Elimizdiń batys óńirlerinen gaz shyǵarý múmkindigi qarastyrylýda - Energetıka mınıstri
Kezdesý barysynda mınıstr turǵyndarǵa óńirdegi iri energetıkalyq obektilerdi jańǵyrtý jáne rekonstrýktsııalaý merzimderi, Ekibastuz JEO jóndeý naýqanynyń barysy, jylytý maýsymyna daıyndyq, sondaı-aq Pavlodar oblysyn gazdandyrýdyń qarastyrylyp otyrǵan nusqalary týraly baıandap, ózekti suraqtaryna jaýap berdi.
Qazirgi ýaqytta óńirde energetıkalyq obektilerdi jańǵyrtý jáne rekonstrýktsııalaý boıynsha iri jobalar iske asyrylýda.
Ekibastuz GRES-1-de «№1 energoblokty qalpyna keltirý» jobasy júzege asyrylýda, ol stantsııanyń qýatyn 4 000 MVt-qa deıin arttyrýǵa múmkindik beredi, jobanyń quny shamamen 162 mlrd teńge. Joba 2023 jyldyń sońynda aıaqtalady dep kútilýde.
Sonymen qatar Ekibastuz GRES-2-de 3 energoblok salý jumystary qaıta jandandy, jobanyń jalpy quny shamamen 450 mlrd teńge. Jobany iske asyrý stantsııanyń qýatyn 2026 jyly 1 600 MVt-qa deıin arttyrýǵa múmkindik beredi. Sondaı-aq Ekibastuz GRES-2-de 3 energoblok salý jumystary qaıta jandandy, jobanyń jalpy quny shamamen 450 mlrd teńge. Jobany iske asyrý stantsııanyń qýatyn 2026 jyly 1 600 MVt-qa deıin arttyrýǵa múmkindik beredi.
Bul jobany iske asyrý qurylys kezeńinde shamamen 1400 jumys ornyn jáne paıdalaný satysynda 350-den astam jumys ornyn qurýǵa múmkindik beredi.
Júrgizilip jatqan rekonstrýktsııalaý sheńberinde Ekibastuz JEO-da barlyq 10 qazandyqty (5 bý jáne 5 sý jylytý) jóndeý kózdelgen.
Mınıstrdiń málimetinshe, onyń ishinde Úkimet rezervi esebinen (7,4 mlrd teńge) 5 sý jylytý qazandyǵyna kúrdeli jóndeý júrgizilýde. «OAEK» AQ qarajaty esebinen 5 bý qazandyǵyn, sondaı-aq qosalqy jabdyqtardy, ǵımarattar men qurylystardy kúrdeli jáne aǵymdaǵy jóndeý júzege asyrylady.
«Búgingi kúni №9 jáne №7 energetıkalyq qazandyqtarda jóndeý jumystary aıaqtaldy, 2 energetıkalyq jáne 5 sý jylytý qazandyqtarynda jóndeý jumystary jalǵasýda. Jóndeý naýqany bekitilgen kestege sáıkes júrgizilýde, aıtarlyqtaı artta qalýshylyq joq», - dedi A.Sátqalıev.
Jalpy, oblys boıynsha aldaǵy jylytý maýsymyna daıyndyq shtattyq rejımde ótýde.
Aımaqty gazdandyrý týraly aıta otyryp, mınıstr eki nusqanyń qarastyrylyp jatqanyn atap ótti: gazdy óz resýrstary esebinen nemese Reseı Federatsııasynan gaz ımporty esebinen gazdandyrý.
Birinshi nusqa sheńberinde «Rýdnyı – Astana – Pavlodar – Semeı – Óskemen – Zaısan» baǵyty boıynsha batys óńirlerden gaz shyǵarý múmkindigi qarastyrylýda. Jobanyń quny 778 mlrd teńgege baǵalanady. Qazirgi ýaqytta QazaqGaz jobasyn iske asyrý úshin TEN ázirleýde.
Ekinshi nusqa (Reseı Federatsııasynan gaz ımporty) «Gazprom» JAQ-men birlesip «Reseı Federatsııasy – Qazaqstan Respýblıkasy – Qytaı Halyq Respýblıkasy» gaz qubyryn salý jónindegi aldyn ala TEN ázirleý sheńberinde zerttelip jatyr. Gazdandyrýdyń osy nusqasy boıynsha jobalaý jumystary aıaqtalý satysynda.
«TEN aldyndaǵy jáne barlyq bastapqy derekterdi (gaz baǵasy men kelisimshart talaptary) alǵannan keıin soltústik-shyǵys óńirlerdi gazdandyrýdyń ońtaıly nusqasy ázirlenetin bolady», - dep atap ótti mınıstr.
