Elızabet Tursynbaeva gala-kontsertte kórsetken ónerin Denıs Tenge arnady

NUR-SULTAN. QazAqparat - Álem chempıonatynyń kúmis júldegeri Elızabet Tursynbaeva Saıtamada ótken gala-kontsertte óz baǵdarlamasyn Denıs Tenniń rýhyna arnady, dep jazady Olympic.kz.  

Elızabet mezgilsiz dúnıeden ótken sportshyǵa arnalǵan jan tebirenterlik baǵdarlamasyn jankúıerler nazaryna usyndy. 

Denıs Ten 2018 jyldyń 19 shildesinde Almaty qalasynda ómirden ótti. Ol qazaqstandyq mánerlep syrǵanaýshylar arasyndaǵy alǵash ret álem chempıonatynyń tuǵyryna kóterilgen sportshy.

Ten 2013 jáne 2015 jyldary álem birinshiliginiń kúmis jáne qola júldegeri atandy. Sondaı-aq, 2014 jylǵy Olımpıada oıyndarynyń qolasyn da ıelengen bolatyn. 

Tursynbaeva 22 naýryz kúni Saıtamada ótken álem chempıonatynda kúmis medal ıelenip, áıelder arasyndaǵy synnan júlde alǵan tuńǵysh qazaqstandyq sportshy retinde tarıhta qaldy.