Elimizde apta ishinde bolǵan kadrlyq taǵaıyndaýlar

ASTANA. KAZINFORM – Osy aptada elimizde birqatar kadrlyq aýys-túıis boldy.

Aptadaǵy alǵashqy taǵaıyndaý sport salasynda boldy. Oblys basshysy Ermaǵanbet Bólekpaev Qaraǵandy oblystyq fýtbol qaýymdastyǵynyń prezıdenti bolyp saılandy.

Oblys basshysy oblystaǵy fýtbol qozǵalysyn jandandyrýǵa jáne «Shahter» FK-yn Premer-lıgaǵa qaıtarýǵa kómektesetin mindetterdi alǵa qoıdy.

Ermaǵanbet Bólekpaev balalar men jasóspirimder fýtbolyn damytý boıynsha jumysty kúsheıtýdi tapsyrdy. Ol úshin Temirtaý, Balqash jáne Saran stadıondarynyń bazasynda «Shahter» FK fılıaldary ashylady. Bul fýtbol klýbyna óz sportshylaryn tárbıeleýge jáne áleýeti joǵary oıynshylardy klýb akademııasyna irikteýge múmkindik beredi.

Zeınulqabden Tabıǵat Astana qalasy máslıhatynyń tóraǵasy bolyp saılandy.

Qalalyq máslıhatta Astana qalasy máslıhaty tóraǵasynyń m. a. Asqar Smaǵulovtyń tóraǵalyǵymen segizinshi saılanym máslıhattyń kezekten tys sessııasy ótti.

Kún tártibinde Astana qalasy máslıhaty depýtatynyń ókilettigin merziminen buryn toqtatý týraly másele, Astana qalasy máslıhatynyń tóraǵasyn atqaratyn qyzmetinen bosatý týraly másele, sondaı-aq Astana qalasy máslıhatynyń tóraǵasyn saılaý týraly másele qaraldy.

Sessııa qorytyndysy boıynsha Zeınulqabden Tabıǵat Astana qalasy máslıhatynyń tóraǵasy bolyp saılandy.

Ol 1974 jyldyń 3 qazanynda Pavlodar oblysy Baıanaýyl aýdany Jantilek aýylynda dúnıege kelgen. Úılengen, úsh balasy bar.

Zeınulqabden Tabıǵat S. Seıfýllın atyndaǵy Aqmola agrarlyq ýnıversıteti (1998 j.), «Ekonomıst-menedjer» mamandyǵyn; M. Nárikbaev atyndaǵy Qazaq gýmanıtarlyq-zań ýnıversıteti (2002 j.), «Quqyqtaný» mamandyǵyn; M.H. Dýlatı atyndaǵy Taraz memlekettik ýnıversıteti (2002 j.), «Sý resýrstary jáne sýdy paıdalaný» mamandyǵyn bitirgen.

Sondaı-aq Aqtóbe oblystyq dene shynyqtyrý jáne sport basqarmasyna jańa basshy keldi.

Bul qyzmetke QR Memlekettik qyzmet isteri agenttigi, Týrızm jáne sport mınıstrliginiń kelisimimen Meırambek Mahambetov keldi.

Ol 1989 jyly Aqtóbe qalasynda dúnıege kelgen. L. N. Gýmılev atyndaǵy Eýrazııa ulttyq ýnıversıtetin «Aımaqtaný», 2014 jyly «Kókshe» akademııasyn «Dene shynyqtyrý jáne sport» mamandyqtary boıynsha támamdaǵan.

Eńbek jolyn 2011 jyly QR Týrızm jáne sport mınıstrliginiń sport boıynsha Komıtetiniń referenti bolyp bastaǵan.

