Elimizde apta ishinde bolǵan kadrlyq taǵaıyndaýlar
ASTANA. KAZINFORM – Ótken aptada elimizde birqatar kadrlyq aýys-túıik boldy.
22 qańtarda Qyzylorda oblysynyń tabıǵı resýrstar basqarmasyna jańa basshy taǵaıyndaldy. Basqarma basshysy qyzmetine Serik Sermaǵambetov keldi.
S. Sermaǵambetov 1965 jyly Qazaly aýdanynda dúnıege kelgen.
Almaty halyq sharýashylyǵy ınstıtýtyn ekonomıst, Eýrazııa ulttyq ýnıversıtetin zańger mamandyqtary boıynsha bitirgen.
Eńbek jolyn 1988 jyly Balyq sharýashylyǵy mınıstrligi materıaldyq-tehnıkalyq jabdyqtaý ortalyq bazasynyń aǵa ekonomısi bolyp bastaǵan.
2005-2011 jyldary Qyzylorda qalasy ákimi apparatynyń basshysy, Shıeli aýdany ákiminiń orynbasary, Qyzylorda oblysynyń kásipkerlik jáne ónerkásip basqarmasynyń bastyǵy laýazymdarynda qyzmet etti.
2011-2016 jyldary Jalaǵash aýdanynyń ákimi, «Baıqońyr» áleýmettik-kásipkerlik korporatsııasy» ulttyq kompanııasy» aktsıonerlik qoǵamy basqarma tóraǵasynyń orynbasary, Qyzylorda oblysynyń jumyldyrý daıyndyǵy basqarmasynyń basshysy, «Qyzylorda oblystyq kásipodaqtar ortalyǵy» aýmaqtyq kásipodaqtar birlestiginiń tóraǵasy qyzmetterin atqarǵan.
2021 jyldyń mamyr aıynan osy kezge deıin Aral aýdanynyń ákimi qyzmetinde boldy.
Sol kúni NCOC kompanııasynyń basshylyǵy aýysatyny aıtyldy.
2024 jylǵy naýryzda Djankarlo Rýıý myrza NCOC kompanııasynyń jańa basshysy retinde Olıve Lazar myrzadan basqarýshy dırektor mindetin qabyldaıdy.
Olıve Lazar myrza NCOC kompanııasyna 2021 jylǵy maýsymda qurlyq jáne teńiz jobalary sheńberinde geologııalyq barlaý, munaı óndirisi jáne gaz salasynda jınaqtaǵan mol tájirıbesimen kelgen.
Lazar myrza Shell kompanııasynda 35 jyldan astam qyzmet atqarǵan. Sońǵy 6,5 jyl Qazaqstanda eńbek etip, eldiń energetıkalyq sektoryn jáne onyń áleýetin tereń túsinetinin kórsetti.
Olıve myrzanyń basshylyq etýimen NCOC kompanııasynda Soltústik Kaspıı jobasyna da, sondaı-aq Qazaqstan Respýblıkasyna da óte mańyzdy gaz jobalary boıynsha negizgi sheshimderdi qamtamasyz etetin keńeıý jobalary ázirlendi.
Ekinshi josparly-aldyn alý maqsatyndaǵy jóndeý jumystarynyń tabysty oryndalǵany rekordtyq deńgeılerge senimdi jetýge múmkindik berip, Qashaǵanda munaı óndirý qaıta bastalǵan kezden bastap munaı óndirýdiń jıyntyq kólemi 100 mln tonnadan asty.
Al, jaqynda iske qosylǵan sarqyndy sý tazartý qondyrǵysy óndiristiń qorshaǵan ortaǵa áserin azaıtýǵa múmkindik beredi.
Sonymen qatar, kompanııa sheteldik mamandardy qazaqstandyq kadrlarmen almastyrý jáne jergilikti qamtý salalarynda rekordtyq kórsetkishterge jetti jáne Atyraý oblysynyń Maqat aýdany men Mańǵystaý oblysynyń Túpqaraǵan aýdanyna erekshe kóńil aýdara otyryp, birqatar mańyzdy áleýmettik jobalardy júzege asyrdy.
