Elimizde ań-qustyń 132 túriniń joǵalý qaýpi bar

ASTANA. KAZINFORM – Sońǵy jyldary joǵalyp ketý qaýpi bar ańdardyń sany artyp keledi. Bul týraly Ortalyq kommýnıkatsııalar qyzmetindegi brıfıngte Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń tóraǵasy Danııar Turǵambaev aıtty

- Qazirgi ýaqytta joǵalyp ketý qaýpi bar ań-qustarǵa qatysty dınamıka tolyqtaı ózgerip jatyr. Búginde elimizde ań-qustyń 835 túri bar. Onyń Qyzyl kitapqa engizilgen 132-si túriniń joǵalyp ketý qaýpi bar, - dedi ol. 

Onyń atap ótýinshe, elimizde erekshe qorǵalatyn tabıǵı aımaqtyń aýmaǵy 30 mln gektarǵa jýyqtaıdy. Osy aımaqqa kirmeıtin ań-qustyń saqtalýyn «Ohotzooprom» kásipornynyń 500-ge jýyq qyzmetkeri jiti baqylaýda ustaıdy.

- 2005 jylmen salystyrǵanda búginde joıylyp ketýi qaýpi bar janýarlar sanynyń artýy baıqalady. Máselen, sol jyly Qulan sany 1 212 bas bolsa, ótkeni jyly 4 600-den asty. 8 800 arqar bolsa, búginde 21 182 basqa jetti. Qaraquıryq sany 12 500 bolsa, qazir 15 588 bas boldy. Aıta keterligi, erekshe qorǵalatyn tabıǵı aımaqtardyń aýmaǵy jyldan jylǵa ulǵaıyp keledi. Bul ań-qusty qorǵaýdyń álemdegi eń durys joly retinde tanylǵan. Sondyqtan osy baǵytta jumysymyzdy jalǵastyramyz, - dedń Danııar Turǵambaev.

Qazaqstanda sırek kezdesetin janýarlardyń biryńǵaı derekter bazasy quryldy.