Al 2018-2020 jyldary Aqtóbe oblysynyń dene shynyqtyrý jáne sport, Aqtóbe oblysynyń jastar saıasaty máseleleri basqarmalaryn basqardy. 2020-2024 jyldary Mádenıet jáne sport mınıstrligi Sport jáne dene shynyqtyrý isteri komıtetiniń Ulttyq sport túrleri jáne sporttaǵy múmkindikteri shekteýli adamdarmen jumys jónindegi basqarmasynyń basshysy, Dene múmkindikteri shekteýli adamdarǵa arnalǵan sporttyq daıarlaý ortalyǵynyń dırektory, Qazaqstannyń kásibı fýtbol lıgasynyń atqarýshy dırektory qyzmetterin atqardy. Sonymen birge 2024 jyldyń qańtar aıynan bastap respýblıkalyq sýrdo fýtbol jáne fýtzal federatsııasynyń prezıdenti qyzmetin atqaryp keldi.

Almaty oblysy Tótenshe jaǵdaılar departamentiniń basshysy aýysty.

QR TJM vıtse-mınıstri Serik Tólenbergenov Tótenshe jaǵdaılar departamentiniń jeke quramyna jańadan taǵaıyndalǵan basshy Dáýren Dáýletqanuly Orazbekovti tanystyrdy. Ol departament bastyǵynyń mindetin ýaqytsha atqarýshy qyzmetin atqarady.

Dáýren Orazbekov 2004 jyly Almaty qalasyndaǵy Ortalyq Azııa ýnıversıtetin «Quqyqtaný» mamandyǵy boıynsha bitirgen. Eńbek jolyn ІІM qurylymdarynda bastaǵan, keıin Qazaqstan Respýblıkasynyń TJM-de jalǵastyryp, túrli basshylyq laýazymdardy atqardy. Osyǵan deıin QR TJM Strategııalyq josparlaý jáne jedel basqarý komandalyq ortalyǵynyń bastyǵy laýazymynda boldy.

«Dara» Prezıdenttik bastamalar qorynyń prezıdenti laýazymyna Muhamedqalı Taýan taǵaıyndaldy.

Muhamedqalı Taýannyń halyqaralyq yntymaqtastyq jáne korporatıvtik basqarý salasyndaǵy aýqymdy bastamalardy júzege asyrýda aıtarlyqtaı tájirıbesi bar. Ol buǵan deıin «Astana» halyqaralyq qarjy ortalyǵynda, Qazaqstan Respýblıkasy Ulttyq bankiniń Ulttyq ınvestıtsııalyq korporatsııasynda, jeke qurylymdarda basshylyq qyzmetterdi atqarǵan.

T.Rysqulov atyndaǵy Qazaq ekonomıkalyq ýnıversıtetiniń ekonomıka bakalavry jáne Qazaqstan-Brıtan tehnıkalyq ýnıversıtetinde MVA dárejesin ıelendi.

Qazirgi ýaqytta «Dara» Prezıdenttik bastamalar qory adamı kapıtal men kreatıvti ındýstrııany damytý, sondaı-aq Qazaqstannyń mádenı-tarıhı murasyn saqtaý boıynsha birneshe mańyzdy jobalardy júzege asyryp keledi.

Olardyń qatarynda Joshy hannyń ómirine arnalǵan aýqymdy tarıhı serıal túsirý jobasy bar, onyń maqsaty – ulttyq tarıhty nasıhattaý jáne mádenı biregeılikti nyǵaıtý.

Nurjan Sultanalıev «Qorǵas» shekara mańy yntymaqtastyǵy halyqaralyq ortalyǵy» azat ekonomıkalyq aımaǵy BK» AQ basqarma tóraǵasy laýazymyna taǵaıyndaldy.

Ol óz mindetterin 2025 jyldyń 17 qańtarynda bastaǵan. Bul týraly aktsıonerlik qoǵamnyń baspasóz qyzmetinen habarlandy.

Nurjan Sultanalıev 1983 jyly 25 qazanda Almaty qalasynda dúnıege kelgen.

Bilimi: KIMEP (iskerlik ákimshilendirý) jáne «Turan-Astana» Ýnıversıteti (Esep jáne aýdıt).

