Elimizde apta ishinde bolǵan kadrlyq taǵaıyndaýlar
Ótip bara jatqan apta ishinde elimizdiń ortalyq jáne jergilikti atqarýshy organdarynda birqatar kadrlyq aýys-túıis boldy, dep habarlaıdy QazAqparat tilshisi.
Prezıdent Jarlyǵymen Ǵaýez Torsanuly Nurmuhambetov Soltústik Qazaqstan oblysynyń ákimi laýazymyna taǵaıyndaldy.
Ǵaýez Nurmuhambetov 1968 jyly Qostanaı oblysy Qarasý aýdanynyń Maıskıı aýylynda dúnıege kelgen. 1992 jyly Tselınograd aýyl sharýashylyǵy ınstıtýtyn «ǵalym agronom» mamandyǵy boıynsha, 2002 jyly Chelıabi memlekettik ýnıversıtetin «zańger», 2008 jyly Qostanaı ınjenerlik-ekonomıkalyq ýnıversıtetin «ekonomıka bakalavry» mamandyǵy boıynsha támamdaǵan. Ekonomıka ǵylymdarynyń kandıdaty.
Ǵaýez Torsanuly óziniń eńbek jolyn 1985 jyly Qostanaı oblysy Komsomol aýdany «Magnaıskıı» sovhozynyń № 1 brıgadasynyń mehanızatory bolyp bastady. 1992-1994 jyldary Torǵaı oblysy Oktıabrsıı aýdany Vılıams atyndaǵy sovhozdyń bas agronomy boldy. 1994-1996 jyldary - Qostanaı oblysy Qostanaı aýdany "Moskovskıı" sovhozynyń bas agronomy. 1996-1997 jyldary Qostanaı oblysy Komsomolskıı aýdany «Boskolskoe» KK dırektory bolyp eńbek etti.
1997-2008 jyldary Qostanaı oblysy Taran jáne Qarabalyq aýdandarynyń ákimi boldy. 2008-2009 jyldary - Qostanaı qalasynyń ákimi. 2009 jyldan 2011 jylǵa deıin Qostanaı qalasy "Sodrýjestvo" JShS bas dırektorynyń orynbasary laýazymynda boldy. 2011-2012 jyldary Qostanaı oblysy Áýlıekól aýdanynyń ákimi. 2012 jyldan 2014 jylǵa deıin Qostanaı qalasynyń ákimi.
2014 jyldan 2015 jylǵa deıin QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory. 2015 jyldan 2023 jylǵa deıin Qostanaı oblysy ákiminiń birinshi orynbasary boldy. 2023 jyldyń 25 qantarynan bastap QR Parlamenti Senatynyń Depýtaty bolyp saılandy. Ekonomıkalyq saıasat, ınnovatsııalyq damý jáne kásipkerlik komıtetiniń múshesi.
Memleket basshysynyń ókimimen Baqytjan Shaımuhametuly Sapıev Qazaqstan Respýblıkasy Prezıdenti Ákimshiliginiń Memlekettik baqylaý bóliminiń meńgerýshisi laýazymyna taǵaıyndaldy.
Memleket basshysynyń ókimimen Zúlfııa Bolatqyzy Súleımenova Qazaqstan Respýblıkasy Prezıdentiniń keńesshisi – Prezıdenttiń halyqaralyq ekologııalyq yntymaqtastyq jónindegi arnaýly ókili laýazymyna taǵaıyndaldy.
Zúlfııa Súleımenova 1990 jyly Aqtóbe qalasynda dúnıege kelgen.
L. Gýmılev atyndaǵy Eýrazııa ulttyq ýnıversıtetin bitirgen. Prezıdenttik jastar kadrlyq rezerviniń múshesi.
Eńbek jolyn 2014 jyly Jahandyq saıasat jáne qaýipsizdik ortalyǵynyń óńirlik jáne jahandyq qaýipsizdik bóliminiń ǵylymı qyzmetkeri bolyp bastady. 2020-2021 jyldary QR Ekologııa, geologııa jáne tabıǵı resýrstar mınıstrliginde basshylyq qyzmetter atqarǵan.