Djankarlo Rýıý myrza Qazaqstanda jáne shet elderde munaı jáne gaz ken oryndaryn basqarý strategııasy boıynsha mol tájirıbe jınaqtady.
Osy qyzmetke deıin ol óndiristiń, ken oryndaryn barlaýdyń, ıgerýdiń jáne paıdalanýdyń, sondaı-aq bıznesti damytýdyń tolyq barysyn qamtıtyn jaýapty laýazymdardy atqarǵan.
Ol sońǵy qyzmeti boıynsha «Qarashyǵanaq Petroleým Opereıtıng B.V.» kompanııasynyń bas dırektory laýazymynda eńbek etedi, onyń aldynda Ábý-Dabıde Eni/ADNOC birlesken kásipornynyń qurlyq baǵdarlamasyn basqardy.
Ganada Eni basqarýshy dırektory jáne Qashaǵan ken ornyn ıgerýdiń І kezeńiniń dırektory boldy.
Apta basynda Rzabek Meńdiqulov Shymkent energetıka basqarmasynyń basshysy bolyp taǵaıyndaldy.
Rzabek Baltabekuly 1988 jyly Mańǵystaý oblysy Aqtaý qalasynda dúnıege kelgen.
M. V. Lomonosov atyndaǵy Máskeý memlekettik akademııasyn bitirgen.
Mamandyǵy boıynsha biliktiligi — hımııalyq tehnologııa men bıotehnologııa.
2011-2014 jyldary Máskeý qalasyndaǵy munaı kompanııalarynda jaýapty qyzmetter atqarǵan.
Energetıka mınıstrliginde basqarma basshysy, Prezıdent Ákimshiligi áleýmettik-ekonomıkalyq monıtorıng bóliminiń konsýltanty, memlekettik baqylaý jáne aýmaqtyq-uıymdastyrý bóliminiń ınspektory, Prezıdent Ákimshiliginiń memlekettik ınspektory qyzmetterin atqarǵan.
Al 2023 jyldyń 14 qarashasynan búginge deıin «Qýatjylýortalyq-3» memlekettik kommýnaldyq kásiporynynyń dırektory qyzmetin atqaryp keldi.
Dúısenbi kúni Baýyrjan Oryntaev Shymkent qalalyq mádenıet, tilderdi damytý jáne arhıvter basqarmasyna basshy boldy.
Baýyrjan Orynbasaruly 1989 jyly 21 qańtarda Sozaq aýdany, Jartytóbe aýylynda týǵan. M. Áýezov atyndaǵy Ońtústik Qazaqstan memlekettik ýnıversıtetin jáne Aımaqtyq áleýmettik-ınnovatsııalyq ýnıversıtetin bitirgen. Mamandyǵy boıynsha biliktiligi — jerge ornalastyrý, memlekettik jáne jergilikti basqarý.
2011-2022 jyldary Sozaq aýdandyq jer qatynastary bóliminiń bas mamany, Sozaq aýdan ákimi apparatynyń bas ınspektory, bólim basshysy, Sozaq aýdany ákimdiginiń jer qatynastary bóliminiń basshysy laýazymdarynda qyzmet atqardy.
2022-2023 jyldary «Shymkent qalalyq mádenıet, tilderdi damytý jáne arhıvter basqarmasy» memlekettik mekemesinde mádenıet jáne tarıhı-mádenı murany saqtaý bóliminiń bólim basshysy jáne Shymkent qalasy ákiminiń kómekshisi bolyp eńbek etti.
07.12.2023 jyldan bastap búginge deıin «Shymkent qalalyq mádenıet, tilderdi damytý jáne arhıvter basqarmasy» memlekettik mekemesinde mádenıet jáne tarıhı-mádenı murany saqtaý bóliminiń basshysy laýazymynda qyzmette boldy.
22 qańtarda Asqar Mustabekov Ulttyq qorǵanys ýnıversıtetiniń bastyǵy boldy.
