Elimizde apta ishinde bolǵan kadrlyq taǵaıyndaýlar
ASTANA. KAZINFORM — Ótip bara jatqan apta ishinde ortalyq jáne jergilikti bılikte birqatar kadrlyq aýys-túıis boldy. Kazinform agenttigi 28 sáýir-4 mamyr aralyǵyndaǵy taǵaıyndaýlarǵa sholý usynady.
Apta basynda Prezıdent ókimimen Ǵumar Ekpinuly Serǵazın Qazaqstan Atom energııasy jónindegi agenttigi tóraǵasynyń orynbasary boldy.
Ǵumar Serǵazın Qazaq-Amerıka ýnıversıtetinde (zańger, 2008 jyl), QR Prezıdenti janyndaǵy Memlekettik basqarý akademııasynda (Memlekettik jáne jergilikti basqarý magıstri, 2013 jyl), Aýstrııadaǵy ıAdrolyq quqyq ınstıtýtynda (2015 j.) jáne A.Baıtursynov atyndaǵy Qostanaı memlekettik ınstıtýtynda (elektroenergetık, 2020j.) bilim alǵan.
Eńbek jolyn «Astana qalasy Saryarqa aýdany Halyqqa qyzmet kórsetý ortalyǵynyń ınspektory, keńesshisi, bas ınspektory, operatsııalyq zal bastyǵynyń orynbasary (2008-2011 jj.) bolyp bastaǵan. Keıinirek «BTA Bank» AQ Zań departamenti Quqyqtyq qamtamasyz etý basqarmasynyń Quqyqtyq súıemeldeý bóliminiń zańgeri, Qazaqstan Qurylys jáne turǵyn úı-kommýnaldyq sharýashylyq isteri agenttigi Turǵyn úı-kommýnaldyq sharýashylyq departamentiniń Turǵyn úı qatynastary basqarmasynyń sarapshysy, bas sarapshysy (2011-2012 jj.) bolǵan.
Sonymen birge, QR Óńirlik damý mınıstrligi Turǵyn úı-kommýnaldyq sharýashylyǵy departamentiniń Turǵyn úı qatynastary basqarmasynyń bas sarapshysy (2013-2014 jj.); QR Indýstrııa jáne jańa tehnologııalar mınıstrligi Memlekettik energetıkalyq qadaǵalaý jáne baqylaý komıtetiniń Іshki ákimshilik etý basqarmasynyń basshysy, Zań basqarmasynyń basshysy (2014 j.); QR Energetıka mınıstrligi Atomdyq jáne energetıkalyq qadaǵalaý men baqylaý komıtetiniń Zań basqarmasynyń basshysy (2014-2016 jj.) bolyp eńbek etken.
2016-2017 jyldary Ǵ. Serǵazın Energetıka mınıstrligi Aqparattyq tehnologııalar jáne memlekettik kórsetiletin qyzmetter departamenti dırektorynyń orynbasary, 2017-2023 jyldary – Energetıka mınıstrligi Atomdyq jáne energetıkalyq qadaǵalaý men baqylaý komıteti tóraǵasynyń orynbasary boldy. 2023 jyldyń naýryz aıynan osy taǵaıyndaýǵa deıin QR Energetıka mınıstrligi Atom energetıkasy jáne ónerkásibi departamentiniń dırektory bolyp eńbek etken.
Strategııalyq josparlaý jáne reformalar agenttigi tóraǵasynyń buıryǵymen apparat basshysy bolyp Batyrbek Ábdildın taǵaıyndaldy.
Batyrbek Ábdildın 1982 jyly dúnıege kelgen. Ol A.Baıtursynov atyndaǵy Qostanaı memlekettik ýnıversıtetin jáne Ortalyq Azııa ýnıversıtetin támamdaǵan. Eńbek jolyn 2001 jyly sheteldik kommertsııalyq uıymnyń ókili retinde bastaǵan. 2002-2005 jyldary — QR Indýstrııa jáne saýda mınıstrliginiń «Qurylys konsaltıng» AQ mamany, memlekettik satyp alý bóliminiń basshysy, dırektorynyń orynbasary qyzmetterin atqardy. 2005-2009 jyldary jeke uıymdarda basshylyq qyzmetterdi atqardy. 2009-2011 jyldary — «Zamanaýı medıtsınalyq tehnologııalardy engizý ortalyǵy» RMK memlekettik satyp alý jáne materıaldyq qamtamasyz etý bóliminiń basshysy, dırektor orynbasary boldy.