2021 jylǵy qańtardan VII saılanǵan QR Parlamenti Májilisiniń depýtaty boldy. 2022 jylǵy 14 naýryzda Ekologııa, geologııa jáne tabıǵı resýrstar vıtse-mınıstri, 2023 jylǵy 4 qańtarda Ekologııa, geologııa jáne tabıǵı resýrstar mınıstri bolyp taǵaıyndaldy. Mınıstr qyzmetinen 1 qyrkúıekte bosatyldy.
Úkimet qaýlysymen Aıjan Ádilqyzy Bıjanova QR saýda jáne ıntegratsııa birinshi vıtse-mınıstri qyzmetine taǵaıyndaldy.
Aıjan Bıjanova 1982 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, Halyqaralyq bıznes akademııasyn, Qaınar Akademııasyn bitirgen. Eńbek jolyn 2003 jyly «Kedentrasservıs» JAQ menedjeri bolyp bastaǵan.
2004-2007 jyldary — «Qazaq aqparattyq tehnologııalar ǵylymı-zertteý ınstıtýty» AQ Zań bóliminiń aǵa zańgeri, bastyǵy. 2010-2011 jyldary — Almaty qalasy Ádilet departamenti Jetisý aýdanynyń AHAJ jáne Quqyqtyq túsindirý jumystary jáne halyqqa zańgerlik qyzmet kórsetý jumysy bólimderiniń jetekshi mamany. 2011-2013 jyldary QR Ádilet mınıstrliginiń qurylymynda jumys istedi. 2013-2014 jyldary — «QazMedTeh» AQ Zań jáne kadr jumysy departamentiniń dırektory.
2014-2018 jyldary — «Atameken» QR Ulttyq kásipkerler palatasy Saraptamany úılestirý departamentiniń sarapshysy, Zańnama jáne ózin-ózi retteýdi damytý departamentiniń basqarýshy dırektory, dırektory. 2018-2019 jyldary QR Ulttyq ekonomıka mınıstrliginiń qurylymynda basshylyq qyzmetter atqardy. 2019-2020 jyldary — QR Saýda jáne ıntegratsııa mınıstrligi Іshki saýda departamentiniń dırektory, Tutynýshylardyń quqyqtaryn qorǵaý komıteti tóraǵasynyń orynbasary.
2020-2021 jyldary — QR Prezıdenti Ákimshiliginiń Áleýmettik-ekonomıkalyq monıtorıng bóliminiń sektor meńgerýshisi. 2021 jyldyń qarasha aıynan bastap qazirgi ýaqytqa deıin QR Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary qyzmetin atqardy.
Qarjy mınıstriniń buıryǵymen Jandos Dúısembıev QR Qarjy mınıstrligi Memlekettik kirister komıtetiniń tóraǵasy bolyp taǵaıyndaldy.
Jandos Dúısembıev 1979 jyly Almaty oblysynda dúnıege kelgen. Qazaq memlekettik basqarý akademııasyn jáne Almaty ýnıversıtetin bitirgen. Eńbek jolyn 2002 jyly Almaty qalasy Medeý aýdany boıynsha salyq komıtetiniń óndirip alý bóliminiń mamany, salyq ınspektory bolyp bastaǵan.
2006-2009 jyldary – Almaty qalasy Medeý aýdany boıynsha salyq komıtetiniń óndirip alý bóliminiń basshysy. 2009-2010 jyldary – Almaty qalasy boıynsha salyq departamentiniń májbúrlep óndirip alý basqarmasynyń basshysy. 2010-2012 jyldary – Almaty qalasy Bostandyq aýdany boıynsha salyq basqarmasy basshysynyń orynbasary.