«Memleket basshysynyń ókimimen Asqar Dosbosynuly Mustabekov Qazaqstan Respýblıkasy Ulttyq qorǵanys ýnıversıtetiniń bastyǵy laýazymyna taǵaıyndaldy», — dep jazdy Aqordanyń resmı saıty.
Apta basyndaǵy taǵy bir taǵaıyndaý Qyzylorda oblysy Aral aýdanynyń ákimi laýazymyna Amanjol Ońǵarbaev taǵaıyndaldy.
A.Ońǵarbaev 1968 jyly Aral aýdanynda dúnıege kelgen. Qorqyt ata atyndaǵy Qyzylorda pedagogıkalyq ınstıtýtyn «Qazaq tili men ádebıeti», «Bolashaq» ýnıversıtetin «Qarjy jáne nesıe», Qazaq gýmanıtarlyq Zań ýnıversıtetin «Zańtaný» mamandyqtary boıynsha bitirgen.
Fılologııa ǵylymdarynyń kandıdaty.
Eńbek jolyn 1986 jyly qarapaıym jumysshy bolyp bastaǵan. 1993-2000 jyldary oblystyq til basqarmasynyń birinshi kategorııaly mamany, Ult saıasaty jónindegi oblystyq komıtettiń jetekshi mamany, oblystyq «Aqmeshit aptalyǵy» gazeti bas redaktorynyń orynbasary laýazymdarynda eńbek etti.
2000-2010 jyldary «ASÝ» baspa úıi» jaýapkershiligi shekteýli seriktestiginiń bas dırektory, «Halyq» gazetiniń bas redaktory, dırektory qyzmetterin atqarǵan.
2010 jyldan beri «Syr medıa» jaýapkershiligi shekteýli seriktestiginiń bas dırektory qyzmetin atqaryp keldi. Qyzylorda oblystyq máslıhatynyń V, VII, VIII shaqyrylymdarynyń depýtaty retinde óńirdiń jáne osy aýdannyń ózekti máselelerin kóterip, sheshilýine atsalysty.
Ótken aptanyń alǵashqy kúni Kúnsulý Zakarııa jańa qyzmetke taǵaıyndaldy.
«Memleket basshysynyń ókimimen Kúnsulý Daltonqyzy Zakarııa Qazaqstan Respýblıkasy Prezıdentiniń ǵylym jáne ınnovatsııalar máseleleri jónindegi keńesshisi bolyp taǵaıyndaldy, ol burynǵy atqarǵan laýazymynan bosatyldy», — dep jazylǵan Aqordanyń resmı saıtynda.
Aıta keteıik, Kúnsulý Daltonqyzy ál-Farabı atyndaǵy ǵylym jáne tehnıka salasyndaǵy Memlekettik syılyqtyń laýreaty, Jaratylystaný ǵylymdary akademııasynyń múshesi, Reseı Jaratylystaný akademııasynyń korrespondent-múshesi, SOVID-19 koronavırýs ınfektsııasyna qarsy QazCovid-in (QazVac) qazaqstandyq vaktsınasyn ázirleýge qatysqan.
«Bıoqaýipsizdik jáne bıotehnologııa» ǵylymı jýrnalynyń bas redaktory. 200-den astam ǵylymı jarııalanymnyń, 8 ǵylymı-ádistemelik quraldyń, 5 monografııanyń, 29 ónertabysqa beriletin patenttiń, onyń ishinde 2 halyqaralyq patenttiń, profılaktıkalyq jáne dıagnostıkalyq preparattar óndirisi boıynsha 7 normatıvtik-tehnıkalyq qujattyń avtory.
2022 jyldyń 22 tamyzynan 2023 jyldyń sáýirine deıin «QazBioPharm» Ulttyq holdıngi» AQ bas dırektorynyń laýazymyn atqardy. Oǵan deıin QR DSM «Bıologııalyq qaýipsizdik problemasyn ǵylymı-zertteý ınstıtýty» RMK bas dırektory bolǵan.