Al 2011-2015 jyldary — «Astana qalasy ákimdiginiń №1 qalalyq aýrýhanasy» MKK bas dárigeriniń orynbasary retinde jumys istedi. 2015-2020 jyldary jeke sektorda eńbek etken. 2018-2019 jyldary — Qazaqstannyń medıtsınalyq týrızm qaýymdastyǵynyń atqarýshy dırektory.2020-2021 jyldary — QR Densaýlyq saqtaý mınıstrligi Jobalyq keńsesiniń basshysy, 2021-2024 jyldary – QR Densaýlyq saqtaý mınıstrligi apparatynyń basshysy, 2024-2025 jyldary – «Azamattarǵa arnalǵan úkimet» memlekettik korporatsııasy» KEAQ Basqarma Tóraǵasynyń keńesshisi boldy. «Eren eńbegi úshin» medalimen marapattalǵan.
QR Týrızm jáne sport mınıstrligi Sport jáne dene shynyqtyrý isteri komıteti tóraǵasynyń orynbasary Rýslan Serǵazın bolyp taǵaıyndaldy.
Rýslan Amangeldiuly Serǵazın 1989 jyly 8 sáýirde Shyǵys Qazaqstan oblysy Tarbaǵataı aýdany Tuǵyl aýylynda dúnıege kelgen. S.Amanjolov atyndaǵy Shyǵys Qazaqstan memlekettik ýnıversıtetin 2011 jyly – «Memlekettik jáne jergilikti basqarý» mamandyǵy boıynsha, 2014 jyly – «Quqyqtaný» mamandyǵy boıynsha bitirgen. Eńbek jolyn 2012 jyly Shyǵys Qazaqstan oblysynyń qurylys basqarmasynda qarjy-ekonomıka bóliminiń bas mamanynyń mindetin atqarýshy retinde bastaǵan.
Ár jyldary memlekettik basqarý júıelerinde jáne dene shynyqtyrý men sport salasynda túrli qyzmetter atqarǵan: Shyǵys Qazaqstan oblysy ákimdiginiń qurylymynda bas maman jáne bólim meńgerýshisi; Ulan aýdany aýyldyq okrýginiń ákimi; Semeı qalasy turǵyn úı-kommýnaldyq sharýashylyǵy jáne turǵyn úı ınspektsııasy bóliminiń basshysy; ShQO energetıka jáne turǵyn úı-kommýnaldyq sharýashylyǵy basqarmasynyń ákimshilik jáne qarjylyq bóliminiń basshysy, QR Mádenıet jáne sport mınıstrligi, keıinnen Týrızm jáne sport mınıstrligi Sport jáne dene shynyqtyrý isteri komıtetiniń Sport ınfraqurylymyn damytý basqarmasynyń basshysy bolǵan.
Sonymen birge Aıdyn Qapashev Týrızm jáne sport mınıstrligi Týrızm ındýstrııasy komıteti tóraǵasynyń orynbasary bolyp taǵaıyndaldy.
Aıdyn Boranbaıuly Qapashev 1979 jyly Qaraǵandy oblysynda dúnıege kelgen. Semeı memlekettik ýnıversıtetin támamdaǵan. Eńbek jolyn 2000 jyly Qaraǵandy oblysynyń memlekettik organdarynda bastaǵan. Ár jyldary oblystyq qarjy basqarmasynyń mamany; ekonomıka jáne bıýdjettik josparlaý basqarmasynyń bas mamany jáne bólim basshysy; qarjy basqarmasy basshysynyń orynbasary qyzmetterin atqarǵan.
A. Qapashev Qaraǵandy oblysy Balqash qalasy ákiminiń orynbasary qyzmetinde 8 jyl jumys istegen. 2022 jylǵy qarasha aıynan bastap Mádenıet jáne aqparat mınıstrligine qarasty Mádenıet komıteti tóraǵasynyń orynbasary qyzmetin atqarǵan.
