Elimizde 259 bosqyn bar, 443 sheteldik pana izdep júr – kóshi-qon komıteti
ASTANA. KAZINFORM – Bıyl 1 qańtardaǵy jaǵdaı boıynsha 259 shetel azamaty «bosqyn» statýsyn aldy. Bul týraly Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy Asqarbek Ertaev málim etti.
«Yntymaqtastyqty damytý jáne nyǵaıtý maqsatynda bizdiń mınıstrlik pen BUU Bosqyndar isi jónindegi joǵarǵy komıssarynyń basqarmasy arasynda ózara túsinistik týraly memorandým jasaldy. Onyń aıasynda bosqyndar mártebesi týraly konventsııanyń normalarymen ulttyq zańnama normalaryn ımplementatsııalaý boıynsha jumys júrgizilip jatyr»,- dedi Asqarbek Ertaev Ortalyq kommýnıkatsııalar qyzmeti alańynda ótken baspasóz máslıhatynda.
Spıkerdiń málimdeýinshe, bosqyndarǵa medıtsınalyq jáne áleýmettik kómek berý boıynsha usynystar ázirlendi.
«2024 jylǵy 1 qańtardaǵy jaǵdaı boıynsha elde 473 pana izdeýshi men 259 bosqyn turady. Pana izdep júrgen adamdardyń jappaı kelýi jaǵdaıynda ýaqytsha qonystaný pýnktterin jáne olardy qabyldaý tártibin aıqyndaý jónindegi tıisti erejeler bekitildi», – deıdi komıtet tóraǵasy.