Kúnsulý Zakarııa jańa qyzmetine deıin Prezıdent janyndaǵy Qazaqstan Respýblıkasynyń Ulttyq ǵylym akademııasynyń prezıdenti qyzmetin atqardy.
22 qańtarda Aqylbek Kúrishbaev QR Ulttyq ǵylym akademııasynyń prezıdenti laýazymyna taǵaıyndaldy.
23 qańtarda Pavlodar oblysynyń densaýlyq saqtaý basqarmasyna jańa basshy taǵaıyndaldy.
Pavlodar oblysy ákiminiń ókimimen Buırashev Ánýar Qanashuly Pavlodar oblysynyń densaýlyq saqtaý basqarmasynyń basshysy bolyp taǵaıyndaldy.
Ánýar Qanashuly 1980 jyly týǵan, joǵary bilimdi. 2003 jyly Qazaq memlekettik medıtsına ýnıversıtetin «Dáriger» mamandyǵy boıynsha, 2011 jyly M. H. Dýlatı atyndaǵy Taraz memlekettik ýnıversıtetin «Ekonomıka bakalavry» mamandyǵy boıynsha, 2017 jyly «Menedjment» mamandyǵy boıynsha Qazaq ekonomıka, qarjy jáne halyqaralyq saýda ýnıversıtetiniń magıstratýra baǵdarlamasyn támamdaǵan.
Eńbek jolyn 2005 jyly «B. Jarbýsynov atyndaǵy ýrologııalyq ǵylymı ortalyǵy» AQ sáýlelik dıagnostıka jáne rentgenendoýrologııa bólimshesiniń kishi ǵylymı qyzmetkeri retinde bastap, keıin atalǵan bólimsheniń basshysy qyzmetin atqardy.
2014-2017 jyldar aralyǵynda «Ulttyq onkologııa jáne trasplantologııa ǵylymı ortalyǵy» AQ basqarma tóraǵasynyń orynbasary, «B. Jarbýsynov atyndaǵy ýrologııalyq ǵylymı ortalyǵy» AQ basqarma tóraǵasynyń qarjy-ekonomıkalyq qyzmet jónindegi orynbasary bolyp qyzmet etti.
2017-2019 jyldary «Ulttyq onkologııa jáne trasplantologııa ǵylymı ortalyǵy» AQ basqarma tóraǵasynyń mindetin atqarýshy bolǵan.
2020-2022 jyldary Dáriger Orynbaevtyń medıtsınalyq ortalyǵynyń bas dárigeri, «Almaty qalasy qoǵamdyq densaýlyq saqtaý basqarmasy» MM basshysynyń orynbasary bolyp jumys istedi.
Bul laýazymǵa deıin Almaty qalasynyń № 32 qalalyq emhanasynyń bas dárigeri boldy.
Seısenbide Sarqytbaı Qusaıynov Jetisý oblysy Polıtsııa departamentiniń basshysy bolyp taǵaıyndaldy.
Polıtsııa polkovnıgi Qusaıynov 1973 jyldyń 22 qyrkúıeginde Almaty qalasynda dúnıege kelgen. Іshki ister organdarynda qyzmetin 1995 jyldan bastaǵan.
Eńbek jolyn jedel ýákilden bastaǵan ol ártúrli basshylyq laýazymdarda qyzmet atqarǵan. Osy ýaqytqa deıin QR ІІM Esirtki qylmysyna qarsy is-qımyl departamenti bastyǵynyń orynbasary boldy.
Esterińizge sala keteıik, Departamenttiń jeke quramy arasyndaǵy moraldyq-psıhologııalyq ahýaldy nyǵaıtý jáne oblys aýmaǵyndaǵy jedel jaǵdaıdyń turaqtylyǵyn saqtaý maqsatynda 2023 jyldyń 15 qarashasynan bastap QR Іshki ister mınıstriniń nusqaýymen óńir polıtsııasyn ýaqytsha Arman Sadanov basqardy.
Qazirgi ýaqytta polıtsııa general-maıory Arman Sadanov QR ІІM Ózindik qaýipsizdik departamentin basqarýda.