Óńirlerge oıyssaq, Abaı oblysy ákimi apparatynyń basshysy bolyp Eldar Baqpaev taǵaıyndaldy.
Eldar Qusmanuly Baqpaev 1986 jyly 12 sáýirde Shyǵys Qazaqstan oblysy Kúrshim aýdanynda dúnıege kelgen. 2009 jyly S.Toraıǵyrov atyndaǵy Pavlodar memlekettik ýnıversıtetiniń «Jýrnalıstıka» mamandyǵyn, 2021 jyly Qazaq ınnovatsııalyq gýmanıtarlyq-zań ýnıversıtetiniń magıstratýrasyn támamdaǵan, «Ekonomıka ǵylymdarynyń magıstri» akademııalyq dárejesi berilgen. Eńbek jolyn 2009 jyly Pavlodar qalasyndaǵy «Irbıs TV» telekompanııasynan bastaǵan.
Ár jyldary E. Baqpaev QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń qoǵammen baılanys departamentiniń basshysy, Qazaqstan Respýblıkasy Prezıdentiniń baspasóz qyzmetiniń sarapshysy, konsýltanty, «Habar 24» telearnasynyń dırektory qyzmetterin atqardy. Bul taǵaıyndaýǵa deıin QR Prezıdenti baspasóz hatshysynyń orynbasary bolǵan.
Atyraý oblysy ákiminiń ókimimen memlekettik satyp alý jáne kommýnaldyq menshik basqarmasynyń basshysy bolyp Serik Demegenov taǵaıyndaldy.
Serik Jumajanuly 1981 jyly Atyraý oblysynyń Maqat aýdanynda dúnıege kelgen. 2003 jyly Batys Qazaqstan ınjenerlik-tehnologııalyq ýnıversıtetiniń Basqarý jáne quqyq ınstıtýtyn quqyqtaný mamandyǵymen bitirgen.
Memlekettik qyzmet salasyndaǵy alǵashqy jumysyn 2004 jyly Mahambet aýdandyq prokýratýrasynda bastaǵan. 2013-2020 jyldary Atyraý oblystyq qarjy basqarmasy basshysynyń orynbasary, 2020-2021 jyldary atalǵan basqarmasynyń basshysy bolyp jumys istegen. Al 2021-2023 jyldary Atyraý oblystyq qarjy basqarmasy basshysynyń orynbasary, 2023 jyldan osy kezge deıin Atyraý qalalyq qarjy bóliminiń basshysy laýazamyn atqarǵan.
Qostanaı oblysy ákiminiń orynbasary laýazymyna Baqytjan Haberuly Narymbetov taǵaıyndaldy.
Baqytjan Narymbetov 1986 jyly dúnıege kelgen. ál-Farabı atyndaǵy Qazaq ulttyq ýnıversıtetinde «Saıasattaný» mamandyǵy boıynsha bilim alǵan. Sondaı-aq Prezıdent janyndaǵy Memlekettik basqarý akademııasynda oqyp, áleýmettik ǵylymdar magıstri dárejesin ıelengen. Azamattyq qoǵam ınstıtýttarynda eńbek etý tájirıbesi mol. 2007–2013 jyldary Astana jáne Almaty qalalaryndaǵy ártúrli úkimettik emes uıymdarda jumys istegen.
Ol 2013–2018 jyldary Oral qalasy ákimi apparatynda bas ınspektor jáne bólim basshysy qyzmetterin atqaryp, qalalyq ishki saıasat bólimin basqarǵan. Keıin Batys Qazaqstan oblysy ákimi apparatynda strategııalyq damý bóliminiń bas ınspektory ári basshysy bolyp eńbek etti.
Sonymen qatar oblystyq ishki saıasat basqarmasynyń basshysy qyzmetin atqardy. 2018–2019 jyldary Din isteri jáne azamattyq qoǵam mınıstrligi Azamattyq qoǵam isteri komıteti tóraǵasynyń orynbasary qyzmetin atqarǵan. 2019–2021 jyldary Oral qalasy ákiminiń orynbasary bolyp jumys istedi. 2021–2025 jyldary Batys Qazaqstan oblysy ákiminiń orynbasary qyzmetin atqardy.