Elimizde 537 gıdrotehnıkalyq qurylysqa kúrdeli jóndeý qajet
ASTANA. KAZINFORM – Sý resýrstary jáne ırrıgatsııa mınıstrligi Kazinform saýalyna joldaǵan jaýabynda tasqynǵa tosqaýyl bola alatyn gıdrotehnıkalyq qurylystardyń sanyn atady.
«Mınıstrlik jergilikti atqarý organdarymen birge eldegi gıdrotehnıkalyq qurylystardy túgendedi. Búgingi tańda el aýmaǵynda 1502 gıdrotehnıkalyq qurylys (405 sý qoımasy, 247 bóget, 461 bógesin, 118 gıdrotorap, 271 toǵan), bar. Onyń ishinde 331 nysan respýblıkalyq menshikte, 934-i kommýnaldyq menshikte, 229-y jeke menshikte bolsa, 6 nysannyń ıesi joq», - dep jazylǵan jaýapta.
Resmı málimette keıingi zertteýler qorytyndysy boıynsha 537 gıdrotehnıkalyq qurylysqa kúrdeli jóndeý qajet ekeni aıtylǵan. Onyń 52-si respýblıkalyq, 428-i kommýnaldyq, 49-y jeke menshikte. Iesiz qalǵan 6 nysan da kúrdeli jóndeýdi qajet etedi.