24 qańtarda Semeı qalasynyń prokýrory bolyp Azamat Ýálıev taǵaıyndaldy.
Azamat Ýálıev 1978 jyly dúnıege kelgen. Eńbek jolyn 2004 jyly Pavlodar oblysy Aqtoǵaı aýdany prokýrorynyń kómekshisi bolyp bastady.
Sonymen qatar Qazaqstan Respýblıkasy Bas prokýratýrasynyń kúshine engen úkimderdiń zańdylyǵyn jáne olardyń oryndalýyn qadaǵalaý qyzmetinde QR Bas prokýrorynyń aǵa kómekshisi bolyp jumys istegen.
Osy taǵaıyndaýǵa deıin Mańǵystaý oblysy prokýrorynyń orynbasary qyzmetin atqardy.
Quqyq qorǵaý organdarynda 20 jylǵa jýyq eńbek ótili bar.
25 qańtar kúni QazMunaıGazdyń enshiles kompanııasyna jańa basshy keldi.
Karaton Operating Ltd bas dırektory qyzmetine Arsen Baıharashev taǵaıyndaldy.
Arsen Baıharashev buǵan deıin «QazMunaıGaz» UK AQ munaı jáne gaz óndirý departamentiniń óndirý aktıvteri basqarmasynyń bastyǵy qyzmetin atqarǵan.
Arsen Baıharashev — joǵary bilimdi, 2011 jyly Londonda (Ulybrıtanııa) HULT American International University of Business ýnıversıtetin «bıznes ákimshilendirý jáne menedjment» mamandyǵy boıynsha bitirgen.
Eńbek jolyn 2011 jyly «QazMunaıGaz Barlaý-Óndirý» AQ, «Oral oıl end gaz» JShS, «QazMunaıGaz» UK AQ-da ártúrli qyzmetterden bastady.
«Karaton Operating Ltd» kompanııasy — QazMunaıGazdyń enshiles uıymy.
26 qańtarda Qalqaman Sarın «Geraldıkalyq zertteýler ortalyǵy» RMM dırektory bolyp taǵaıyndaldy.
Sarın Qalqaman Aıymǵazyuly 1998 jyly Evrazııa ulttyq ýnıversıtetin «Tarıh» mamandyǵy boıynsha támámdaǵan. 2014 jyly atalǵan oqý ornynyń gýmanıtarlyq ǵylymdar magıstri atanyp, 2020 jyly doktorantýrasyn aıaqtady.
1998-2008 jyldary QazUMA áleýmettik-gýmanıtarlyq pánder kafedrasynyń oqytýshysy.
2013-2015 jyldary «Astana» telearnasynda «Kesh emes» saıası-áleýmettik tok-shoýdyń júrgizýshisi.
2014-2015 jyldary L. N. Gýmılev atyndaǵy Eýrazııa ýnıversıteti rektorynyń keńesshisi.
2016-2017 jyldary «Qazaqstan» Ulttyq arnasy «Oı-tolǵaý» tanymdyq baǵdarlamasynyń júrgizýshisi, 2008-2017 jyldary L. N. Gýmılev atyndaǵy Eýrazııa ýnıversıtetiniń aǵa oqytýshysy, 2018-2019 jyldary «Shalqar» ulttyq radıosynyń dırektory, 2019-2023 jyldary
Óskemen qalasy ishki saıasat, mádenıet jáne tilderdi damytý bóliminiń basshysy qyzmetterin atqarǵan.
2008-2015 jyldar aralyǵynda Halyqaralyq «Shabyt» festıvaliniń laýreaty, «Altyn qalam» ádebı syılyǵynyń jeńimpazy, QR Úkimetiniń «Daryn» memlekettik jastar syılyǵynyń laýreaty, Qazaqstan Respýblıkasy Tuńǵysh Prezıdenti — Elbasy Qory syılyǵynyń laýreaty atanǵan. 2023 jyly Memleket basshysynyń Jarlyǵymen «Qazaqstannyń eńbek sińirgen qaıratkeri» ataǵy berilgen.