2012-2014 jyldary – Almaty qalasy salyq departamenti aktsızderdi ákimshilendirý basqarmasynyń basshysy; salyq aýdıti basqarmasynyń zańdy tulǵalar aýdıti bóliminiń basshysy; Almaty qalasy salyq departamenti salyq aýdıti basqarmasynyń №5 aýdıt bóliminiń basshysy; 2014-2015 jyldary – Almaty qalasy boıynsha memlekettik kirister departamentiniń bereshekpen jumys basqarmasynyń basshysy.
2015-2016 jyldary – Almaty qalasy Naýryzbaı aýdany boıynsha memlekettik kirister basqarmasynyń basshysy. 2016-2017 jyldary – Almaty qalasy Medeý aýdany boıynsha memlekettik kirister basqarmasy basshysynyń orynbasary. 2017-2019 jyldary – Almaty qalasy boıynsha memlekettik kirister departamenti uıymdastyrý-qarjy basqarmasynyń basshysy. 2019-2022 jyldary – Qazaqstan Respýblıkasy Qarjy mınıstrligi Memlekettik kirister komıtetiniń departament dırektory. 2022-2023 jyldary Memlekettik kirister komıtetiniń bas dıspetcherlik basqarmasy basshysy laýazymyn atqardy. 2023 jyldyń qyrkúıek aıynda QR Qarjy mınıstrligi Memlekettik kirister komıtetiniń tóraǵasy bolyp taǵaıyndaldy
QR Tótenshe jaǵdaılar mınıstriniń buıryǵymen Kamalov Ramıl Fatkýlovıch Tótenshe jaǵdaılar mınıstrligi Órtke qarsy qyzmet komıtetiniń tóraǵasy bolyp taǵaıyndaldy.
Ramıl Kamalov 1976 jyly Torǵaı oblysynda dúnıege kelgen.
QR ІІM Pavlodar tehnıkalyq kolledjin, Qaraǵandy memlekettik tehnıkalyq ýnıversıtetin bitirgen. Eńbek jolyn Aqmola oblysy Іshki ister basqarmasy Memlekettik órtke qarsy qyzmet (MÓQQ) basqarmasynyń №84 jekeshelendirilgen áskerlendirilgen órt sóndirý bóliminiń memlekettik órtti baqylaý ınspektory bolyp bastaǵan.
1998 jyly — Aqmola oblysy MÓQQ №19 órt sóndirý bóliminiń memlekettik órt baqylaý ınspektory. 1998-1999 jyldary — Astana qalasynyń MÓQQ №7 órt sóndirý bóliminiń ınspektory. 1999-2005 jyldary — Astana qalasy «Órt sóndirýshi» RMK fılıalynyń №7 órt sóndirý bóliminiń aǵa ınjeneri, Astana qalasynyń «Órt sóndirýshi» RMK №11 fılıalynyń №11 órt sóndirý bóliminiń bastyǵy, Astana qalasy «Órt sóndirýshi» RMK fılıalynyń órt sóndirý tobynyń bas mamany.
2005-2006 jyldary — QR TJM TJ salasyndaǵy memlekettik baqylaý jáne qadaǵalaý komıtetiniń Órt sóndirý jáne avarııalyq-qutqarý jumystary qyzmeti bóliminiń bas mamany. 2006-2014 jyldary — QR TJM Órtqe qarsy qyzmet komıtetiniń Órt sóndirý jáne avarııalyq-qutqarý bóliminiń bas mamany, bastyǵy. 2014-2016 jyldary — QR ІІM Tótenshe jaǵdaılar komıtetiniń órt sóndirý qyzmetin uıymdastyrý boıynsha basqarmasynyń bastyǵy.
2016-2017 jyldar aralyǵynda QR ІІM TJK Mańǵystaý oblysy TJD bastyǵynyń orynbasary.
2017 jyldyń maýsym aıynan bastap osy ýaqytqa deıin QR ІІM TJK Soltústik Qazaqstan oblysy Tótenshe jaǵdaılar departamentiniń bastyǵy bolyp qyzmet atqardy.
