Elimizdegi vaktsınalar sapasy úsh kezeńdi tekserýden ótkiziledi
Qazaqstandaǵy ımmýnobıologııalyq preparattardy baqylaýda ulttyq organ qyzmetin atqaratyn QR DSM Dárilik zattardy, medıtsınalyq maqsattaǵy buıymdardy jáne medıtsına tehnıkasyn ulttyq saraptaý ortalyǵy vaktsınalardyń qaýipsizdigi men ekpelerdiń ulttyq kúntizbesi týraly aıtyp berdi.
Vaktsınalar - tehnologııalarynyń kúrdeligimen, quramymen, adamnyń aǵzasyna áser etý mehanızminiń ártúrliligimen erekshelenetin jáne sapa men baqylaý jaǵynan erekshe talap etetin ımmýnobıologııalyq preparattar.
Aǵzaǵa vaktsına jiberilgennen keıin ınfektsııaǵa qarsy spetsıfıkalyq belsendi ımmýnıtet qalyptasady. Vaktsınatsııa men ımmýnoprofılaktıka jumystary densaýlyq saqtaý salasyndaǵy memlekettik saıasattyń basym baǵyttary bolǵandyqtan, Qazaqstan halqyn qaýipsiz ári tıimdi vaktsınatsııamen qamtamasyz etý úshin bizdiń elimizde vaktsınalardy baqylaýdyń memlekettik júıesi jumys isteıdi.
Saraptama barysynda vaktsınalardyń sapasy úsh kezeńnen turatyn tekseristen ótedi: bastapqy saraptama, taldaý saraptamasy jáne mamandandyrylǵan saraptama. Osy saraptama jumystarynyń bári de Dárilik zattardy, medıtsınalyq maqsattaǵy buıymdardy jáne medıtsına tehnıkasyn ulttyq saraptaý ortalyǵynda jáne onyń memlekettik jáne halyqaralyq standarttar boıynsha akredıttelgen synaq laborotorııalarynda júrgiziledi. Máselen, ortalyqtyń janynda ımmýnobıologııalyq preparattardyń saraptamasyn júrgizetin Ortalyq Azııadaǵy tuńǵysh bıologııalyq synaq laborotorııasy jumys atqaryp tur. Bıotehnologııa, ımmýnologııa men ózge de ǵylym túrleriniń belsendi túrde damýyna baılanysty ortalyqqa qarasty labortorııalar turaqty túrde jańǵyrtylyp otyrady. Al ondaǵy sarapshylar óziniń quziretteriniń aıasyn keńeıtip, biliktiligin arttyrýda.
Qazaqstanda bıýdjet qarajatynyń esebinen qaýipti sanalatyn 21 aýrýdyń túri boıynsha aldyn ala ekpe jumystary júrgiziledi. Ol aýrýlardyń qataryna týberkýlez, qyzylsha, gepatıt jáne taǵy basqa syrqattar jatady. Infektsııalyq aýrýlarǵa qarsy josparly ekpe jumystaryna aldyn ala ekpeniń ulttyq kúntizbesinde bekitilgenindeı, qazaqstandyqtar jasy boıynsha tartylady. Bul qujat QR Úkimetiniń qaýlysymen bekitilgen normatıvti-quqyqtyq qujat bolyp sanalady.
Sonymen birge, halyqtyń ózge de toptary ekpe jasata alady: ınfektsııalyq aýrýdyń oshaǵy sanalatyn óńirlerdiń turǵyndary, táýekel topta eńbek etip júrgen toptaǵy azamattar (máselen, medıtsınalyq qyzmetkerler, kanalızatsııalyq jáne tazartý júıesinde eńbek etetin adamdar, dıspanserlik eseptegi balalar, balalar úıindegi jetkinshekter, qarttar úıi men ózge de mekemelerdegi adamdar) bar.
Ulttyq kúntizbe bizdiń elimizdegi epıdemıologııalyq jaılylyqty qamtamasyz etý boıynsha mańyzdylyǵy jaǵynan bastapqy resmı qujat bolyp sanalady ári qaýipsizdikti qamtamasyz etý boıynsha Búkilálemdik densaýlyq saqtaý uıymynyń talaptaryna saı keledi.
Avtor: Meırambek Baıgarın