Jalpy jumys ótili 20 jyldan asady, onyń 12 jyldan astamy basshylyq laýazymdarda.

2004-2009 jyldary «QazMunaıGaz» BÓ» AQ-da satyp alý salasynda jumys istedi.

2009 jyldan 2014 jylǵa deıin Soltústik Kaspıan Opereıtıng Kompanı B.V. (Qashaǵan iri munaı ken ornynyń operatory) kompanııasynda jumys istedi, onda jergilikti qamtýdy damytýmen jáne otandyq óndirýshilerdi qoldaýmen aınalysty.

2014 jyldan bastap Jambyl jáne Atyraý oblystarynda AEA damytýdy qosa alǵanda, QR-da hımııa salasyn damytýmen jáne hımııalyq jobalardy iske asyrýmen aınalysqan «Samuryq-Qazyna» UÁQ» AQ enshiles kompanııasy «Birikken hımııa kompanııasy» JShS-de basshylyq laýazymdarda jumys istedi. «BHK» JShS Beıorganıkalyq jáne arnaıy hımııa jobalaryna jetekshilik etti.

2016 jyly «Hımpark Taraz» AEA» QK AQ Basqarma tóraǵasy bolyp taǵaıyndaldy.

2019 jyldan bastap «QazTransOıl» AQ júıesinde Atyraý munaı qubyry basqarmasy bastyǵynyń orynbasary bolyp jumys istedi, al keıinirek 2019 jyldyń shildesinde «Qazaqstan-Qytaı Qubyry» JShS, Keńqııaq-Qumkól jáne Atasý-Alashankoý munaı qubyrlaryn ıelenetin jáne paıdalanatyn birlesken qazaqstan-qytaı kásipornynyń bas dırektory laýazymyna taǵaıyndaldy, onda 2023 jylǵa deıin jumys istedi.

«Qorǵas» ShYHO» AEA BK» AQ-ǵa taǵaıyndalǵanǵa deıin «MP Solutions» JShS Qytaı baǵytynyń basshysy qyzmetin atqardy.

Darhan Ahmed-Zakı M.Áýezov atyndaǵy Ońtústik Qazaqstan ýnıversıtetiniń rektory qyzmetine taǵaıyndaldy.

Darhan Jumaqanuly buǵan deıin atqarǵan Ǵylym jáne joǵary bilim vıtse-mınıstri qyzmetinen bosatyldy. Bul qyzmetke 2023 jyldyń qyrkúıek aıynda taǵaıyndalǵan edi.

Darhan Ahmed-Zakı 1981 jyly Shyǵys Qazaqstan oblysynda dúnıege kelgen.

Ál-Farabı atyndaǵy Qazaq Memlekettik ýnıversıtetin, Q. Sátbaev atyndaǵy Qazaq Memlekettik Tehnıkalyq ýnıversıtetin bitirgen.

Eńbek jolyn 2002 jyly Almaty qalasyndaǵy Respýblıkalyq medıtsına kolledjinde fızıka jáne matematıka pánderiniń oqytýshysy bolyp bastaǵan.

2003 jyly Jańaózen qalasynda «Qazaqoıl» JAQ tehnologııalyq zertteýler ortalyǵynyń ınjener-baǵdarlamashysy bolyp jumys istedi.

2004-2012 jyldary — Ál-Farabı atyndaǵy QazUÝ mehanıka-matematıka fakýltetiniń assıstenti, oqytýshysy, aǵa oqytýshysy, dotsenti, dekannyń oqý-tárbıe isi jónindegi orynbasary, «Informatıka» kafedrasynyń meńgerýshisi.

2012-2013 jyldary — Ál-Farabı atyndaǵy QazUÝ mehanıka-matematıka fakýltetiniń dekany.

2013-2016 jyldary – Ál-Farabı atyndaǵy QazUÝ oqý isi jónindegi prorektory.