Qyzylorda oblysy ákiminiń orynbasary qyzmetine Danııar Janalınov taǵaıyndaldy. Danııar Erenǵalıuly 1975 jyly Almaty oblysynda dúnıege kelgen. Qazaq kólik jáne kommýnıkatsııa akademııasyn «Injener-ekonomıst» mamandyǵy boıynsha bitirgen. Eńbek jolyn 2000 jyly Almaty oblysy boıynsha Salyq departamentinde ınspektor bolyp bastaǵan. 2002-2010 jyldary Almaty oblysy boıynsha Salyq departamentinde salyq ınspektory, jetekshi, bas salyq ınspektory, bólim basshysy jáne departament basshysynyń orynbasary qyzmetterin atqarǵan.
2010-2014 jyldary Qarjy mınıstrligi Salyq komıteti basqarmasynyń basshysy boldy.
2014-2018 jyldar aralyǵynda Qarjy mınıstrligi Memlekettik kirister komıtetiniń Soltústik Qazaqstan oblysy boıynsha departamentiniń basshysy, 2018-2021 jyldar aralyǵynda Mańǵystaý oblysy boıynsha memlekettik kirister departamentiniń basshysy laýazymyn ıelendi. 2021-2022 jyldary QR Qarjy vıtse-mınıstri bolyp eńbek etti. 2022 jyldyń tamyz aıynan osy kezge deıin QR Qarjy mınıstrligi Memlekettik kirister komıtetiniń tóraǵasy qyzmetin atqaryp keldi.
Soltústik Qazaqstan oblystyq tótenshe jaǵdaılar departamentiniń bastyǵy laýazymyna polkovnık Erik Sarybaev taǵaıyndaldy.
Sarybaev Erik Temirhanuly 1976 jyly 28 mamyrda Túrkistan oblysy Temirlan aýyldyq okrýginiń Bógen aýylynda dúnıege kelgen.
M. Áýezov atyndaǵy Ońtústik Qazaqstan memlekettik ýnıversıtetin, Reseı TJM Azamattyq qorǵaý akademııasyn "Ónerkásiptik jáne azamattyq qurylys", "Áskerı bólimder men quramalardy basqarý" mamandyqtary boıynsha bitirgen. Osy taǵaıyndaýǵa deıin Túrkistan oblysy Tótenshe jaǵdaılar departamenti bastyǵynyń orynbasary boldy.
Aqtóbe oblysy tótenshe jaǵdaılar departamentiniń basshysy qyzmetine Nurǵalı Júnisov taǵaıyndaldy.
Nurǵalı Syrlybaıuly 1975 jyly 23 aqpanda Ońtústik Qazaqstan oblysy Saıram aýdany Qaratóbe aýylynda dúnıege kelgen. 1998 jyly ІІM Almaty joǵary tehnıkalyq ýchılışesin «Órt qaýipsizdigi» mamandyǵymen bitirgen.
Eńbek jolyn OQO ІІB janyndaǵy memlekettik órtke qarsy qyzmet basqarmasynyń áskerılendirilgen órt kúzeti jasaǵynyń № 16 áskerılendirilgen órt sóndirý bóliminiń ınspektory bolyp bastaǵan.
1997-2018 jyldary Túrkistan oblysy TJ departamentinde ártúrli laýazymda eńbek etti. 2018 jyldan bastap Túrkistan oblysy TJD bastyǵy qyzmetin atqaryp keldi.
Atyraý oblystyq tótenshe jaǵdaılar departamentine basshy bolyp Nurlan Jańabaev taǵaıyndaldy.
Nurlan Maqsutuly 1984 jyly 11 jeltoqsanda Atyraý oblysynyń Mahambet aýdanynda dúnıege kelgen. 2006 jyly Tótenshe jaǵdaılar mınıstrliginiń Kókshetaý tehnıkalyq ınstıtýtyn «Órt qaýipsizdigi» mamandyǵy boıynsha bitirgen. Azamattyq qorǵaý organyndaǵy eńbek jolyn 2006 jyly Atyraý oblysy MBQB ÓQQ men AQBJÚQ bóliminiń ınjeneri bolyp bastaǵan.
