Elimizdiń joǵary oqý oryndarynda Elbasy Joldaýyn nasıhattaýǵa baǵyttalǵan dárister ótkiziledi
Dáristerdi Qazaqstan Respýblıkasynyń Bilim jáne ǵylym mınıstrliginiń tapsyrysymen «Bolashaq» Korporatıvtik qory uıymdastyrady. Bul týraly qordyń baspasóz qyzmeti habarlady.
14 qyrkúıek kúni Astana, Almaty, Óskemen, 18 qyrkúıek kúni Kókshetaý qalasynyń joǵary oqý oryndarynda Elbasynyń «Áleýmettik-ekonomıkalyq jańǵyrtý - Qazaqstan damýynyń basty baǵyty» Joldaýyn nasıhattaý dáristeri ótkiziledi. Dáristerdiń negizgi maqsaty jastarǵa Prezıdenttiń 2012 jylǵy Joldaýynyń beretin múmkinshilikteri jaıly aqparat berý, jastardyń áleýmettik problemalaryn sheshý joldaryn túsindirý. Mundaı dáristerdi bolashaqtyqtar 2009 jyldan bastap ótkizip keledi.
Elbasynyń joldaýy Qazaqstannyń turaqty damýy úshin áleýmettik-ekonomıkalyq jańǵyrtýdy júzege asyrýǵa baǵyttalǵan. Qujattyń aıtarlyqtaı bóligi jastarǵa arnalǵan: otandyq ǵylym men tehnologııanyń damýy, údemelı ındýstrıaldyq-ınnovatsııalyq damý strategııasy sheńberinde jastar úshin jumys oryndaryn ashý, qol jetimdi baspanamen qamtamasyz etý jáne t.b.
Dáris baǵdarlamasyndaotandyq bilim berý júıesiniń damýy men jetildirilýiniń basym baǵyttary,«Jumyspen qamtý-2020», «Qol jetimdi baspana-2020» baǵdarlamalary boıynsha jumysqa turý, turǵyn úı alý múmkinshilikteri qarastyrylǵan.
Dáris júrgizýshileri: «Bolashaq» korporatıvtik qorynyń, joǵary oqý oryndarynyń, ákimdikterdiń jumyspen qamtý jáne áleýmettik baǵdarlamalardy úılestirý basqarmalarynyń, «Qazaqstannyń turǵyn úı qurylys jınaq banki» AQ ókilderi.
DáristerL.N.Gýmılev atyndaǵy Eýrazııa ulttyq ýnıversıtetinde (Astana), Abaı atyndaǵy Qazaq ulttyq pedagogıkalyq ýnıversıtetinde (Almaty), D.Serikbaev atyndaǵy Shyǵys Qazaqstan memlekettik tehnıkalyq ýnıversıtetinde (Óskemen), Sh.Ýálıhanov atyndaǵy Kókshetaý memlekettik ýnıversıtetinde (Kókshetaý) ótkziledi.
