023 jyldary — Qazaqstan Respýblıkasy Eńbek jáne halyqty áleýmettik qorǵaý mınıstrligi «Eńbekti qorǵaý jónindegi respýblıkalyq ǵylymı-zertteý ınstıtýty» ShJQ RMK-nyń aǵa ǵylymı qyzmetkeri, retteý saıasaty sektorynyń basshysy.
2023 jylǵy jeltoqsannan bastap qazirgi ýaqytqa deıin QR Eńbek jáne halyqty áleýmettik qorǵaý mınıstrligi Áleýmettik qamsyzdandyrý jáne áleýmettik saqtandyrý departamentiniń dırektory qyzmetin atqardy.
Qazaqstan Respýblıkasy Úkimetiniń qaýlysymen Nurlan Aldamjarov Sý resýrstary jáne ırrıgatsııa birinshi vıtse-mınıstri bolyp taǵaıyndaldy.
Nurlan Januzaquly 1975 jyly Tashkent qalasynda dúnıege kelgen.
Tashkent ınjenerlik ırrıgatsııa jáne aýyl sharýashylyǵyn mehanızatsııalaý ınstıtýtyn bitirgen.
Eńbek jolyn 1999 jyly «Tashoblmelıovodstroı» trestiniń №5 mehanıkalandyrylǵan óndiristik kolonnasynyń 4 razrıadty montajdaýshy, sheberi bolyp bastaǵan.
2002 – 2008 jyldary Tashkent jáne Shymkent qalalarynyń kommýnaldyq kásiporyndarynda túrli qyzmet atqarǵan.
2008 – 2012 jyldary — Ońtústik Qazaqstan oblysynyń Tabıǵı resýrstar jáne tabıǵatty paıdalanýdy retteý basqarmasy sý resýrstaryn retteý jáne qorǵaý bóliminiń jetekshi mamanynyń mindetin atqarýshy, jetekshi mamany, bas mamany.
2012 – 2014 jyldary — Ońtústik Qazaqstan oblysynyń Energetıka jáne turǵyn úı-kommýnaldyq sharýashylyq basqarmasy Aýyz sýmen qamtamasyz etý bóliminiń bas mamany, basshysy, basqarma basshysynyń orynbasary.
2015 jyly OQO TKSh jáne jolaýshylar kóligi basqarmasynyń basshysy bolyp taǵaıyndaldy.
2015 – 2016 jyldary — «Nur Otan» partııasy ortalyq apparatynyń Uıymdastyrý-baqylaý jumysy departamenti dırektorynyń orynbasary, Partııalyq baqylaý qyzmetiniń basshysy.
2016 jyly QR AShM Sý resýrstary komıteti «Qazsýshar» RMK-nyń gıdrotehnıkalyq qurylys bóliminiń jetekshi mamany boldy.
2016 – 2018 jyldary — QR AShM Sý resýrstary komıteti tóraǵasynyń orynbasary.
2018 – 2020 jyldary — Jambyl oblysy ákimdigi Energetıka jáne TKSh basqarmasynyń basshysy.
2020 – 2023 jyldary — QR Ekologııa, geologııa jáne tabıǵı resýrstar mınıstrligi Sý resýrstary komıtetiniń tóraǵasy.
2023 jyldyń qazan aıynan bastap qazirgi ýaqytqa deıin QR Sý resýrstary jáne ırrıgatsııa vıtse-mınıstri qyzmetin atqardy.
Qazaqstan Úkimetiniń qaýlysymen Asqarbek Ertaev Eńbek jáne halyqty áleýmettik qorǵaý birinshi vıtse-mınıstri qyzmetine taǵaıyndaldy.
1977 jyly Aqtóbe qalasynda dúnıege kelgen. Q.Jubanov atyndaǵy Aqtóbe memlekettik ýnıversıtetin, «Nur» Aqtóbe menedjment, bıznes jáne quqyq ınstıtýtyn bitirgen.
Eńbek jolyn 1997 jyly Aqtóbe oblysy Muǵaljar aýdany ákiminiń apparatynda maman bolyp bastaǵan.
2000 – 2014 jyldary bank salasynda jumys istedi.
2014 jyly — QR Ekonomıka jáne bıýdjettik josparlaý mınıstrligi Saýda komıteti bas sarapshysynyń mindetin atqarýshy.
2014 – 2021 jyldary — QR Ulttyq ekonomıka mınıstrliginiń bas sarapshysy, basqarma basshysy, departament dırektorynyń orynbasary, departament dırektory.
2021 – 2022 jyldary — QR Prezıdenti Ákimshiligi Qaýipsizdik Keńesiniń Taldaý bóliminde sektor meńgerýshisi.
2022 – 2023 jyldary — QR Premer-mınıstri Keńsesiniń, QR Úkimeti Apparaty ekonomıkalyq bóliminiń meńgerýshisi.
2023 – 2024 jyldary — QR Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy.
2024 – 2025 jyldary — QR Eńbek jáne halyqty áleýmettik qorǵaý vıtse-mınıstri.
Jýrnalıstıka salasynda uzaq jyldyq tájirıbesi bar Ýálı Qydyr «Turkistan Media Holding» jaýapkershiligi shekteýli seriktestiginiń bas dırektory bolyp taǵaıyndaldy.
Ýálı Qydyr 1975 jyly Túrkistan oblysy Otyrar aýdanynda dúnıege kelgen. Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin bitirgen.