2009 jylǵa deıin Mahambet aýdandyq ÓQQB ınjeneri, 2009-2012 jyldary Maqat aýdany tótenshe jaǵdaılar bóliminiń bas mamany, Atyraý oblysynyń TJD Biryńǵaı kezekshilik-dıspetcherlik qyzmet basqarmasynyń jedel kezekshisi, 2012-2013 jyldary Mahambet aýdandyq tótenshe jaǵdaılar bóliminiń bastyǵy bolǵan.
2013-2014 jyldary Jylyoı aýdandyq tótenshe jaǵdaılar bóliminiń bastyǵy, 2014-2017 jyldary oblystyq departamentte Biryńǵaı kezekshilik-dıspetcherlik qyzmet basqarmasynyń bastyǵy laýazymyn atqarǵan.
2017-2021 jyldary ІІM TJK Atyraý oblysynyń TJD Atyraý qalasy boıynsha tótenshe jaǵdaılar basqarmasynyń bastyǵy, 2021 jyldan osy kezge deıin Mańǵystaý oblysynyń TJD bastyǵynyń orynbasary bolyp jumys istegen.
Aqtaý qalasynyń ákimi laýazymyna Ulybek Tnalıev taǵaıyndaldy.
Ulyqbek Tnalıev Atyraý munaı jáne gaz ınstıtýtynyń bakalavrıatyn «Tehnologııalyq mashınalar men jabdyqtar» mamandyǵy boıynsha bitirgen, «Tehnıka ǵylymdary» magıstri, sondaı-aq «Ekonomıka jáne bıznes» magıstri akademııalyq dárejesine ıe.
Eńbek jolyn 2006 jyly azamattyq qoǵam jáne jastar saıasaty salasynda bastaǵan. Atyraý oblysy Mahambet aýdany ákiminiń orynbasary, Atyraý oblysy jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary, Atyraý qalasy ákiminiń orynbasary qyzmetterin atqardy.
2022 jyldyń maýsymynan búgingi kúnge deıin Mańǵystaý oblysy ákiminiń orynbasary boldy.
Prezıdent Ákimshiliginiń jáne qalalyq máslıhat depýtattarynyń kelisimi boıynsha Saran qalasynyń ákimi bolyp Erkin Baýlyqov taǵaıyndaldy.
Erkin Baýlyqov 2016 jyldan 2019 jylǵa deıin QR Memlekettik qyzmet isteri jáne sybaılas jemqorlyqqa qarsy is-qımyl agenttiginde túrli laýazymdar atqardy. Sondaı-aq elordada QR Ulttyq ekonomıka mınıstrliginiń Memlekettik basqarý júıesin damytý departamentinde eńbek etti. Sodan keıin Saran qalasynyń jumyspen qamtý jáne áleýmettik baǵdarlamalar bólimin basqardy. 2021 jylǵy jeltoqsannan bastap osy taǵaıyndaýǵa deıin Saran qalasy ákiminiń orynbasary boldy.
Abaı oblysy Aıagóz aýdanynyń ákimi laýazymyna Qanat Ádilbaı taǵaıyndaldy.
Qanat Serikqanuly 1972 jyly 14 jeltoqsanda Abaı oblysy Aıagóz aýdany Aıagóz qalasynda dúnıege kelgen. Mamandyǵy — ınjener-ekonomıst, ekonomıka ǵylymdarynyń kandıdaty. Eńbek jolyn 1996 jyly Semeı qalasy boıynsha salyq ınspektsııasynyń zańdy tulǵalardyń salyq salý bóliminiń birinshi kategorııaly mamany bolyp bastady. Uzaq jyldar boıy Semeı qalasynyń salyq komıtetiniń tóraǵasy bolyp jumys istep, keıin Qarjy mınıstrliginiń júıesinde eńbek etti.
