Elimizdiń 7 qalasynda jaısyz meteojaǵdaı qalyptasady

ASTANA. QazAqparat – Búgin Qazaqstannyń 7 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat.

«2022 jylǵy 26 jeltoqsanda qolaısyz meteorologııalyq jaǵdaılar Astana, Kókshetaý, Almaty, Shymkent, Qaraǵandy, Temirtaý, Aqtóbe qalalarynda kútiledi», - delingen habarlamada.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.