Elimizdiń barlyq óńirinde meshitterde juma namazyn oqýǵa ruqsat berildi

NUR-SULTAN. QazAqparat – Elimizde dinı nysandardyń ashyq aýada qyzmet kórsetýine ruqsat berildi. Bul týraly búgin QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Qyzyl» jáne «sary» aımaqtardaǵy dinı nysandardyń qyzmetine jabyq úı-jaıda ujymdyq is-sharalar ótkizbeı, ashyq aýada qyzmet kórsetýine ruqsat etildi», - dedi mınıstr Úkimet otyrysynda.

Aıta keteıik, keshe elimizdiń Bas memlekettik sanıtar dárigeri Erlan Qııasovtyń jańa qaýlysy kúshine endi. Atalǵan qujatta meshitter, pravoslavıe shirkeýleri jáne basqa da dinı nysandar aýmaǵynda ujymdyq dinı is-sharalardy (onyń ishinde «juma namazy», kúndelikti pravoslavıelik duǵalar jáne basqalaryn) ashyq aýada ótkizý maska rejımi men bir adamǵa keminde 4 metr esebinen áleýmettik qashyqtyq saqtalǵan kezde júzege asyrylatyndyǵy jazylǵan.