Eńbek jolyn «Zań» basylymdarynda redaktor bolyp bastady. 2001 jyly QR Joǵarǵy sotynyń baspasóz qyzmetinde jumys istedi. 2002–2009 jyldary respýblıkalyq «Zań» gazetinde tilshi, bólim redaktory qyzmetterin atqardy. Budan keıin «Nur-Astana» gazetiniń Almatydaǵy bólimin basqardy, sondaı-aq «Qazaq gazetteri» JShS bas dırektorynyń orynbasary boldy.
2012 jyly – «Qazaq radıosy» dırektorynyń orynbasary, 2013 jyly – «Qazaqstan-Shymkent» telearnasynyń dırektory qyzmetin atqardy. Al 2024 jyldan beri «Shymkent aqparat ortalyǵy» JShS dırektory laýazymynda boldy.
Aıta keteıik, osyǵan deıin «Turkistan Media Holding» JShS-ne jetekshilik etken Janahmet Aǵybaev óz ótinishi boıynsha qyzmetinen bosatyldy.
«Qazposhta» aktsıonerlik qoǵamynyń basqarma tóraǵasy bolyp Bekejan Jakeev taǵaıyndaldy.
Bekejan Iskandaruly Jakeev «Ádilet» Joǵary quqyq mektebi janyndaǵy Zań akademııasyn «Quqyqtaný» mamandyǵy boıynsha, sondaı-aq Astana qalasyndaǵy Eýrazııalyq gýmanıtarlyq ınstıtýtty «Ekonomıka jáne bıznes bakalavry» mamandyǵy boıynsha támamdaǵan.
Buǵan deıin ol «Halyqaralyq jasyl tehnologııalar jáne ınvestıtsııalyq jobalar ortalyǵy» kommertsııalyq emes aktsıonerlik qoǵamy basqarma tóraǵasynyń orynbasary qyzmetin atqarǵan.
German Nurbaev TMD Ekonomıkalyq sotynyń tóraǵasy bolyp saılandy.
Aıta keteıik, Ekonomıkalyq sot – TMD-nyń jarǵylyq organy, óz qyzmetin ad hoc formatynda naqty isterdi qaraý boıynsha júzege asyratyn turaqty jumys isteıtin halyqaralyq sot organy.
Sot TMD-ǵa qatysýshy memleketterdiń ózderiniń ekonomıkalyq mindettemelerin oryndaýyn qamtamasyz etýge shaqyrylǵan jáne TMD-ǵa qatysýshy memleketter arasyndaǵy daýlardy qaraý jáne Dostastyqtyń halyqaralyq quqyqtyq aktilerin túsindirý quzyretine ıe.
Sottyń ornalasqan orny - Mınsk qalasy, Belarýs Respýblıkasy.
Pavlodarlyq «Ertis» fýtbol komandasyn endi Rınat Alıýetov jattyqtyrady.
35 jastaǵy maman Qazaqstan Premer-lıgasynda «Jetisý», «Jeńis» jáne «Turan» klýbtaryn jattyqtyrǵan.
2023 jyly Birinshi lıgada «Elimaıdyń» bas bapkeri Samat Smaqovtyń kómekshisi boldy. Sol jyly semeılik komanda top jaryp, joǵarǵy dıvızıonǵa joldama aldy.
Sonymen qatar Óskemendegi «Altaı» fýtbol ortalyǵynda, «Jetisý» jastar quramasynda jáne 16 jasqa deıingi Qazaqstan jasóspirimder quramasyn jattyqtyryp, jas fýtbolshylarmen jumys istedi.
Ol buǵan deıin 2024 jyldyń jeltoqsan aıynda «Kaspıı» fýtbol komandasynyń bas bapkeri bolyp taǵaıyndalǵan. Biraq 2025 jyldyń qańtar aıynda aqtaýlyq klýbpen resmı bir oıyn ótkizbesten qosh aıtysty.
Qazaqstannyń sý sporty túrleri federatsııasynyń kezekten tys konferentsııasy barysynda uıymnyń bas hatshysy qyzmetine júzýden Olımpıada chempıony Dmıtrıı Balandın taǵaıyndaldy.
Sergeı Drozdovtyń bas hatshy retindegi ókilettigin merziminen buryn toqtatý týraly málimdemesinen keıin konferentsııa qatysýshylary Balandınniń kandıdatýrasyn biraýyzdan qoldady.
- Dmıtrıı Balandınniń taǵaıyndalýy – onyń sporttaǵy orasan zor jetistikteriniń moıyndalýy ǵana emes, sonymen qatar federatsııany jańǵyrtý men ınstıtýtsıonaldyq turǵydan nyǵaıtýdyń mańyzdy qadamy. Biz onyń kásibıligi men bedeli elimizdegi sý sporty túrleriniń damýyna úlken úles qosady dep senemiz, – dedi Federatsııa prezıdenti Nurlan Jaqypov.
Dmıtrıı Balandın – Qazaqstan Respýblıkasynyń eńbek sińirgen sport sheberi, 2016 jylǵy Olımpıada chempıony, Azııa oıyndary men halyqaralyq týrnırlerdiń birneshe dúrkin jeńimpazy. 2021 jyldan bastap ol júzýden Qazaqstan ulttyq quramasynda jattyqtyrýshy jáne keńesshi retinde belsendi jumys istep keledi.