Elimizdiń ońtústiginde merzimdi áskerı qyzmetke shaqyrý ótkizilýde

TÚRKІSTAN. QazAqparat – Elimizdiń ońtústiginde Qazaqstan Qarýly Kúshteriniń áskerı bólimderi men quramalarynda merzimdi áskerı qyzmet ótkerý úshin azamattardy shaqyrý bastaldy. Túrkistan oblysy men Shymkent qalasynyń jergilikti áskerı basqarý organdarynda qabyldanǵan 1 myńnan astam jas elimizdiń ár túkpirinde áskerı mindetin oryndaıtyn bolady, dep habarlaıdy QazAqparat tilshisi.

1 shildeden bastap eki óńirdegi Qorǵanys departamentterine 18-27 jas aralyǵyndaǵy bes myńnan astam adamdy shaqyrý josparlanyp otyr. Áskerge shaqyrylýshylar men laýazymdy tulǵalar arasynda koronavırýs ınfektsııacynyń taralýyn aldyn alý maqsatynda, jınaý pýnktterinde profılaktıkalyq sharalardy kúsheıtý qolǵa alynǵan. Medıtsınalyq beketter ornalastyrylyp, onda oblystyq medıtsınalyq komıssııa quramyna ınfektsıonıst-dárigerler engizilgen. Sonymen qatar, saltanatty shyǵaryp salý is-sharalaryna da tyıym salynǵan. Jas jigitter áskerı bólimderge kelgennen keıin mindetti túrde olardy eki aptalyq karantınge oqshaýlaý júrgiziledi. Karantın kezinde medıtsınalyq tekserý jáne áleýmettik-psıhologııalyq zertteý de qarqyn alady. Aıta ketsek, Túrkistan oblysy men Shymkent qalasynan búgingi tańda 1600-den astam azamat UQK Shekara qyzmeti men ІІM Ulttyq gvardııasynyń bólimshelerin tolyqtyrdy.