2016-2017 jyldary – QR Bilim jáne ǵylym mınıstrliginiń Joǵary jáne joǵary oqý ornynan keıingi bilim departamentiniń dırektory.

2017-2020 jyldary – Halyqaralyq bıznes ýnıversıtetiniń prezıdenti.

2020-2022 jyldary — Astana IT University rektory.

2022 jyldan 2023 jyldyń qyrkúıegine deıin — QR Ǵylym jáne joǵary bilim mınıstrligi Ǵylym komıtetiniń tóraǵasy.

Qazaqstan Úkimetiniń qaýlysymen Áset Núsipov Saýda jáne ıntegratsııa vıtse-mınıstri qyzmetine taǵaıyndaldy.

1982 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, Illınoıs tehnologııalyq ınstıtýtyn (AQSh) bitirgen.

Eńbek jolyn 2004 jyly Almaty qalasynda «Ulttyq ınnovatsııalyq qor» AQ menedjeri bolyp bastaǵan.

2006 jyldan 2008 jylǵa deıin «Flagship Ventures» venchýrlyq kapıtal fırmasynyń Venchýrlyq jobalardy qarjylandyrý departamentinde (AQSh), Vashıngton q. (AQSh) «Small Enterprise Assistance Funds» halyqaralyq ınvestıtsııalyq fırmasynda taǵylymdamadan ótti.

2008 jyldan 2010 jylǵa deıin «Qazaqstan ınvestıtsııalyq qory» AQ jobalyq menedjeri, Dúnıejúzilik bankindegi Ortalyq Azııadaǵy ókildiginiń konsýltanty, Qazaqstan Respýblıkasyndaǵy Azııa damý banki ókildiginiń konsýltanty, «Álemdik ekonomıkany zertteý ortalyǵy» JM dırektorynyń orynbasary bolyp jumys istedi.

2010–2015 jyldary — Qazaqstan Respýblıkasy Qaýipsizdik Keńesi Hatshylyǵynyń ınspektory, sektor meńgerýshisi, Astana q.

2015–2021 jyldary — Qazaqstan Respýblıkasy Qaýipsizdik Keńesiniń jalpy qaýipsizdik máseleleri bóliminiń sektor meńgerýshisi, Astana q.

2021–2023 jyldary — Qazaqstan Respýblıkasy Qaýipsizdik Keńesiniń jalpy qaýipsizdik máseleleri bólimi meńgerýshisiniń orynbasary, Astana q.

2023 jyldan bastap qazirgi ýaqytqa deıin — Qazaqstan Respýblıkasy Qaýipsizdik Keńesiniń ózekti qaýipsizdik máseleleri bólimi meńgerýshisiniń orynbasary boldy.

«Qazaqstan halqyna» Qoǵamdyq qoryn úsh jyl boıy basqarǵan Bolat Jámishev qyzmetinen ketti.

«Qazaqstan halqyna» Qoǵamdyq qory Qamqorshylyq keńesiniń sheshimimen 2025 jyldyń 1 aqpanynan bastap «Qazaqstan halqyna» QQ Basqarma tóraıymy laýazymyna qoǵam qaıratkeri, qaıyrymdylyq jáne Qazaqstandaǵy ÚEU-nyń ınstıtýtsıonaldyq damýy men áleýmettik jobalardy basqarý salasyndaǵy sarapshy Lázzat Shyńǵysbaeva saılandy.

Ol buǵan deıin «Qazaqstan halqyna» qory Basqarma tóraǵasynyń orynbasary qyzmetin atqaryp, memlekettik nagrada — «Eren eńbegi úshin» medalimen, «Atameken» UKP qurmetti qyzmetkeri» medalimen marapattalǵan.

Sondaı-aq, Qamqorshylyq keńes qor qyzmetkerleri Sofııa Aısaǵalıevany Basqarma tóraǵasynyń orynbasary, Serikbek Elshibekovti «Qazaqstan halqyna» QQ Basqarma múshesi etip saılady.