2019-2021 jyldar aralyǵynda Semeı qalasy ákiminiń bıýdjetti qalyptastyrý jáne atqarý, nesıe jáne keden saıasaty, bank mekemesi, jer qatynastary, aýyl sharýashylyǵy, veterınarııa, ónerkásip, kásipkerlik, baılanys, týrızm jáne saýda, eńbek ınspektsııasy men qorshaǵan ortany qorǵaý salalary jónindegi orynbasary qyzmetin atqarǵan. Sondaı-aq «AKM Stroıservıs» JShS dırektory boldy.
Ábilqaıyr Sqaqov Áleýmettik medıtsınalyq saqtandyrý qory basqarma tóraǵasy qyzmetine taǵaıyndaldy.
Ábilqaıyr Sqaqov 1974 jyly Pavlodar oblysynda dúnıege kelgen. «Ekonomıst jáne qarjyger» (Shákárim atyndaǵy Semeı memlekettik ýnıversıteti), «Zańger» (Qazaq quqyq jáne halyqaralyq qatynastar ınstıtýty) jáne «Іskerlik ákimshilendirý magıstri» (M.Lomonosov atyndaǵy Máskeý memlekettik ýnıversıteti) mamandyqtary boıynsha úsh joǵary bilimi bar.
Ábilqaıyr Sqaqov 1995 jyldan 2012 jylǵa deıin Pavlodar jáne Qostanaı oblystarynyń salyq organdarynda jumys istedi. 2006–2008 jyldar aralyǵynda Pavlodar oblysy densaýlyq saqtaý departamenti dırektorynyń ekonomıka jónindegi orynbasary qyzmetin atqardy.
2012-2016 jyldary Qarjy mınıstrligi júıesinde, onyń ishinde Astana qalasy boıynsha Memlekettik kirister departamentin basqardy. 2016-2019 jyldar aralyǵynda Ábilqaıyr Sqaqov Qorǵanys mınıstriniń orynbasary retinde qarjy jáne ekonomıka máselelerin basqardy, odan keıin Qarjy monıtorıngi komıtetiniń tóraǵasy. 2020-2022 jyldary Pavlodar oblysynyń ákimi boldy.
Prezıdent Ákimshiligi Іshki saıasat bóliminiń burynǵy meńgerýshisi Bolat Tilepov Abaı atyndaǵy qazaq ulttyq pedagogıkalyq ýnıversıtetiniń rektory bolyp taǵaıyndaldy.
Bolat Tilepov tuńǵysh joǵary oqý ornynyń qabyrǵasynda dıssertatsııa qorǵap, Abaı atyndaǵy QazUPÝ zań fakýltetinde oqytýshy bolyp jumys istedi. Jańa basshynyń elimizdiń qoǵamdyq-saıası jáne ǵylymı salalarynda tájirıbesi mol: «Strategııa» taldaý ortalyǵy» qoǵamdyq qorynyń sarapshysy, Áleýmettik-saıası zertteýler ǵylymı-zertteý ınstıtýty men Saıası tehnologııalar ortalyǵynda aǵa ǵylymı qyzmetker bolǵan.
Іshki saıasat departamentinde, Almaty jáne Astana qalalarynyń Іshki saıasat basqarmasynda, QR Qorǵanys mınıstrligi Ákimshilik departamentinde basshylyq laýazymdarynda jumys istedi.
QR Premer-Mınıstri orynbasarynyń keńesshisi qyzmetinde, Qazaqstannyń Reseıdegi elshiliginde jumys istep, QR Prezıdenti Ákimshiliginiń memlekettik ınspektory, Aqparat jáne qoǵamdyq damý vıtse-mınıstri, QR Prezıdenti Ákimshiliginiń Іshki saıasat bóliminiń basshysy laýazymdarynda qyzmet atqarǵan.
