Elimizdiń tústi metallýrgııa salasynda oń qarqyn bar - Beıbit Atamqulov

NUR-SULTAN. QazAqparat - 2021 jyldyń qańtar aıynda elimizdiń óńdeý ónerkásibinde oń úrdis saqtaldy. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov málim etti, dep habarlaıdy QazAqparat tilshisi.

«Mashına jasaý salasynda naqty kólem ındeksi 116,2 paıyzdy qurady. Avtokólik quraldary, treılerler jáne jartylaı tirkemeler, mashınalar men jabdyqtar óndirisi, ózge de kólik quraldaryn, kompıýterler, elektrondyq jáne optıkalyq jabdyqtar jasaý ósti», - dedi mınıstr.

Onyń aıtýynsha, tústi metallýrgııada da oń dınamıka baıqaldy. Ósim 106,6 paıyz boldy. Oǵan tazartylǵan altyn, tazartylǵan kúmis, quıma altyn, túıirshik kúmis, katodty mystyń jáne basqa da kórsetkishterdiń ósimi esebinen qol jetkizildi.

«Qara metallýrgııada naqty kólem ındeksi 96,9 paıyz qurady. Tutynýshylar tapsyrystarynyń azaıýyna baılanysty shoıyn óndirisi, relster, bolat qubyrlar, armatýra prokaty tómendedi. Sonymen qatar, kásiporyndarmen birlesip eksporttyq áleýetti ónimdi ótkizýdiń balamaly naryqtaryna qaıta bólý jumystaryn júrgizip jatyrmyz», - dedi B. Atamqulov.