Shyǵys Qazaqstan oblysynyń qurylys, sáýlet jáne qala qurylysy basqarmasynyń basshysy bolyp Rýfat Akramov taǵaıyndaldy.

Rýfat Baǵdatuly 1982 jyly Shyǵys Qazaqstan oblysynyń Ulan aýdany Tavrııa aýylynda týǵan. Tórt joǵary bilimi bar.

Eńbek jolyn 2006 jyly Óskemen qalasy boıynsha memlekettik kirister departamentinde jetekshi maman-zańger retinde bastady.

2010 jyldyń 29 qańtarynda ShQO bilim basqarmasy ishki baqylaý bóliminiń bas mamany bolyp taǵaıyndaldy.

2013-2014 jyldary Óskemen qalasynyń qurylys bóliminde memlekettik satyp alý jáne quqyqtyq qamtamasyz etý sektorynyń meńgerýshisi. 2017-2019 jyldary Óskemen qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy.

2019-2020 jyldary Shyǵys Qazaqstan oblysynyń memlekettik satyp alý jáne kommýnaldyq múlik basqarmasynyń basshysy. 2020-2022 jyldary Shyǵys Qazaqstan oblysynyń memlekettik satyp alý basqarmasynyń basshysy.

2022 jyldyń mamyr aıynda Shyǵys Qazaqstan oblysynyń Tsıfrlandyrý jáne arhıvter basqarmasynyń basshysy laýazymyna taǵaıyndaldy.

2024 jyldyń sáýir aıynan osy ýaqytqa deıin Shyǵys Qazaqstan oblysynyń óńirlik memlekettik-jekemenshik áriptestik ortalyǵy» AQ Basqarma tóraǵasynyń orynbasary laýazymyn atqardy.

Erkebulan Ilıasov Qazaqstannyń Ulttyq sport qaýymdastyǵynyń prezıdenti bolyp saılandy.

1 aqpan kúni Qazaqstan Respýblıkasy Ulttyq sport qaýymdastyǵynyń kezekten tys jalpy otyrysy ótti.

Jıynda ulttyq sport qaýymdastyǵynyń prezıdenti qyzmetin atqarǵan Islambek Saljanov sońǵy eki jyldaǵy atqarylǵan jumysy jaıynda keńinen esep berip, qorytyndylady. Qaýymdastyq quryltaıshylary daýys berý arqyly jańa jarǵy qabyldap, nátıjesinde Erkebulan Saıdollauly Ilıasov biraýyzdan Qazaqstan Respýblıkasy Ulttyq sport qaýymdastyǵynyń prezıdenti bolyp saılandy.

Erkebulan Saıdýllauly Ilıasov — «Alageum Electric» KT Dırektorlar keńesiniń Tóraǵasy, Qazaqstan Respýblıkasy jamby atý, arqan tartys federatsııalarynyń prezıdenti jáne «Ulttyq sport qory» ulttyq sport túrlerin qoldaý qorynyń negizin qalaýshy, quryltaıshysy.

Ulan Qonysbaev «Taraz» KFK sporttyq dırektory qyzmetine taǵaıyndaldy.

Ulan Ábıirbekuly 1989 jyly 28 mamyrda dúnıege kelgen. Sporttyq mansabyn 2006 jyly «Jambyl» komandasynda bastaǵan.

Ár jyldary «Taraz», «Astana», «Shahter», «Qaırat», «Atyraý», «Aqtóbe» sekildi klýbtarda oınaǵan. Ulttyq qurama sapynda 32 match ótkizip, 3 ret mergendik tanytqan. Sporttyq ǵumyryndaǵy 300 asa kezdesýde 40 jýyq goldyń avtory boldy.

2011 jyldyń qorytyndysy boıynsha Qazaqstannyń «Úzdik oıynshysy» atanǵan. El chempıony, kýbok jáne Sýperkýbok ıegeri.